MATTHEW 14:5 - Edisana ñwed Abasi Ibom

⁵ Ndien ke ini Herod oyomde ndiwot enye, efehe mbio-obio, koro mmɔ edade John ke prophet.

MATTHEW 14:5 ပူးပေါင်းရင်းမြစ်များ

JEREMIAH 26:21

ndien ke adaŋemi edidem Jehoiakim, ye kpukpru mbon uko esie, ye kpukpru ikpɔ owo ekopde ikɔ esie, edidem oyom ndiwot enye, edi Uriah okop, ndien efehe ndik, onyuŋ ɔbɔhɔ aka Egypt.

MATTHEW 11:9

Edi ekewɔŋɔ eka ke ntak ewe? eka ekese prophet? Ke akpanikɔ ke ndɔhɔ mbufo nte, enye onyuŋ ɔsɔŋɔ okpon akan prophet.

MATTHEW 21:26

Edi ima idɔhɔ ite, Oto owo; nnyin ifefehe otu owo; koro kpukpru owo edade John ke prophet.

MATTHEW 21:32

Koro John akasaŋa ke usuŋ edinem ido etiene mbufo, ndien mbufo inimke enye ke akpanikɔ; edi mme publican ye mme akpara enim enye ke akpanikɔ; ndien ke ini mbufo ekutde, ituaha mkpɔfiɔk ke ukperedem, man mbufo nde enim enye ke akpanikɔ.

LUKE 20:6

Edi ima idɔhɔ ite, Oto owo, kpukpru mbio-obio eyetɔŋɔ nnyin ke itiat: koro mmɔ eburede efiɔk ete John ekedi prophet.

UTOM MME APOSTLE 4:21

Edi ke mme oku ema ekedian ikɔ-ndikhe, esana mmɔ eyak, sia mikwe ntak eke ekpɔnɔde mmɔ ufen kabaŋa mbio-obio; koro kpukpru owo etorode Abasi ebaŋa se ikotibede.

UTOM MME APOSTLE 5:26

Ekem etubom temple ye mme isuŋutom eka ekeda mmɔ edi, edi idige ke ɔkpɔsɔŋ ubɔk; koro mmɔ efehede, mbak mbio-obio editɔŋɔ mmɔ ke itiat.