MATTHEW 15:14 - Edisana ñwed Abasi Ibom

¹⁴ Ndien nnan ama ada nnan usuŋ, mmɔ mbiba eyeduɔŋɔ ke ukpe.

MATTHEW 15:14 ပူးပေါင်းရင်းမြစ်များ

ISAIAH 31:3

Edi Egypt edi owo, idige Abasi; ndien mme horse mmɔ edi obukidem, idige spirit. Ndien Jehovah eyemenere ubɔk esiemɔ, ndien owo eke aŋwamde eyetuak ukot, ndien owo eke enye aŋwamde eyenyuŋ ɔduɔ, ndien eyesobo kpukpru mmɔ ɔtɔ kiet.

ISAIAH 42:19

Anie edi nnan ke mibɔhɔke owo mi? Anie edi inan nte isuŋ mi emi ndɔŋde enye utom? Anie edi nnan nte enye emi ɔfɔnde ama, ye nnan nte owo Jehovah?

ISAIAH 56:10

Mbon ukpeme esie kpukpru edi nnan; ifiɔkke, kpukpru mmɔ edi ebua imum, ikemeke ndikpɔi; ke edaba ndap, ke esuhɔre ena, ke ema ndide idap.

ISAIAH 9:16

Ndien mme mmɔ emi edade mbio emi usuŋ, esin mmɔ ediyo; ndien emesobo mmɔ emi mmɔ edade usuŋ.

JEREMIAH 5:31

mme prophet etiŋ prophecy nsunsu, mme oku enyuŋ eda ubɔk mmɔ ekan obio; ikɔt mi enyuŋ ema ntre: ndien mbufo edinam didie ke ukperedem esie?

JEREMIAH 6:15

But akpanam mmɔ, koro mmɔ enamde oburobut ido; edi but inamke mmɔ baba, mmɔ inyuŋ ifiɔkke ndikop but: mmɔdo mmɔ eyeduɔŋɔ ke otu mmɔ eke eduɔŋɔde: ke ini eke ndinɔde mmɔ ufen mmɔ eyeduɔŋɔ; Jehovah ɔdɔhɔ.

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

HOSEA 4:17

Ephraim emeyire ye ndem; yak enye kpɔŋ.

MALACHI 2:8

Edi mbufo emekpɔŋ usuŋ; emenam ediwak owo eduɔŋɔ ke mbet; emebiat ediomi Levi, Jehovah mme udim ɔdɔhɔ.

LUKE 6:39

Enye onyuŋ otop ŋke ɔnɔ mmɔ ete, Nte nnan ekeme ndida nnan usun? nte mmɔ mbiba ididuɔhɔ iduk ke obube?

JOHN 9:39

Ekem Jesus ɔdɔhɔ ete, Ami mma ndi ke ererimbot emi ndikpe ikpe nnɔ owo, man mmɔ eke mikwe ŋkpɔ ekpekut, mmɔ eke ekutde ŋkpɔ ekponyuŋ ekabare edi nnan.

1ŊWED TIMOTHY 6:5

ye isuŋi, ye idiɔk ekikere, ye ɔkpɔsɔŋ eneni ke otu mmɔ emi ekikere mmɔ ama akabiara, akpanikɔ ama onyuŋ ɔbɔhɔ mmɔ; etie mmɔ nte uteŋe Abasi edi afaŋ udia-udori.

2 PETER 2:1

EDI mme prophet abiaŋa ema enyuŋ ebiɔŋɔre ke otu mbio-obio, kpa nte abiaŋa-abiaŋa mme anditeme edinyuŋ edude ke otu mbufo; mmɔ edisaŋa ndibe-ndibe, eda esen ukpep-ŋkpɔ eke osobode ukpɔŋ owo eduk etiene mbufo, edinyuŋ ekaŋ kpa Ɔbɔŋ emi akafakde mmɔ, edinyuŋ esin nsobo abuat idem mmɔ.

2 PETER 2:17

Mmɔ edi idim eke misiahake mmɔŋ, ye akarika eke oyobio emende ofime ebe; ema enim ata obubit ekim enɔ mmɔ.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

ERIYARARE 22:15

Mme ebua edu ke edem obio, ye mme abia idiɔŋ, ye mbon use, ye mme owot owo, ye mme okpono ndem, ye kpukpru owo eke emade nsu, enyuŋ esude nsu.