MATTHEW 13:25 - Edisana ñwed Abasi Ibom

²⁵ edi ke adaŋemi owo edede idap, owo usua esie edi edisuan idiɔk mkpasip esin ke otu ibokpot, ndien adaha ɔnyɔŋ.

MATTHEW 13:25 ပူးပေါင်းရင်းမြစ်များ

1 NDIDEM 3:20

Ndien enye edemere ke ufɔt okoneyo, emen eyen mi ke ŋkaŋ mi efep, ke ini ofin aŋwan fo edede idap, ada onim ke ikpanesit esiemɔ, onyuŋ emen eyen esiemɔ emi akpade, onim mi ke ikpanesit.

MATTHEW 13:24

Enye emen ŋke efen onim ke iso mmɔ ete, Edomo Obio Ubɔŋ Heaven ye owo eke asuande eti mkpasip ke iŋwaŋ esie:

MATTHEW 13:26

Edi ke ini mkpasip etibede esioŋo mfri, ke ini oro idiɔk mkpasip enyuŋ ewut idem.

MATTHEW 13:27

Edi mbon-utom enyene-ebiet oro edi edidɔhɔ enye ete, Ete, nte idige eti mkpasip eke afo akasuande ke iŋwaŋ fo? Enye asaŋa didie ndien otibe idiɔk mkpasip?

MATTHEW 13:29

Edi enye ete, Baba, mbak ndusuk, ke ini mbufo etaŋde idiɔk mkpasip, mbufo edidibere ibokpot ekɔrɔ ye mmɔ.

MATTHEW 13:30

Eyak mmɔ mbiba ekɔri ɔtɔ kiet tutu osim ini ukpeŋe; ndien ke ini ukpeŋe nyenɔ mbom ukpeŋe uyo, nte, Ebem iso etaŋ idiɔk mkpasip ebɔp ke ebek, man efɔp ke ikaŋ; edi editaŋ ibokpot ekonim ke ubet-udia mi.

MATTHEW 13:39

owo-usua emi asuande mmɔ edi Satan; ini ukpeŋe edi akpatre ini eyo emi; ndien mbon-ukpeŋe edi mme angel.

MATTHEW 25:5

Edi ke adaŋemi ɔdɔ-ndɔ ebigide edidi, kpukpru mmɔ eyet idap ede.

ŊWED MBON GALATIA 2:4

Edi nnim gospel mi ke iso mmɔ kabaŋa nditɔ-ete abiaŋa emi edipde idem eduk edi ndiyep itie eyen-isɔŋ emi nnyin inyenede ke Christ Jesus, man eda nnyin eduk ufin:

MME HEBREW 12:15

Etim ese mbak owo ekededi editaba mfɔn Abasi; mbak oruŋ eke edide ndot-ndot editibe otimere mbufo, onyuŋ asabare ediwak owo ke otu mbufo;

1 PETER 5:8

Efara ke idem enyuŋ ekpeme; asua mbufo, kpa, Satan, ke oyoyo nte

2 PETER 2:1

EDI mme prophet abiaŋa ema enyuŋ ebiɔŋɔre ke otu mbio-obio, kpa nte abiaŋa-abiaŋa mme anditeme edinyuŋ edude ke otu mbufo; mmɔ edisaŋa ndibe-ndibe, eda esen ukpep-ŋkpɔ eke osobode ukpɔŋ owo eduk etiene mbufo, edinyuŋ ekaŋ kpa Ɔbɔŋ emi akafakde mmɔ, edinyuŋ esin nsobo abuat idem mmɔ.

ERIYARARE 12:9

Ndien esio akwa dragon eduɔk ke isɔŋ, kpa akani urukikɔt oro ekotde enye ete, andidori ikɔt Abasi ikɔ ye Satan, andibiaŋa ofuri ererimbot; esio enye eduɔk ke isɔŋ, enyuŋ esioŋo mme angel esie eduɔŋɔ ye enye.

ERIYARARE 13:14

Enye onyuŋ ada idiɔŋɔ, emi enɔde enye ndinam ke iso unam oro, abiaŋa mme andiduŋ ke isɔŋ; onyuŋ ɔnɔ mme andiduŋ ke isɔŋ uyo, ete, mmɔ enam mbiet unam oro enyenede nde ofut ke idem, edi osuk odude uwem.

ERIYARARE 2:20

Edi mmenyene se ndade mbiom fi, ete, ayak itie ɔnɔ ŋwan oro, Jezebel, emi okotde idem prophet-aŋwan; onyuŋ adade abiaŋa ekpep ikɔt Mi ndinam use, nnyuŋ ndia se ekewade enɔ ndem.