MATTHEW 12:41 - Edisana ñwed Abasi Ibom

⁴¹ Mbon Nineveh eyedaha eda ke ikpe ye emana emi, enyuŋ ebiom enye; koro mmɔ ekakabarede esit ke erikwɔrɔ Jonah: ndien sese, Enye emi okponde akan Jonah odu mi.

MATTHEW 12:41 ပူးပေါင်းရင်းမြစ်များ

ISAIAH 54:17

Baba ŋkpɔ ekɔŋ kiet eke ebotde ebaŋa fi idikwe unen; afo eyenyuŋ anam ikɔ otip kpukpru edeme eke edahade eda enam ikɔ ye afo. Jehovah ɔdɔhɔ ete, Emi edi udeme ikɔt Jehovah, edinen ido mmɔ onyuŋ oto ye ami.

JEREMIAH 3:11

Ndien Jehovah ɔdɔhɔ mi, ete, Israel ama-mfiakedem ama akaŋ idem esie akan Judah ama-nsu.

JONAH 1:2

Daha ke enyɔŋ ka ke Nineveh akwa obio oro, nyuŋ kwɔrɔ baŋa enye, koro idiɔk ido mmɔ ɔmɔdɔk edi ke iso mi.

JONAH 3:4

Ndien Jonah ɔtɔŋɔ ndiduk ke obio isaŋ usen kiet; ndien enye ɔkwɔrɔ onyuŋ ɔdɔhɔ, ete, Osuk kaŋa usen aba, ndien Nineveh eyebiara.

MATTHEW 12:39

Edi Enye ɔbɔrɔ mmɔ ete, Idiɔk emana eke amade efibe oyom idiɔŋɔ; ndien idinɔŋɔ enye idiɔŋɔ, ibɔhɔke idiɔŋɔ prophet Jonah.

MATTHEW 12:42

Ɔbɔŋ-aŋwan usuk eyedaha ada ke usen ikpe ye emana emi, onyuŋ obiom enye: koro enye okotode ke mme utit isɔŋ edi edikop ɔniɔŋ Solomon: ndien sese, Enye emi okponde akan Solomon odu mi.

MATTHEW 12:45

Ekem enye aka akada spirit itiaba efen eke ediɔkde ekan idem esie adian idem, ndien mmɔ eduk ekoduŋ do: ndien ukperedem itie owo oro akabare ɔdiɔk akan mbemiso. Kpa ntre ke edidi ye idiɔk emana emi.

MATTHEW 12:6

Edi ndɔhɔ mbufo nte, Owo emi okponde akan temple odu mi.

MATTHEW 16:4

Emana eke ediɔkde enyuŋ esaŋade esin efibe eyom idiɔŋɔ; ndien idinɔŋɔ mmɔ baba idiɔŋɔ kiet, ibɔhɔke idiɔŋɔ Jonah. Ekem Enye ɔkpɔŋ mmɔ adaha.

MATTHEW 17:17

Edi Jesus ɔbɔrɔ ete, O emana unana mbuɔtidem ye emana ukwaŋido, adaŋa didie ke ndidu ye mbufo? adaŋa didie ke ndime ime ye mbufo? Da enye sɔk Mi mi.

MATTHEW 23:36

Ke akpanikɔ ke ndɔhɔ mbufo, kpukpru ŋkpɔ emi eyesim emana emi.

LUKE 11:32

Mbon Nineveh eyedaha eda ke ikpe ye emana emi, enyuŋ ebiom enye; koro mmɔ ekakabarede esit ke erikwɔrɔ Jonah; ndien sese, Enye emi okponde akan Jonah odu mi.

JOHN 3:31

Enye emi otode ke enyɔŋ akan kpukpru owo: owo eke otode ke isɔŋ edi owo-isɔŋ, onyuŋ osio ŋkpɔ ke isɔŋ etiŋ: enye emi otode ke heaven akan kpukpru owo.

JOHN 4:12

Nte omokpon akan ete nnyin Jacob, emi ɔkɔnɔde nnyin obube emi, onyuŋ ɔŋwɔŋde mmɔŋ do ke idem esie, ye nditɔ esie, ye ufene esie?

ŊWED MBON ROME 2:27

Ndien owo emi minaŋa mbobi obukidem ama onim ibet, nte enye idikpehe ikpe inɔ fi emi edide abiat-ibet, okposuk edi nte afo enyenede ŋwed ibet onyuŋ anade mbobi?

MME HEBREW 11:7

Oto mbuɔtidem Noah, sia Abasi ɔnɔde enye ntɔt abaŋa se enyin mikwe kaŋa, ke uteŋe Abasi, ɔkɔŋ ubom ndida nnyaŋa ufɔk esie; ndien ke erinam emi enye obiom ererimbot ikpe, onyuŋ akabare edi andinyene edinen ido eke asaŋade ye mbuɔtidem.