MATTHEW 13:30 - Edisana ñwed Abasi Ibom

³⁰ Eyak mmɔ mbiba ekɔri ɔtɔ kiet tutu osim ini ukpeŋe; ndien ke ini ukpeŋe nyenɔ mbom ukpeŋe uyo, nte, Ebem iso etaŋ idiɔk mkpasip ebɔp ke ebek, man efɔp ke ikaŋ; edi editaŋ ibokpot ekonim ke ubet-udia mi.

MATTHEW 13:30 ပူးပေါင်းရင်းမြစ်များ

2 SAMUEL 23:7

Edi owo eke oyomde ndituk mmɔ ada ukwak ye eto eduat esin ke ubɔk; ndien mmɔ eyeta ikaŋ ke ɔtɔ mmɔ.

ŊWED JOB 39:12

Nte edikpɔŋ utom fo ɔnɔ enye? Nte edibuɔt idem ye enye, ete ke enye edibiom mkpasip fo aka ke ufɔk, onyuŋ ataŋ se idude ke ɔtɔ-ubek-ibokpot fo obon?

ISAIAH 17:5

Ndien eyetie nte owo ukpeŋe obonde ibokpot, ndien ubɔk esie ekpeŋe mbuot; eyenyuŋ etie nte owo ataŋde mbuot ibokpot ke itihere Rephaim.

MALACHI 3:18

Ndien mbufo eyetɔŋɔ ntak ekut nte eti ye idiɔk esaŋade isio, ye nte anam ŋkpɔ Abasi ye owo eke minamke ŋkpɔ esie esaŋade isio.

MATTHEW 13:25

edi ke adaŋemi owo edede idap, owo usua esie edi edisuan idiɔk mkpasip esin ke otu ibokpot, ndien adaha ɔnyɔŋ.

MATTHEW 13:29

Edi enye ete, Baba, mbak ndusuk, ke ini mbufo etaŋde idiɔk mkpasip, mbufo edidibere ibokpot ekɔrɔ ye mmɔ.

MATTHEW 25:32

Ndien eyebon kpukpru mme idut ke iso Esie: Enye eyenyuŋ abahare mmɔ kiet ye eken, nte emi ekpemerɔŋ abaharede erɔŋ ye ebot;

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

MATTHEW 3:12

Usakŋkpɔ Esie odu Enye ke ubɔk, Enye eyenyuŋ anam itie-ubekibokpot Esie otim asana, onyuŋ obon ibokpot Esie ke ubet, edi eyefɔp mbio ke ikaŋ eke midinimeke.

LUKE 3:17

Usak-ŋkpɔ Esie odu Enye ke ubɔk, ndida nnam itie-ubek-ibokpot Esie otim asana, Enye eyenyuŋ obon ibokpot Esie ke ubet; edi eyefɔp mbio ke ikaŋ eke midinimeke.

JOHN 15:6

Edieke owo miduŋke Mi ke idem, esio enye efep nte ŋkɔk, enye onyuŋ akabare asat; ndien etaŋ mme ŋkɔk oro esin ke ikaŋ, enyuŋ efɔp mmɔ.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

1ŊWED TIMOTHY 5:24

Idiɔk-ŋkpɔ ndusuk owo eyarare, ebem iso ewɔrɔ ubiere-ikpe; edi idiɔk-ŋkpɔ ke etiene ndusuk owo ke edem.

1 SAMUEL 25:29

Edi owo amadaha ke enyɔŋ ndibine fi, nnyuŋ nyom uwem fo: edi eyebɔp uwem ɔbɔŋ mi esin ke ebek uwem ye Jehovah Abasi fo; edi enye eyesin uwem mme asua fo ke esit ŋkpɔ utop-itiat ofuŋ ɔduɔk.