MATTHEW 14:27 - Edisana ñwed Abasi Ibom

²⁷ Edi idaha oro Jesus etiŋ ikɔ ye mmɔ ete, Esɔŋ esit; edi Ami; ekufehe ndik.

MATTHEW 14:27 ပူးပေါင်းရင်းမြစ်များ

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

ISAIAH 41:14

Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.

ISAIAH 41:4

Anie ekesin okonyuŋ anam, ke okot mme emana toto ke eritɔŋɔ? ami Jehovah, akpa, emi nnyuŋ ndude ke akpatre; ami ndi Enye.

ISAIAH 51:12

Ami, ami, ndi enye emi ndɔŋde mbufo esit: afo edi anie eke ekpefehede owo emi edikpade, efehe eyen owo emi edinimde enye nte mbiet;

MATTHEW 14:28

Edi Peter ɔbɔrɔ Enye ete, Ɔbɔŋ, edieke edide Afo, kot mi nsaŋa ke enyɔŋ mmɔŋ ntiene Fi.

MATTHEW 17:7

Edi Jesus edi edituk mmɔ, ete, Edaha ke enyɔŋ, ekufehe.

MATTHEW 28:10

Ndien Jesus ɔdɔhɔ mmɔ ete, Ekufehe ndik: eka ekɔdɔhɔ nditɔ ete Mi, ete, mmɔ enyɔŋɔ eka ke Galilee; mmɔ edinyuŋ ekut Mi do.

MATTHEW 28:5

Edi angel ɔbɔrɔ iban oro, ete, Mbufo ekufehe ndik: koro mmɔfiɔk nte mbufo eyom Jesus emi ekowotde ke cross.

MATTHEW 9:2

Ndien sese mmɔ eda owo ɔdɔŋɔ-akpa-ubeŋ, emi ebiomde ke mbri, esɔk Enye: ndien ke ini Jesus okutde mbuɔtidem mmɔ, Enye ɔdɔhɔ ɔdɔŋɔ-akpa-ubeŋ oro ete, Eyen Mi, sɔŋ esit; emefen mme idiɔk-nkpɔ fo.

MARK 6:50

Edi idaha oro Enye etiŋ ye mmɔ, onyuŋ ɔdɔhɔ ete, Esɔŋ esit: edi Ami: ekufehe ndik.

LUKE 1:13

Edi angel ɔdɔhɔ enye ete, Kufehe ndik, Zechariah; koro ema ekop mkpe-ubɔk fo; ndien ŋwan fo Elizabeth eyeman eyen eren ɔnɔ fi, afo eyeyuŋ osio enye enyiŋ John.

LUKE 1:30

Ndien angel ɔdɔhɔ enye ete, Kufehe ndik, Mary: koro afo ama okut mfɔn-iso ke iso Abasi.

LUKE 12:32

Ekufehe ndik, ekpri otu erɔŋ; koro edide eti uduak Ete mbufo ndida Obio Ubɔŋ oro nnɔ mbufo.

LUKE 2:10

Angel onyuŋ ɔdɔhɔ mmɔ ete, Ekufehe ndik; koro sese, mmada eti mbuk akwa idaresit, eke edinyenede kpukpru owo, nsɔk mbufo;

LUKE 5:10

Onyuŋ edi ntre ɔnɔ James ye John ŋko, nditɔ Zebedee, mme nsaŋa Simon. Ndien Jesus ɔdɔhɔ Simon ete, Kufehe ndik; tɔŋɔ ke emi afo eyekɔ owo.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

JOHN 6:20

Edi Enye ɔdɔhɔ mmɔ ete, Edi Ami; ekufehe ndik.

UTOM MME APOSTLE 23:11

Ndien ke okoneyo eke etienede usen oro, Ɔbɔŋ ada Paul ke ŋkaŋ, ete enye, Sɔŋ esit; koro kpa nte ekedide ntiense ɔnɔ Mi ke Jerusalem, ntre ke eyedi ntiense ke Rome ŋko.