MATTHEW 13:11 - Edisana ñwed Abasi Ibom

¹¹ Enye ɔbɔrɔ ete, Eyak enɔ mbufo ndifiɔk ndibe ŋkpɔ Obio Ubɔŋ Heaven, edi iyakka inɔ mmɔ.

MATTHEW 13:11 ပူးပေါင်းရင်းမြစ်များ

ŊWED MME PSALM 25:14

Jehovah etie ufan ye mmɔ eke ebakde enye, ndien enye eyeteme mmɔ ediomi esie.

ISAIAH 29:10

Koro Jehovah amaŋwaŋa mbufo spirit idap ke idem, onyuŋ ɔbɔp mbufo enyin; enye ofuk mme prophet, ye mbuot mbufo, mbon ŋkukut.

ISAIAH 29:11

Ndien ofuri ŋkukut amakabare ɔnɔ mbufo, etie nte ikɔ ŋwed eke esirede, eke edade enɔ ɔfiɔk-ŋwed, ete, Mbɔk, kot emi: edi enye ɔdɔhɔ, ete Ŋkemeke, koro enye esirede.

ISAIAH 35:8

Ndien ɔkpɔ-usuŋ eyedu do, ye usuŋ, ndien enye eyekere usuŋ edinen owo; baba edidehe ŋkpɔ kiet idinyuŋ isaŋake ke esit ibe; ndien eyedi eke mmɔ; mbon isaŋ, idem mme anana ibuot, ididuehe.

MATTHEW 13:10

Ndien mbet Esie edi edidɔhɔ Enye ete, Nsinam Afo etiŋde ikɔ ye mmɔ ke ŋke?

MATTHEW 16:17

Jesus ɔbɔrɔ enye ete, Ɔfɔfɔn ɔnɔ fi Simon eyen Jonah, koro midige obuk ye iyip akayarare ŋkpɔ emi ɔnɔ fi, edi edi Ete Mi emi odude ke Heaven.

MATTHEW 19:11

Edi Jesus ɔdɔhɔ mmɔ ete, Idige kpukpru owo ekeme ndibɔ ikɔ emi, ibɔhɔke mmɔ emi enɔde mmɔ ukeme ndibɔ.

MATTHEW 20:23

Enye ɔdɔhɔ mmɔ ete, Ke akpanikɔ mbufo eyeŋwɔŋ cup Mi: edi nditie ke ubɔk nasia Mi ye ke ufien inyeneke Mi ndinɔ, edi enyene mmɔ emi Ete Mi okonimde oro ɔnɔ.

MARK 10:40

edi nditie ke ubɔk nnasia Mi mme ke ufien inyeneke Mi ndinɔ; edi enyene mmɔ emi ekenimde enye enɔ.

MARK 4:11

Ndien Enye ɔdɔhɔ mmɔ ete, Eyak ndibe ŋkpɔ Obio Ubɔŋ Abasi enɔ mbufo; edi mmɔ emi edude ke edem, kpukpru ŋkpɔ ke esine ke ŋke esim mmɔ;

LUKE 8:10

Ndien Enye ete, Eyak enɔ mbufo ndifiɔk ndibe ŋkpɔ Obio Ubɔŋ Abasi, edi enɔ mmɔ eken ndifiɔk ke ŋke, man ke erise, mmɔ ekukut ŋkpɔ, ye ke erikop, mmɔ ekunyuŋ efiɔk.

JOHN 6:65

Enye onyuŋ ɔdɔhɔ ete, Emi esin Mi ndɔhɔ mbufo nte, Baba owo kiet ikemeke nditiene Mi, ibɔhɔke Ete ɔnɔ enye ukeme.

JOHN 7:17

Edieke owo onyimede ndinam se Enye amade, owo oro eyefiɔk abaŋa se ŋkpepde, mme oto Abasi, mme Ami ntiŋ ikɔ oto Idem Mi.

UTOM MME APOSTLE 16:14

Ndien ŋwan kiet ekere Lydia, emi otode ke obio Thyatira, anyam ididuot ɔfɔŋ, emi okponode Abasi, okop se itiŋde: Ɔbɔŋ onyuŋ eberere enye esit, anam enye ɔbiɔŋ utɔŋ ɔnɔ ikɔ oro Paul etiŋde.

ŊWED MBON ROME 11:25

Koro nyomke mbufo enana ifiɔk, nditɔ-ete, ebaŋa ndibe ŋkpɔ emi, ete nsɔŋ okomum Israel ubak-ubak, tutu uyɔhɔ ibat mme Gentile eduk edi, mbak mbufo edise idem mbufo ke mme ɔfiɔk-ŋkpɔ owo:

ŊWED MBON ROME 16:25

Enɔ Enye, emi ekemede ndinam mbufo esɔŋɔ eda, nte gospel mi ye erikwɔrɔ emi ŋkwɔrɔde mbaŋa Jesus Christ etemede; nte asaŋade ekekem ye eriyarare ndibe-ŋkpɔ, emi okodibede ke nsinsi eyo, edi ke emi akayararede;

1 ŊWED CORINTH 13:2

Ŋkponyuŋ nnyene ukeme ndisiak uduak Abasi, ndinyuŋ mfiɔk kpukpru ndibe-ndibe ŋkpɔ ye kpukpru ifiɔk; ŋkponyuŋ nnyene ɔyɔhɔ mbuɔtidem, tutu ŋkeme ndimen ikpɔ obot ke itie nduɔk, ndien nnyeneke ima, ndige baba ŋkpɔ kiet.

1 ŊWED CORINTH 15:51

Sese mmɔŋ ndɔhɔ ndibe-ŋkpɔ nnɔ mbufo. Idige kpukpru nnyin iyede idap, edi eyenam kpukpru nnyin ikpuhɔre,

1 ŊWED CORINTH 2:14

Edi owo eke minyeneke spirit ibɔhɔ mme ŋkpɔ Spirit Abasi; koro mmɔ edide ndisime ŋkpɔ ke enyin esie; enye inyuŋ ikemeke ndifiɔk mmɔ, koro edi spirit ekpep owo edomo mmɔ efiɔk.

1 ŊWED CORINTH 2:7

Edi nnyin itiŋ ifiɔk Abasi ke ndibe-ŋkpɔ, kpa ifiɔk eke okodibede, eke Abasi okonimde ndien edibot mme eyo, ete edi ubɔŋ ɔnɔ nnyin.

1 ŊWED CORINTH 4:1

YAK owo abat nnyin ntem, ete nnyin idi mme anam-utom Christ ye mme akama-ukpɔhɔre ndibe-ŋkpɔ Abasi.

1 ŊWED CORINTH 4:7

Koro anie anam fi ɔkpuhɔre ye owo eŋwen? Nso ŋkpɔ ke onyuŋ enyene eke mukɔbɔhɔ bɔ? Ndien edieke ɔkɔbɔde bɔ, nsinam oburede mbure nte ŋkpɔ eke mukɔbɔhɔ.

ŊWED MBON EPHESUS 1:18

Enye akpakam onyuŋ aŋwaŋa enyin esit mbufo, man mbufo efiɔk se idori-enyin eke Enye okotde nnyin idibɔ edide;

ŊWED MBON EPHESUS 1:9

ke erinɔ nnyin kpukpru ɔniɔŋ ye asian, onyuŋ anam nnyin ifiɔk ŋkpɔ eke okodibede ke esit Esie, kpa nte enemde Enye esit ndiduak ke Christ;

ŊWED MBON EPHESUS 5:32

Akamba ndibe-ŋkpɔ edi emi; edi ntiŋ mbaŋa Christ ye ufɔk Abasi.

ŊWED MBON EPHESUS 6:19

man enɔ mi ukeme nditat inua ntiŋ ikɔ nyarare ndibe-ŋkpɔ gospel ye uko;

ŊWED MBON COLOSSAE 2:2

man mmɔ ekpekam ekop nsɔŋ-esit, enyuŋ ekpep se ima edide. Mmɔ ekpekam esim ofuri uwak mbuɔtidem emi otode ke eritim mfiɔk ŋkpɔ. Mmɔ ekpekam ebure efiɔk ndibe-ŋkpɔ Abasi, oro edi Christ;

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

1ŊWED TIMOTHY 3:9

mmɔ ekpemum ndibe-ŋkpɔ mbuɔtidem ekama ke edisana esit.

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.

1 JOHN 2:20

Edi Enye emi edide Edisana ama aŋwaŋa Spirit mbufo ke idem, kpukpru mbufo emenyuŋ efiɔk akpanikɔ.

1 JOHN 2:27

Ama edi mbufo, Spirit emi Christ ama aŋwaŋa mbufo ke idem mmɔdo ke esit mbufo oduŋ, inyuŋ inaŋa nte owo ekpep mbufo ŋkpɔ; edi nte Spirit emi Enye aŋwaŋade mbufo ke idem ekpepde mbufo abaŋa kpukpru ŋkpɔ, onyuŋ edide akpanikɔ, midige nsu, ndien nte Enye ekekpepde mbufo, mbufo esuk eduŋ ke Enye.