MATTHEW 13:23 - Edisana ñwed Abasi Ibom

²³ Enye emi esuande mkpasip ke eti isɔŋ, edi owo emi okopde ikɔ onyuŋ ɔfiɔkde se enye ɔwɔrɔde; emi onyuŋ osioŋode mfri ke akpanikɔ, onyuŋ oŋwumde idem, ndusuk utim ikikie, ndusuk utim ikaata, ndusuk utim ikedip ye duop.

MATTHEW 13:23 ပူးပေါင်းရင်းမြစ်များ

EZEKIEL 18:31

Mbufo esioŋo kpukpru mme oburobut ido eke mbufo ekeduede ke esit ke idem mbufo efep; enyuŋ enam obufa esit ye obufa spirit esin mbufo ke idem: koro mbufo edinam didie ekpaŋa, O ufɔk Israel?

EZEKIEL 36:26

Nyenyuŋ nnɔ mbufo obufa esit, nnyuŋ nda obufa spirit nsin mbufo ke idem, nnyuŋ nsio mbufo esit enyene itiat ke obuk mfep, nnyuŋ nnɔ mbufo esit enyene obuk.

MATTHEW 12:33

Enam eto ɔfɔn, enyuŋ enam mfri esie ɔfɔn; midige ntre, enam eto edi mbiara, enyuŋ enam mfri esie edi mbiara ŋko: koro eda mfri efiɔk eto.

MATTHEW 13:8

Mmɔ eken eduɔŋɔ ke eti isɔŋ, enyuŋ efiari mfri, ndusuk eŋwum ikikie, ndusuk ikaata, ndusuk ikedip ye duop.

MATTHEW 3:10

Edi kpa idahemi emonim ekudi ke itak eto: ntre ke ekpi kpukpru eto eke miŋwumke mfri eke eyede eduɔk, emen, esin ke ikaŋ.

MATTHEW 3:8

Esioŋo naŋa mfri eke ekemde ye erikabare esit:

MARK 10:15

Ke akpanikɔ ke ndɔhɔ mbufo, Owo ekededi eke midibɔhɔ Obio Ubɔŋ Abasi nte ekpri eyen, ididukke duk ke esit.

MARK 4:20

Mmɔ emi mkpasip eduɔŋɔde ke eti isɔŋ, edi mmɔ emi ekopde ikɔ enyuŋ edarade enye, enyuŋ eŋwum mfri utim ikedip ye duop, ye utim ikaata, ye utim ikikie.

LUKE 13:9

ndien edieke enye ediŋwumde mfri isua efen, eyefɔn; edi miŋwumke, kpi enye duɔk.

LUKE 8:15

Ndien mkpasip emi edukde ke eti isɔŋ edi mmɔ emi ekopde ikɔ emum ekama ke eti esit akpanikɔ, enyuŋ eŋwum mfri ke ime.

LUKE 8:8

Mmɔ eken enyuŋ eduɔŋɔ ke eti isɔŋ, etibe, enyuŋ eŋwum mfri utim ikikie. Nte Enye etiŋde ŋkpɔ emi, Enye ofiori ete, Owo eke enyenede utɔŋ ndikop, yak okop.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

JOHN 8:47

Enye eke edide owo Abasi okop ikɔ Abasi; sia mbufo midige ikɔt Abasi, emi esin mbufo ekukop.

UTOM MME APOSTLE 16:14

Ndien ŋwan kiet ekere Lydia, emi otode ke obio Thyatira, anyam ididuot ɔfɔŋ, emi okponode Abasi, okop se itiŋde: Ɔbɔŋ onyuŋ eberere enye esit, anam enye ɔbiɔŋ utɔŋ ɔnɔ ikɔ oro Paul etiŋde.

UTOM MME APOSTLE 17:11

Mmɔ emi edi enyene-ido ekan mme andiduŋ Thessalonica; mmɔ ekop ikɔ ke erinyime esit, enyuŋ eduŋɔre ŋwed Abasi ke usen ke usen, ete ifiɔk mme mme ikɔ oro ekem ntre.

2 ŊWED CORINTH 9:10

Edi Enye emi ɔnɔde ɔtɔ-iŋwaŋ mkpasip nditɔ, onyuŋ ɔnɔde udia ete adia, eyenɔ mbufo mkpasip nditɔ, eyenyuŋ anamɔtɔt, onyuŋ anam mfri edinen ido mbufo awak akan.

ŊWED MBON PHILIPPI 1:11

enyuŋ eyɔhɔ ye mbuŋwum eti ido, emi otode Jesus Christ, enɔ Abasi ubɔŋ ye itoro.

ŊWED MBON PHILIPPI 4:17

Idige nte nyom enɔ, edi nyom mbufo eŋwum mfri eke edidiɔŋde diɔŋ ɔwɔrɔ mbufo udori.

ŊWED MBON COLOSSAE 1:10

man mbufo esaŋa ke ido nte odotde Ɔbɔŋ, enem Enye esit ke kpukpru usuŋ, enyuŋ eŋwum mfri ke erinam kpukpru nti utom, enyuŋ ekɔri ke ifiɔk Abasi:

ŊWED MBON COLOSSAE 1:6

emi oŋwumde mfri onyuŋɔdiɔŋde diɔŋ ɔkɔri ke ofuri ererimbot, onyuŋ anamde ntre ke otu mbufo ŋko, toto ke usen emi mbufo ekekopde enyuŋ efiɔkde mfɔn Abasi ke akpanikɔ;

1 ŊWED THESSALONICA 4:1

KE akpatre itie, nditɔ-ete, nnyin imebeŋe mbufo, inyuŋ isɔŋɔ ikpe ye mbufo ke Ɔbɔŋ Jesus, ite, kpa nte mbufo ekekopde ke inua nnyin nte mbufo ekpesaŋade ekenem Abasi esit, kpa nte mbufo enyuŋ esaŋade, mbufo edɔdiɔŋ enam ntre.

2 ŊWED THESSALONICA 2:10

ye kpukpru abiaŋa eke etode ukwaŋ ido etiene mmɔ emi esosobo; sia mmɔ minyimeke ndibɔ ima akpanikɔ, man enyaŋa mmɔ.

MME HEBREW 4:2

Koro ke akpanikɔ ema ekwɔrɔ gospel enɔ nnyin, kpa nte eke-kwɔrɔde enɔ mmɔ; edi ikɔ eke mmɔ ekopde inamke mmɔ ufɔn, koro mikadianake ye mbuɔtidem ke esit mmɔ emi ekopde.

MME HEBREW 6:7

Koro isɔŋ, emi ɔŋwɔŋde edim eke awakde ndidep ke esit, onyuŋ osioŋode ikɔŋ udia eke ɔfɔnde ye mmɔ emi efuŋde enye enɔ mmɔ, ɔbɔ eridiɔŋ ke ubɔk Abasi;

MME HEBREW 8:10

Koro Jehovah ɔdɔhɔ ete, Emi edi ediomi eke ndinamde ye Ufɔk Israel, Ke mme usen oro ema ebe. Nyesin mbet Mi ke esit mmɔ, Nyenyuŋ ŋwet Mmɔ ke ɔwɔŋesit mmɔ ŋko; Ndien nyedi Abasi mmɔ, Mmɔ eyenyuŋ edi ikɔt Mi:

2 PETER 3:18

Edi etie ke mfɔn ye ifiɔk Ɔbɔŋ ye Andinyaŋa nnyin Jesus Christ ekɔri ŋkɔri. Yak ubɔŋ enyene Enye ke emi ye ke nsinsi. Amen.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.