MATTHEW 13:19 - Edisana ñwed Abasi Ibom

¹⁹ Ke ini owo ekededi okopde ikɔ Obio Ubɔŋ Heaven, minyuŋ ifiɔkke se ɔwɔrɔde, andidiɔk edi editaŋ se ekasuande ke esit owo oro. Emi edi enye emi esuande mkpasip ke mben ɔkpɔusuŋ.

MATTHEW 13:19 ပူးပေါင်းရင်းမြစ်များ

MME ŊKE 1:7

Uteŋe Jehovah edi akpan ifiɔk: mbon ndisime ese eti ibuot ye item ke ndek.

MME ŊKE 17:16

Anam didie, ndien, ekɔm-urua odu ke ubɔk ndisime owo, eke enye edikutde ifiɔk,

EZEKIEL 31:18

Afo (Egypt) ebiet anie ntem ke otu eto Eden ke ubɔŋ ye ke ubom? Edi eyenam fi etiene eto Eden ɔsuhɔre ke idak isɔŋ: afo eyesuhɔre ana ke otu mbon edut, ye mmɔ eke ekewotde ke ofut. Oro edi Pharaoh ye ofuri otu owo esie. Uyo Ɔbɔŋ Jehovah edi emi.

MATTHEW 12:26

Ndien edieke Satan ebinde Satan ɔduɔk, enye abahare ada aŋwana ye idem esie; didie ndien ke obio ubɔŋ esie edisɔŋɔ ida?

MATTHEW 13:20

Enye emi esuande mkpasip ke isɔŋ itiat edi owo emi okopde ikɔ, onyuŋ ɔbɔde enye ini kiet ke idaresit;

MATTHEW 13:38

iŋwaŋ edi ererimbot; eti mkpasip edi nditɔ Obio Ubɔŋ Heaven; idiɔk mkpasip edi nditɔ andidiɔk;

MATTHEW 4:23

Ndien Jesus asaŋa ke ofuri Galilee, ekpep mme owo ŋkpɔ ke synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk ubiak ye kpukpru oruk udɔŋɔ eke enamde mbio-obio ekure.

MATTHEW 5:37

Edi yak ikɔ mbufo edi; Edi ntre, ye, Idige ntre: koro se ibede oro oto ke andidiɔk.

MARK 4:15

Mmɔ emi edi mbon mben ɔkpɔusuŋ, emi ikɔ eduɔŋɔde ke esit: ke adaŋemi mmɔ ekokopde, Satan edi kpa idaha oro editaŋ ikɔ eke esuande ke esit mmɔ efep.

LUKE 10:9

enyuŋ enam udɔŋɔ okure mbon-udɔŋɔ emi edude do, enyuŋ esian mmɔ ete, Ubɔŋ Abasi ama asaŋa ekpere mbufo.

LUKE 9:2

Enye onyuŋ osio mmɔ ɔdɔŋ ekɔkwɔrɔ Ubɔŋ Abasi, enyuŋ enam mbon udɔŋɔ ekop nsɔŋidem.

JOHN 18:38

Pilate ete Enye, Nsidi akpanikɔ? Ndien ke enye ama eketiŋ ntem, enye ɔtɔŋɔ ntak ɔwɔrɔ etiene mme Jew, ɔkɔdɔhɔ mmɔ ete, Ami ŋkwe Enye idiɔk ke idem.

JOHN 8:43

Nsinam mbufo mifiɔkke se ikɔ Mi ɔwɔrɔde? Oto koro mbufo mikemeke ndikop uyo Mi.

UTOM MME APOSTLE 17:32

Ke ini mmɔ ekopde ebaŋa ediset ke mkpa, ndusuk mmɔ esak enye; edi mmɔ eken ete, Nnyin iyekop se etiŋde abaŋa ŋkpɔ emi usen eŋwen.

UTOM MME APOSTLE 18:15

edi sia edide eneni eke mbufo enenide ebaŋa ikɔ ye enyiŋ ye ibet mbufo ese ebaŋa oro ke idem mbufo, nyomke ndibiere oruk ikɔ oro.

UTOM MME APOSTLE 20:25

Ndien ke emi, sese, mmɔfiɔk nte kpukpru mbufo emi ŋkasasaŋa ke otu mbufo ŋkwɔrɔ Ubɔŋ Abasi, idikwe iso mi aba.

UTOM MME APOSTLE 28:23

Ntre ke mmɔ emek usen enim enɔ enye, enyuŋ esaŋa uwak-uwak edi ke ebiet emi enye odude. Ndien tɔŋɔ usenubɔk tutu mbubreyo, enye aŋwaŋade ŋkpɔ ɔnɔ mmɔ, ɔkwɔrɔ Ubɔŋ Abasi, onyuŋ osioŋo ikɔ ke ibet Moses ye mme-prophet, aŋwana ndiwɔŋɔre mmɔ esit mbaŋa Jesus.

ŊWED MBON ROME 1:28

Ndien sia mmɔ esinde ndinyene Abasi ke ifiɔk mmɔ, Abasi ada mmɔ ayak ɔnɔ obukpo esit ndinam mme ido eke midotke;

ŊWED MBON ROME 14:17

Koro Ubɔŋ Abasi idige edidia ŋkpɔ ye ediŋwɔŋ ŋkpɔ, edi edi edinen ido ye emem ye idaresit emi odude ke Edisana Spirit.

ŊWED MBON ROME 2:8

edi iyaresit ye ifuresit eyetiene mmɔ emi edide mbon ndomo-idem, minyuŋ isukke ibuot inɔ akpanikɔ, edi esukde idem enɔ ukwaŋido.

ŊWED MBON EPHESUS 3:8

Ekenɔ mi, emi ŋkpride ŋkan ata andikpri ŋkan ke otu ikɔt Abasi, ufɔn emi, ete ŋkwɔrɔ nnɔ mme Gentile uwak inyene Christ, eke owo mikemeke ndiduŋɔre mma:

2 ŊWED THESSALONICA 2:12

man edikpe ikpe kpukpru owo emi midaha akpanikɔ, edi edarade ke ukwaŋido.

MME HEBREW 2:1

MMƆDO ikpotim ikpaŋ utɔŋ ikan inɔ mme ŋkpɔ emi ikokopde, mbak nnyin idifiɔrɔ ikpɔŋ mmɔ.

1 JOHN 3:12

ikubiet Cain, emi ekedide eke andidiɔk, onyuŋ owotde eyen-ete esie. Ndien ntak owotde enye? Koro utom esiemɔ ɔdiɔkde, edi eke eyen-ete esie enende.

1 JOHN 5:18

Nnyin imɔfiɔk ite, kpukpru owo emi Abasi okobonde inamke idiɔk. Eyen Abasi, emi Abasi okobonde, ekpeme enye, andidiɔk inyuŋ itukke enye ubɔk.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.