MATTHEW 14:14 - Edisana ñwed Abasi Ibom

¹⁴ Ndien Enye ɔwɔrɔ ke ubom okut akamba otu owo, onyuŋ atua mmɔ mbɔm, onyuŋ anam mbon-udɔŋɔ mmɔ ekop nsɔŋidem.

MATTHEW 14:14 ပူးပေါင်းရင်းမြစ်များ

MATTHEW 14:15

Edi ke ini osimde mbubreyo, mbet etiene Enye edɔhɔ Enye ete, Ebiet emi edi desert, ini ama onyuŋ ebe; dɔŋ mme otu owo enyɔŋɔ, man mmɔ eka ke obio-iŋwaŋ ekedep udia enɔ idem mmɔ.

MATTHEW 4:23

Ndien Jesus asaŋa ke ofuri Galilee, ekpep mme owo ŋkpɔ ke synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk ubiak ye kpukpru oruk udɔŋɔ eke enamde mbio-obio ekure.

MATTHEW 9:36

Edi ke adaŋemi Enye okutde mme otu owo, atua mmɔ mbɔm, koro mmɔ edude ke nnanenyin enyuŋ esuanade, nte erɔŋ eke minyeneke andikpeme.

MARK 6:34

Ndien Jesus ɔwɔrɔ ke ubom okut akwa otu owo, onyuŋ atua mmɔ mbɔm, koro mmɔ ebietde mme erɔŋ eke minyeneke andikpeme: Enye onyuŋ ɔtɔŋɔ ndikpep mmɔ ediwak ŋkpɔ.

MARK 9:22

Spirit onyuŋ awawak ndisio enye nduɔk ke ikaŋ ye ke mmɔŋ, ete iwot enye: edi edieke Afo ekemede ndinam ŋkpɔ, tua nnyin mbɔm, nyuŋ ŋwam nnyin.

LUKE 19:41

Ke ini Enye asaŋade ekpere, Enye okut obio, onyuŋ atua eyet abaŋa enye, ete,

LUKE 7:13

Ndien ke adaŋemi Ɔbɔŋ okutde ŋwan oro, atua enye mbɔm, onyuŋ ɔdɔhɔ enye ete, Kutua.

MME HEBREW 2:17

Mmɔdo odotde nte enam Enye ebiet nditɔ-ete Esie kpukpru ŋkpɔ, man Enye ekpedi Akwa Oku emi atuade owo mbɔm, onyuŋ anamde akpanikɔ ke ŋkpɔ eke abaŋade Abasi, okponyuŋ osio isop abaŋa mme idiɔk-ŋkpɔ mbio-mbio.

MME HEBREW 4:15

Koro nnyin minyeneke Akwa Oku eke mikemeke nditiene nnyin ŋkut mmem-idem nnyin; edi Akwa Oku emi okokutde idomo ke kpukpru nde kpa nte nnyin, edi minyeneke idiɔk-ŋkpɔ.

MME HEBREW 5:2

emi onyuŋ ekemede ndime ime ye mme ɔkɔi ye mme edue-ibet, sia enye ke idem esie edide owo emi mmem-idem akande enye okuk: