MATTHEW 14:20 - Edisana ñwed Abasi Ibom

²⁰ Ndien mmɔ kpukpru edia eyuhɔ, mmɔ enyuŋ etaŋ mbubek uyo eke esuhɔde, edɔŋ ke akpan duopeba eyɔhɔ.

MATTHEW 14:20 ပူးပေါင်းရင်းမြစ်များ

EXODUS 16:12

Mmokop nsuk-uyo nditɔ Israel; tiŋ nɔ mmɔ ete, Ke adaŋa mbubreyo, mbufo eyeta unam, ndien ke usenubɔk, eyeyuhɔ uyo; ndien mbufo eyefiɔk ete ke ami ndi Jehovah Abasi mbufo.

EXODUS 16:8

Ndien Moses ɔdɔhɔ ete, (Eyedi ntem) ke ini Jehovah ɔnɔde mbufo unam ke mbubreyo, ete eta, ye uyo ke usenubɔk, ete eyuhɔ: koro Jehovah omokop uyo emi mbufo esukde enye: ndien nnyin idi mme anie? Idige nnyin ke mbufo esuk uyo, edi edi Jehovah.

MME ŊKE 13:25

Eti owo adia ŋkpɔ ɔyuhɔ: edi idibi mme idiɔk owo ana ukpɔk.

LEVITICUS 26:26

Ke adaŋemi ami mbuŋde esaŋ uyo nnɔ mbufo, iban duop eyesaŋ uyo mbufo ke usaŋ-uyo kiet, enyuŋ edomo uyo enɔ mbufo: ndien mbufo eyeta, edi idiyuhɔke.

HAGGAI 1:6

Mbufo etetɔ ediwak ŋkpɔ ke isɔŋ, ndien ekut esisit; edia ŋkpɔ, edi ikemke: eŋwɔŋ, edi iyuhɔke; esine ŋkpɔ ke idem, edi ikopke ufiop; anam-utom ke utip onyuŋ esin utip ke ekpat eke otibede ndudu.

MATTHEW 14:21

Ibat mmɔ emi ediade ŋkpɔ ekpere thousand owo ition, isinke iban ye nditɔwɔŋ.

MATTHEW 15:33

Ndien mbet edɔhɔ Enye ete, Ke mmɔŋ ke nnyin idinyene uyo eke awakde ke desert emi ekem ndiyuhɔ adaŋa akwa otu owo emi?

MATTHEW 5:6

Ɔfɔfɔn ɔnɔ mmɔ eke ekopde biɔŋ ye nsat-itɔŋ edinen ido: koro mmɔ eyeyuhɔ.

LUKE 1:53

Enye akada nti ŋkpɔ ɔyuhɔ mmɔ emi biɔŋ ɔdɔŋde, Okonyuŋɔdɔŋ mbon-inyene enyɔŋɔ ubɔk-ubɔk.

LUKE 9:17

Ndien kpukpru mmɔ edia eyuhɔ; enyuŋ etaŋ mbubek udia eke ɔsuhɔde edɔŋ ke akpan duopeba eyɔhɔ.

JOHN 6:7

Philip ɔbɔrɔ Enye ete, Uyo eke akpade okuk ikie iba ikemke kpukpru mmɔ ndidia nsit-nsit.