MATTHEW 11:3 - Edisana ñwed Abasi Ibom

³ Nte Afo edi Enye emi enyenede ndidi, mme nnyin ikpodori enyin ke owo eŋwen?

MATTHEW 11:3 ပူးပေါင်းရင်းမြစ်များ

GENESIS 12:3

nyenyuŋ ndiɔŋ mmɔ eke edidiɔŋde fi, nnyuŋ nsuŋi mmɔ eke edidiɔkde ye afo: ndien oto fi kpukpru oruk ererimbot eyekut mfɔn.

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

GENESIS 49:10

Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

ŊWED MME PSALM 118:26

Ekɔm enye emi edide ke enyiŋ Jehovah: nnyin itie ke ufɔk Jehovah ikɔm fi.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

OBADIAH 1:21

Ndien mbon eke enyaŋade eyedɔk ke obot Zion, edikpe ikpe obot Esau, ndien Jehovah eyeda ubɔŋ.

MICAH 5:2

Ndien afo Beth-lehem Ephrathah, emekpri ke otu mme tɔsin Judah, edi owo eyeto fi ke esit ɔnɔ mi, eke edidide andikara ke Israel; enye emi eriwɔrɔ esie okodude tutuko, kpa ke eyo eset.

HAGGAI 2:7

nyenyuŋ nnyeŋe kpukpru mme idut, ndien se mme idut eyomde eyedi: ndien nyesin ubɔŋ ke ufɔk emi nyɔhɔ, Jehovah mme udim ɔdɔhɔ ntem.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

MALACHI 3:1

SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

NUMBERS 24:17

Ŋkut enye, edi idige ke emi: nsese enye, edi ikpereke: ntantafiɔŋ asaŋa oto ke Jacob, esaŋ onyuŋ adaha ke enyɔŋ ke Israel, ndien enye eyenuak mme adaŋa Moab, onyuŋ asuan kpukpru mbon ndutime.

MATTHEW 11:10

Emi edi enye emi ewetde ebaŋa enye ete, Sese, mmɔdɔŋ isuŋ Mi ebem fi iso, Emi edidiɔŋde usuŋ inim inɔ Fi.

MATTHEW 11:4

Ndien Jesus ɔbɔrɔ mmɔ ete, Eka ekebuk enɔ John ŋkpɔ oro mbufo ekopde enyuŋ ekutde:

MATTHEW 21:5

Mbufo edɔhɔ adiaha Zion, ete, Sese, Edidem fo ke edi ke ɔtɔ fo, Ɔsuhɔre idem, onyuŋ odoro ke ass, Ke abak ass, eyen uman ass.

MATTHEW 21:9

Mme otu owo emi ebemde Enye iso ye mmɔ emi etienede ke edem efiori ete, Hosanna enyene Eyen David; Itoro enyene Enye emi edide ke enyiŋ Jehovah; Hosanna ke ata enyɔŋ.

MARK 11:9

Mmɔ emi ebemde iso ye mmɔ emi etienede ke edem enyuŋ efiori ete, Hosanna Itoro enyene Enye emi edide ke enyiŋ Jehovah;

LUKE 19:38

Itoro enyene Edidem emi edide ke enyiŋ Jehovah: Emem odu ke heaven, ubɔŋ odu ke ata enyɔŋ.

JOHN 11:27

Martha ɔdɔhɔ Enye ete, Edi ntre, Ɔbɔŋ, mmonim ke akpanikɔ nte Afo edi Christ Eyen Abasi, kpa Enye emi odukde edi ke ererimbot.

JOHN 12:13

mmɔ eda ndak eyop ewɔŋɔ eka ekosobo ye Enye, enyuŋ efiori ete, Hosanna: Itoro enyene Enye emi edide ke enyiŋ Jehovah, Kpa Edidem Israel.

JOHN 16:14

Enye eyenam nnyene ubɔŋ: koro Enye eyeda se inyenede Mi ayarare ɔnɔ mbufo.

JOHN 4:21

Jesus ete enye, Ŋwan owo, nim Mi ke akpanikɔ; ini ke edi, eke mbufo edituakde ibuot enɔ Ete, idige ke obot emi inyuŋ idige ke Jerusalem.

JOHN 6:14

Ke ini mbon oro ekutde idiɔŋɔ oro Enye anamde, mmɔ ete, Ke akpanikɔ emi edi prophet emi edidukde edi ke ererimbot.

JOHN 7:31

Edi ediwak owo emi edude ke otu oro ebuɔt idem ye Enye: mmɔ enyuŋ edɔhɔ ete, Ke adaŋemi Christ edidide, nte Enye eyenam idiɔŋɔ eke ewakde ekan se owo emi akanamde?

MME HEBREW 10:37

Koro osuk ata ekpri esisit, Ndien Enye emi edide eyedi, idinyuŋ ibigike.