MATTHEW 12:34 - Edisana ñwed Abasi Ibom

³⁴ Mbufo ubon urukikɔt, mbufo emi ediɔkde ekeme didie nditiŋ nti ŋkpɔ? Koro oto ke uyɔhɔ esit ke inua osio etiŋ.

MATTHEW 12:34 ပူးပေါင်းရင်းမြစ်များ

ŊWED MME PSALM 53:1

NDISIME owo ɔdɔhɔ ke esit esie, ete, Abasi iduhe. Mmɔ emediɔk, enyuŋ enam oburobut ido: baba owo kiet eke anamde eti iduhe.

ŊWED MME PSALM 64:3

emi ebande edeme mmɔ nte ofut, enyuŋ eketde ikaŋ mmɔ, kpa ndot-ndot ikɔ:

ŊWED MME PSALM 64:5

Mmɔ esɔŋɔ idiɔk ikɔ enɔ idem mmɔ; eneme ebaŋa eridip afia; mmɔ edɔhɔ, ete, “Anie owo edise mmimɔ?”

MME ŊKE 16:23

Esit owo eti ibuot anam inua esie edi ɔniɔŋ: enye eyenyuŋ ɔbɔrɔ ke se mkpɔk-inua esie ekpepde.

MME ŊKE 4:23

Tim kpeme esit fo kan kpukpru se ekpemede; koro uwem otode enye.

ISAIAH 32:6

Koro oburobut owo edidɔhɔde oburobut ŋkpɔ, esit esie edinyuŋ anam ŋkwaŋa, anam ata idiɔk ido, onyuŋ ɔdɔhɔ se minenke adian Jehovah, ayak owo biɔŋ etie biɔŋ, onyuŋ ayak mbon nsat-itɔŋ enana se eŋwɔŋde.

ISAIAH 59:14

Enyuŋ ebin edinen ido afiak edem, eti ido onyuŋ ada nsan-nsan: koro akpanikɔ ɔmɔduɔ ke aŋwa, se inende inyuŋ ikemeke ndiduk.

ISAIAH 59:4

Baba owo kiet ikotke (owo) ke edinen ido, baba kiet inyuŋ ikpehe ikpe ke akpanikɔ: mmɔ ebuɔt idem mmɔ ke se idide ikpikpu, enyuŋ edɔhɔ nsu; eyomo ibak, enyuŋ eman ukwaŋ-ŋkpɔ.

ISAIAH 9:17

Oro esin mkparawa mmɔ midinemke Ɔbɔŋ esit, esin enye mituaha nditɔ-akpa mmɔ, ye mme ebe-akpa mmɔ mbɔm: koro kpukpru mɔ edide mme oburobut ye mme anam idiɔk, kpukpru inua enyuŋ edɔhɔ ndisime. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

MATTHEW 12:35

Eti owo osioŋo nti ŋkpɔ ke nti ŋkpɔ eke enye okobonde; idiɔk owo ŋko osioŋo mme idiɔk ŋkpɔ ke mme idiɔk ŋkpɔ eke enye okobonde.

MATTHEW 15:18

Edi ŋkpɔ eke ewɔŋɔde owo ke inua eto ke esit; edi mmɔ esabare owo.

MATTHEW 23:33

Mbufo mme urukikɔt, mbufo nditɔ ibɔm, edisaŋa didie ebɔhɔ ikpe hell?

MATTHEW 3:7

Edi ke ini enye okutde ediwak mme Pharisee ye mme Sadduccee edide edina baptism ke ubɔk esie, enye ete mmɔ, Mbufo nditɔ urukikɔt, anie eketeme mbufo efeŋe ebɔhɔ iyaresit eke edide?

LUKE 3:7

Ntre ke enye ɔdɔhɔ mme otu owo emi ewɔŋɔde edi edina baptism ke ubɔk esie, ete, Mbufo nditɔ urukikɔt, anie eketeme mbufo efeŋe ebɔhɔ iyaresit eke edide?

LUKE 6:45

Eti owo osioŋo se ifɔnde ke nti ŋkpɔ eke enye okobonde ke esit esie; idiɔk owo onyuŋ osioŋo se idiɔkde ke mme idiɔk ŋkpɔ eke enye okobonde ke esit esie; koro oto ke uyɔhɔ esit ndien inua etiŋ.

JOHN 8:44

Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.

ŊWED MBON EPHESUS 4:29

Ekuyak ndek-ndek ikɔ ɔwɔrɔ mbufo ke inua, edi etiŋ se iŋwamde owo ndikɔri ke mfɔn, nte unana owo edide, man eda ufɔn enɔ mmɔ eke ekopde.

ŊWED MBON EPHESUS 5:4

Ekunyuŋ eyak etiŋ ndek-ndek ikɔ, mme ndisime ikɔ, mme ikɔ idiɔk mbubru, emi midotke mbufo: edi ekam enɔ Abasi ekɔm.

JAMES 3:2

Koro kpukpru nnyin idedue ke ediwak ŋkpɔ. Edieke owo ekededi miduehe ke ikɔ-inua, enye ɔfɔn ama, onyuŋ ekeme ndikara ofuri idem esie nde.

1 JOHN 3:10

Eda emi eyarare efiɔk nditɔ Abasi ye nditɔ Satan; baba owo kiet eke minamke edinen ido idige eke Abasi, ndien edi ntre ye owo emi mimaŋa eyen-ete esie.

1 SAMUEL 24:13

Nte mbio eset eketopde ŋke, ete, Idiɔk ido oto mme idiɔk owo: edi ubɔk mi iditukke fi.