MATTHEW 12:33 - Edisana ñwed Abasi Ibom

³³ Enam eto ɔfɔn, enyuŋ enam mfri esie ɔfɔn; midige ntre, enam eto edi mbiara, enyuŋ enam mfri esie edi mbiara ŋko: koro eda mfri efiɔk eto.

MATTHEW 12:33 ပူးပေါင်းရင်းမြစ်များ

EZEKIEL 18:31

Mbufo esioŋo kpukpru mme oburobut ido eke mbufo ekeduede ke esit ke idem mbufo efep; enyuŋ enam obufa esit ye obufa spirit esin mbufo ke idem: koro mbufo edinam didie ekpaŋa, O ufɔk Israel?

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

MATTHEW 23:26

Afo nnan Pharisee, bem iso yet esit cup ye usan asana, man edem esie onyuŋ akabare asana ŋko.

LUKE 3:9

Edi kpa idahemi emenim ekudi ke etak eto: ntre ke ekpi kpukpru eto eke miŋwomke eti mfri eduɔk, emen, esin ke ikaŋ.

JAMES 3:12

Nditɔ-ete mi, nte eto fig ekeme ndiŋwum mfri olive, ndi eto vine ekeme ndiŋwum mfri fig? Unuŋ inyuŋ ikemeke ndinɔ owo edinem mmɔŋ.

JAMES 4:8

esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.