MATTHEW 12:44 - Edisana ñwed Abasi Ibom

⁴⁴ Ekem enye ete, Nyefiak nnyɔŋ ufɔk mi emi ŋkotode ke esit ŋwɔrɔ; ndien ke ini enye edide, okut ete ufɔk oro ana ukpɔk, ema ekpɔri enyuŋ ebana enye.

MATTHEW 12:44 ပူးပေါင်းရင်းမြစ်များ

HOSEA 7:6

Koro mmɔ eda esit mmɔ emi ebietde usaŋ-uyo edi ke ŋkari mmɔ: anam-uyo mmɔ ede idap ofuri okoneyo; ke usenubɔk enye asak nte edemikaŋ.

MATTHEW 12:29

Ŋko, owo ekeme didie ndiduk ke ufɔk ɔkpɔsɔŋ owo mbume ŋkpɔ esie, ke enye mibemke iso ibɔp ɔkpɔsɔŋ owo oro? Adaŋoro ndien ke enye edibume ŋkpɔ ufɔk esie.

MATTHEW 12:43

Edi ke ini edidehe spirit ɔwɔrɔde owo ke idem, enye asaŋa oyo ke edisat ebiet, oyom nduɔk-odudu, ndien ikwe.

MATTHEW 12:45

Ekem enye aka akada spirit itiaba efen eke ediɔkde ekan idem esie adian idem, ndien mmɔ eduk ekoduŋ do: ndien ukperedem itie owo oro akabare ɔdiɔk akan mbemiso. Kpa ntre ke edidi ye idiɔk emana emi.

LUKE 11:25

Ke ini enye edide, enye okut ete, ema ekpɔri enyuŋ ebana ufɔk oro.

JOHN 12:6

Edi enye idɔhɔke ntem koro enye ekerede mme ubuene; edi ɔdɔhɔ koro enye edide inɔ, onyuŋ akamade ekpat okuk, onyuŋ ososio se isinede ke esit.

JOHN 13:2

Ndien ke ini udia mbubreyo, ke Satan ama okotop ekikere esin ke esit Judas Iscariot eyen Simon ete, ada Enye ɔnɔ;

JOHN 13:27

Ndien ke Judas ama ɔkɔbɔ uyo oro, ekem Satan oduk enye esit. Ntem ke Jesus ɔdɔhɔ enye ete, Wara nam se aduakde ndinam.

1 ŊWED CORINTH 11:19

Koro eribahare nda ŋka-ŋka enyene ndidu ke otu mbufo, man eyarare efiɔk mmɔ emi edide ata ikɔt Abasi ke otu mbufo.

ŊWED MBON EPHESUS 2:2

emi mbufo esaŋade ke esit ke ini oko, nte ido eyo eke ererimbot emi edide, ekenyuŋ esuk ibuot enɔ ɔbɔŋ emi akarade edem ikpa-enyɔŋ, kpa spirit emi anamde utom kemi ke esit nditɔ ntut-utɔŋ.

1 JOHN 2:19

Mmɔ eto ke otu nnyin ewɔŋɔ, edi mmɔ idige eke nnyin; koro edieke mmɔ ekpedide eke nnyin, mmɔ ekpemana etie ye nnyin; edi mmɔ edaha ewɔŋɔ, man eyarare efiɔk ete, kpukpru mmɔ idige eke nnyin.

1 JOHN 4:4

Mbufo enyene Abasi, ŋkpri nditɔ mi, emenyuŋ ekan mmɔ; koro Enye emi odude mbufo ke idem okpon akan enye emi odude ke ererimbot.