MATTHEW 12:20 - Edisana ñwed Abasi Ibom

²⁰ Enye idibuŋke nyanyaŋa eke anuahade, Idinyuŋ inimeke ɔfɔŋ-utuenikaŋ eke osiode nsuŋikaŋ, Tutu Enye edinam ubiere-ikpe ɔwɔrɔ ada onyuŋ akan.

MATTHEW 12:20 ပူးပေါင်းရင်းမြစ်များ

2 NDIDEM 18:21

Sese, afo ke ɔbuɔt idemfo ke esaŋ nnyanyaŋa emi anuahade, kpa Egypt, emi owo ekpeberi idemesie ke esit, eyeduk enye ke ubɔk okim: ntem ke Pharaoh edidem Egypt etie kpukpru mmɔ eke ebuɔtde idem mmɔ ye enye.

ŊWED MME PSALM 147:3

Edi enye ɔkɔk mmɔ eke esit mmɔ anuahade, onyuŋ ofuk mmɔ unan.

ŊWED MME PSALM 51:17

Mme uwa emem Abasi edi spirit eke ɔbuŋɔde: O Abasi, afo usinke edibuŋɔ ye edinuaha esit ke ndek.

ISAIAH 40:11

Enye eyebɔk ikɔt esiemɔ nte ɔbɔk ufene: eyetaŋ nditɔ erɔŋ ke ubɔk esie, akama ke ikpanesit esie, onyuŋ ada mme ɔnɔ-mmɔŋeba usuŋ.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

EZEKIEL 34:16

Nyeyom se isopde, nnyuŋ nda se ekebinde efep mfiak ndi, nnyuŋ mbɔp se ibuŋɔde, nnyuŋ nsɔŋ se idem ememde enye: nnyuŋ nsobo se ikponde ye se isɔŋde; nnyuŋ nda ikpe mbɔk mmɔ.

LEVITICUS 10:20

Ndien ke ini Moses okopde, ɔfɔn enye ke enyin.

MATTHEW 11:28

Etiene Mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk-odudu.

MATTHEW 11:7

Edi nte mmɔ enyɔŋɔde, Jesus ɔtɔŋɔ ndidɔhɔ ye mme otu owo mbaŋa John, ete, Mbufo ekewɔŋɔ eka ke desert ndise nso? ndi nyanyaŋa eke ofim enyeŋede?

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

2 ŊWED CORINTH 2:14

Edi ekɔm enyene Abasi, emi adade nnyin asaŋa ubɔŋ-ubɔŋ ke Christ kpukpru ini, onyuŋ adade nnyin anam owo ekop ufik ifiɔk Esie ke kpukpru ebiet.

2 ŊWED CORINTH 2:7

ntre ke mbufo ekpekam efen enye, enyuŋ edɔŋ enye esit, mbak akakan mfuhɔ edimen enye emen.

ERIYARARE 6:2

Ndien ŋkut, ndien sese, afia enaŋ-mbakara; andidoro enye ke edem onyuŋ enyene utiga; enyuŋ enɔ enye anyanya; ndien enye ɔwɔrɔ edikan, onyuŋ ɔdɔdiɔŋ akan.