MATTHEW 13:42 - Edisana ñwed Abasi Ibom

⁴² eyenyuŋ eduɔk mmɔ ke akwa ikaŋ emi asakde: do ke eritua eyet ye erita edet eyedu.

MATTHEW 13:42 ပူးပေါင်းရင်းမြစ်များ

2 SAMUEL 23:7

Edi owo eke oyomde ndituk mmɔ ada ukwak ye eto eduat esin ke ubɔk; ndien mmɔ eyeta ikaŋ ke ɔtɔ mmɔ.

ŊWED MME PSALM 21:9

Afo eyenim mmɔ nte furnace ke ini iso fo, Jehovah eyesobo mmɔ ke iyaresit esie, ndien ikaŋ eyeta mmɔ.

DANIEL 3:6

ndien ama edi owo ekededi eke mididuɔhɔ ke isɔŋ, midinyuŋ ituakke ibuot, kpasuk ndo-ndo oro eyemen enye eduɔk ke ufɔt akwa ikaŋ eke asakde.

MATTHEW 13:50

Do ke eritua eyet ye erita edet eyedu.

MATTHEW 22:13

Ekem edidem ɔdɔhɔ ikɔt esie ete, Ebɔp enye ubɔk ye ukot, enyuŋ etop enye eduɔk ke ekim ke esien; do ke eritua eyet ye erita edet eyedu.

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

MATTHEW 3:12

Usakŋkpɔ Esie odu Enye ke ubɔk, Enye eyenyuŋ anam itie-ubekibokpot Esie otim asana, onyuŋ obon ibokpot Esie ke ubet, edi eyefɔp mbio ke ikaŋ eke midinimeke.

MATTHEW 8:12

edi eyeduɔk nditɔ Obio Ubɔŋ ke ekim ke aŋwa-aŋwa: do ke eritua eyet ye erita edet eyedu.

LUKE 13:28

Do ke eritua eyet ye erita edet eyedu, ke ini mbufo edikutde Abraham ye Isaac ye Jacob, ye kpukpru mme prophet ke Obio Ubɔŋ Abasi, ndien edisiode mbufo ke idem mbufo eduɔk ke aŋwa.

ERIYARARE 14:10

enye nde eyeŋwɔŋ wine ifuresit Abasi, emi ebuakde enana mbɔm ke cup iyaresit Esie; eyenyuŋ etuhɔre enye ke ikaŋ ye brimstone ke iso nti angel ye ke iso Eyen-erɔŋ:

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

ERIYARARE 20:10

Ndien emen Satan emi akabiaŋade mmɔ eduɔk ke akwa ŋkpɔdiɔhɔ ikaŋ ye brimstone, ke ebiet eke unam ye prophet nsu edude; eyenyuŋ etuhɔre mmɔ ke uwemeyo ke ke okoneyo ke nsinsi-nsinsi.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

ERIYARARE 9:2

Enye onyuŋ ɔkpɔhɔre obube akwa udem; nsuŋikaŋ onyuŋ oto ke obube oro ɔwɔrɔ, ebiet nsuŋikaŋ akwa ikaŋ emi ebarade; utin ye enyɔŋ enyuŋ ekabare ekim ke ntak nsuŋikaŋ obube oro.