MATTHEW 12:4 - Edisana ñwed Abasi Ibom

⁴ nte enye odukde ke ufɔk Abasi, onyuŋ adiade uyo-iso-Abasi, emi minenke enye ye mmɔ emi edude ye enye ndidia, ke mibɔhɔke mme oku ikpɔŋ?

MATTHEW 12:4 ပူးပေါင်းရင်းမြစ်များ

EXODUS 25:30

Ndien da uyo iso dori ke okpokoro ke iso mi kpukpru ini.

LEVITICUS 8:31

Ndien Moses ɔdɔhɔ Aaron ye nditɔ esie, ete, Mbufo etem unam oro ekpere enyin-usuŋ efe esop; ndien do ke mbufo edita enye, ye uyo emi odude ke akpan eriyɔhɔ ubɔk, kpa nte ŋketemede, nte, Aaron ye nditɔ esie eta enye.

MATTHEW 12:3

Edi Enye ɔdɔhɔ mmɔ ete, Nte mbufo ikokotke se David akanamde, ke ini biɔŋ ɔdɔŋde enye ye mmɔ emi edude ye enye:

MATTHEW 12:5

Nte mbufo inyuŋ ikotke ke ibet nte mme oku emi edude ke temple ebiatde sabbath ke usen sabbath, ndien minyeneke ndudue?

MARK 2:26

nte enye odukde ke ufɔk Abasi, ke ini Abiathar edide akwa oku, onyuŋ adiade uyo-iso-Abasi, eke minenke owo ndidia, ke mibɔhɔke mme oku; ye nte emende ɔnɔ mmɔ emi edude ye enye ŋko?

LUKE 6:4

nte enye okodukde ke ufɔk Abasi emen uyo-iso-Abasi adia, onyuŋ ɔnɔ mmɔ emi edude ye enye, uyo eke minenke owo ndidia, ke mibɔhɔke mme oku ikpɔŋ?

MME HEBREW 9:2

Koro ekewuk Ataya, akpa Ataya, emi uwuk-utuenikaŋ, ye okpokoro, ye uyo-iso-Abasi edude ke esit: emi ekerede Edisana Ebiet.

1 SAMUEL 21:4

Ndien oku ɔbɔrɔ David, ete, Uyo eke misanake iduhe mi ke ubɔk, edi edisana uyo odu; edieke mkparawa ekpemede idem mmɔ ke iban.

1 SAMUEL 21:6

Ndien oku ɔnɔ enye edisana uyo: koro baba uyo miduhe do, ke mibɔhɔke uyo iso eke mmɔ emende ke iso Jehovah efep, man ediɔk edifɔp uyo ke usen eke emende enye efep.