MATTHEW 12:7 - Edisana ñwed Abasi Ibom

⁷ Edi edieke mbufo ekpɔfiɔkde se ikɔ emi ɔdɔhɔde ete, Edi mbɔm ke nyom, idige uwa, ɔwɔrɔde, mbufo ikpobiomke mmɔ emi miduehe.

MATTHEW 12:7 ပူးပေါင်းရင်းမြစ်များ

ŊWED JOB 32:3

Enye onyuŋ ayat esit ye mme ufan esie mbita, koro mmɔ mikwe nte ebɔrɔde, ndien ese Job ke idiɔk.

ŊWED MME PSALM 109:31

Koro enye eyeda eyen ubuene ke ubɔk nnasia, ete inyaŋa enye ibɔ mmɔ eke ekpede ikpe ye ukpɔŋ esie.

ŊWED MME PSALM 94:21

Mmɔ ewuk ewuhɔ ebaŋa ukpɔŋ edinen owo, enyuŋ enam ikpe otip iyip emi miduehe isop.

MME ŊKE 17:15

Eke akaŋde mme idiɔk owo, ye eke anamde ikɔ otip eti owo, Jehovah abat mbiba ke mbubiam.

HOSEA 6:6

Koro nyomde ima; nyom ifiɔk Abasi ŋkan edifɔp uwa.

MATTHEW 22:29

Edi Jesus ɔbɔrɔ mmɔ ete, mbufo emedue, koro mbufo mifiɔkke ŋwed Abasi ye odudu Abasi.

MATTHEW 9:13

Edi eka ekekpep se ikɔ emi ɔwɔrɔde, Edi mbɔm ke nyom, idige uwa. Koro ŋkedige ndikot ndinen owo, edi mme idiɔk owo.

MARK 12:33

ndien owo ndima Enye ke ofuri esit, ye ke ofuri asian ye ke ofuri odudu, ndinyuŋ mma mbɔhiduŋ esie nte idem esie omotim okpon akan kpukpru erifɔp enɔ ye uwa.

UTOM MME APOSTLE 13:27

Koro mmɔ emi eduŋde ke Jerusalem, ye mme andikara mmɔ, sia mmɔ mifiɔkke Enye, minyuŋ ifiɔkke mme uyo mme prophet, emi ekotde ke sabbath ke sabbath, enam uyo mmɔ esu ke edibiom Enye.

JAMES 5:6

Mbufo emebiom edinen owo ikpe, emewot enye; enye iŋwanake ye mbufo.

JOSHUA 5:5

Koro kpukpru owo oro eketode ema ena mbobi: edi ama edi kpukpru mmɔ oro ekemanade ke usuŋ ke wilderness, ke ini mmɔ eketode ke Egypt, mmɔ ikenaŋa mbobi.

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.