MATTHEW 13:40 - Edisana ñwed Abasi Ibom

⁴⁰ Mmɔdo nte etataŋ idiɔk mkpasip efɔp ke ikaŋ, ntre ke edidi ke akpatre ini eyo emi.

MATTHEW 13:40 ပူးပေါင်းရင်းမြစ်များ

MATTHEW 12:32

Ndien owo ekededi eke editiŋde ikɔ adian Eyen Owo, eyefen enye; edi owo ekededi eke editiŋde ikɔ adian Edisana Spirit, idifenke enye, ye edide ke eyo emi ye onyuŋ edide ke eyo emi edidide.

MATTHEW 13:22

Enye emi esuande mkpasip ke ufɔt ikɔt ŋkukim, edi owo emi okopde ikɔ; ndien ekikere ŋkpɔ eyo emi ye abiaŋa inyene ababa ikɔ oro owot, ntre ke enye akabare anana mfri.

MATTHEW 13:39

owo-usua emi asuande mmɔ edi Satan; ini ukpeŋe edi akpatre ini eyo emi; ndien mbon-ukpeŋe edi mme angel.

MATTHEW 13:49

Ntre ke edidi ke akpatre ini eyo emi; mme angel eyewɔŋɔ edi edidianare mme oburobut owo esio ke ndinen owo, enyuŋ eduɔŋɔ mmɔ ke akwa ikaŋ eke asakde.

MATTHEW 24:3

Edi nte Enye etiede ke Obot Olive, mbet Esie etiene Enye ke idem mmɔ, ete, Sian nnyin ini eke mme ŋkpɔ emi edidide; nso idinyuŋ idi idiɔŋɔ eridi Fo, ye eke akpatre ini eyo emi?

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

1 ŊWED CORINTH 10:11

Mme ŋkpɔ emi ekɔwɔrɔ mmɔ, man edi uwut-ŋkpɔ enɔ owo; ekenyuŋ ewet mmɔ ndida nteme nnyin, emi utit mme eyo ama osim nnyin.

MME HEBREW 9:26

sia akpanade nte Enye akpa ediwak ini toto ke eritɔŋɔ ererimbot; edi ke emi, ke ukperedem eyo emi, emayarare Enye ini kiet kpɔt, man Enye emen mme idiɔk-ŋkpɔ efep ke eriwa emi Enye awade Idem Esie.