MATTHEW 13:33 - Edisana ñwed Abasi Ibom

³³ Enye otop ŋke efen ɔnɔ mmɔ ete, Obio Ubɔŋ Heaven ebiet leaven, eke ŋwan emende esin ke udomo ndom-uyo ita, tutu leaven asuana ɔyɔhɔ ofuri ndom-uyo.

MATTHEW 13:33 ပူးပေါင်းရင်းမြစ်များ

GENESIS 18:6

Ndien Abraham awara aka ebiet Sarah ke tent, ete, Wara buen ata eti ndom uyo ke udomo ita, nyuŋ nam mfefere uyo.

2 SAMUEL 13:6

Ntre ke Amnon ɔsuhɔre ana, onyuŋ anam nte ɔdɔŋɔde: ndien adaŋemi edidem edide ndise enye, Amnon ɔdɔhɔ edidem, ete, Mbɔk yak Tamar eyenete mi edi edisaŋ uyo iba ke iso mi, man mbɔ enye ke ubɔk ndia.

ŊWED JOB 17:9

Edi edinen owo eyemum usuŋ esie akama: ndien owo eke ubɔk asanade eyediɔŋ ɔsɔŋ aka iso.

MME ŊKE 4:18

Edi usuŋ nti owo ebiet uŋwana eke asiahade, aka iso ayama, tutu osim ufɔt uwemeyo.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

MATTHEW 13:24

Enye emen ŋke efen onim ke iso mmɔ ete, Edomo Obio Ubɔŋ Heaven ye owo eke asuande eti mkpasip ke iŋwaŋ esie:

MARK 13:20

Koro mikpedige nte Ɔbɔŋ ama esibe mme usen oro emuhɔ, baba owo kiet ikpɔbɔhɔke: edi kabaŋa ndimek ikɔt Esie, emi Enye emekde, Enye ama esibe mme usen oro emuhɔ.

LUKE 13:21

Ebiet leaven eke ŋwan emende esin ke udomo ndom-uyo ita, tutu leaven asuana ɔyɔhɔ ofuri ndom-uyo.

JOHN 15:2

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.

ŊWED MBON GALATIA 5:9

Ekpri leaven ananamk ofuri uyo ofut.

ŊWED MBON PHILIPPI 1:6

mmonyuŋ mbure mfiɔk ŋkpɔ emi, nte, Enye emi ɔkɔtɔŋɔde eti utom ke esit mbufo eyenam enye ɔfɔn ama ndien edisim usen Jesus Christ:

ŊWED MBON PHILIPPI 1:9

Ndien mmebeŋe ntem nte, ima mbufo akpakam ɔdɔdiɔŋ awak ke ifiɔk ye kpukpru ikike;

2 PETER 3:18

Edi etie ke mfɔn ye ifiɔk Ɔbɔŋ ye Andinyaŋa nnyin Jesus Christ ekɔri ŋkɔri. Yak ubɔŋ enyene Enye ke emi ye ke nsinsi. Amen.

JUDGES 6:19

Ndien Gideon aka eketem eyenebot, onyuŋ ada eti ndom-uyo ke ephah kiet anam uyo, isinke leaven: enye esin unam ke akpasa esin efere ke eso, ndien emen ɔwɔrɔ okosim enye ke idak ofriyo oro, ɔnɔ enye.

1 SAMUEL 1:24

Ndien adaŋemi enye akanamde eyen adaha ke eba, enye ada enye ye enaŋ ita, ye eti ndom-uyo ke ephah kiet, ye wine ke ikpa, ɔdɔk, onyuŋ ada enye aka ke ufɔk Jehovah ke Shiloh; ndien eyen oro edi eyenɔwɔŋ.