MATTHEW 11:28 - Edisana ñwed Abasi Ibom

²⁸ Etiene Mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk-odudu.

MATTHEW 11:28 ပူးပေါင်းရင်းမြစ်များ

ŊWED JOB 14:1

OWO eke ŋwan amande ɔmuhɔ usen, onyuŋ ɔyuhɔ ukut:

ŊWED JOB 5:7

Edi owo amana ɔnɔ ukut, kpa nte ebuaikaŋ efede edɔk ke enyɔŋ.

ŊWED MME PSALM 116:7

O ukpɔŋ mi, kabare fiak ke ebiet nduɔk-odudu fo; koro Jehovah amatat ubɔk ɔnɔ fi ŋkpɔ.

ŊWED MME PSALM 32:4

Koro ubɔk fo odobide mi ke idem ke uwemeyo ye okoneyo: nsek mi asat ke ndaeyo. [Selah.]

ŊWED MME PSALM 38:4

Koro mme idiɔk ido mi emefuk mi ke ibuot: mmɔ etie nte edidobi mbiomo, ke edobi ekan mi.

ŊWED MME PSALM 94:13

man afo ɔnɔ enye ifure ke ini idiɔk, tutu mmɔ etibi obube enɔ mme idiɔk owo.

ECCLESIASTES 1:14

Mmokut kpukpru ŋkpɔ emi enamde ke idak utin; ndien, sese, kpukpru edi ikpikpu ye idomo eke miwɔrɔke usuŋ.

ECCLESIASTES 1:8

Kpukpru ikɔ ekpa mba; owo ikemeke nditiŋ mmɔ; erise iyuhɔke enyin, erikop inyuŋ iyuɔhɔke utɔŋ.

ECCLESIASTES 4:8

Owo kiet odu, ndien efen iduhe; ndien enye inyeneke eyen, inyuŋ inyeneke eyen-eka: ndien ofuri ɔkpɔsɔŋ utom esie inyeneke utit; enyin esie ŋko iyuhɔke inyene; inyuŋ idɔhɔke ite, “Ami ŋkpakpa utom, nnyuŋ mbɔ ukpɔŋ mi eti ŋkpɔ, nnɔ anie?” Emi ŋko onyuŋ edi ikpikpu ŋkpɔ; onyuŋ edi ukut-ukut idomo.

ISAIAH 1:4

Ɔdiɔk ɔnɔ idut emi anamde idiɔk, mbio emi ebiomde idiɔk ido, ubon mme oburobut owo, nditɔ emi ekabarede ediɔk! Mmɔ emekpɔŋ Jehovah, emesin Edisana Abasi Israel ke ndek, emekabare efiak edem.

ISAIAH 11:10

Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

ISAIAH 28:12

emi enye ɔkɔdɔhɔde ye mmɔ, ete, Emi edi nduɔk-odudu, mbufo eyak mbon mba eduɔk odudu; emi onyuŋ edi nsukidem: edi mmɔ inyimeke ndikop.

ISAIAH 61:3

ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

JEREMIAH 31:25

Koro mmɔnɔ ukpɔŋ mba-ba mmɔŋ ɔŋwɔŋ, mmonyuŋ nyuhɔ kpukpru ukpɔŋ eke efuhɔde.

JEREMIAH 35:16

Koro nditɔ Jonadab eyen Rechab ema enim ewuhɔ ete mmɔ, emi enye okowukde mmɔ; edi mbio emi ikopke uyo mi:

JEREMIAH 6:16

Ntem ke Jehovah ɔdɔhɔ ete, Mbufo eda ke mme usuŋ, enyuŋ ese, enyuŋ ebup ebaŋa mme ɔkpɔ-usuŋ eset, ete, Eti usuŋ, enye? ndien mbufo esaŋa ke esit, enyuŋ ekut nduɔk-odudu ukpɔŋ mbufo. Edi mmɔ edɔhɔ ete, “Nnyin idisaŋake.”

MATTHEW 11:29

Emen ɔkpɔnɔ Mi ekɔŋɔ ke itɔŋ mbufo, enyuŋ ekpebe Mi; koro mme-nyene ifure-ifure ido nnyuŋ nsuhɔre idem ke esit; ndien mbufo eyekut nduɔk-odudu enɔ ukpɔŋ mbufo.

MATTHEW 23:4

Mmɔ ebɔp ndidobi mbiomo eke esɔŋde ndibiom, edori owo ke afara: edi mmɔ ke idemmɔ inyimeke ndida nnuenubɔk ntuk mmɔ.

JOHN 6:37

Kpukpru mmɔ eke Ete ɔnɔde Mi eyetiene Mi; ndien owo eke etienede Mi ndibinke enye nduɔk.

JOHN 7:37

Edi ke akpatre usen, usɔrɔ, Jesus adaha ofiori ete, Edieke owo ekededi okopde nsat-itɔŋ, yak enye etiene Mi ediŋwɔŋ.

UTOM MME APOSTLE 15:10

Nsinam mbufo edomode Abasi ndien, eyom ndida ɔkpɔnɔ ŋkɔŋɔ mbet ke itɔŋ eke mme ete nnyin ye nnyin mikekemeke ndibiom?

UTOM MME APOSTLE 20:35

Ke kpukpru ŋkpɔ ŋkɔnɔ mbufo uwut-ŋkpɔ, man mbufo enam utom ntem eŋwam mbio mmem-idem, enyuŋ eti ikɔ Ɔbɔŋ Jesus, emi Enye ɔdɔhɔde ete, Ɔfɔn ndinɔ akan ndibɔ.

ŊWED MBON GALATIA 5:1

CHRIST okosio nnyin ke itie ufin, ete idi nditɔ-isɔŋ; esɔŋɔ eda ndien, ekuyak etɔŋɔ ntak ekɔmɔ mbufo ke ɔkpɔnɔ itie-ufin.

2 ŊWED THESSALONICA 1:7

ndinyuŋ nda nduɔk-odudu nnɔ mbufo emi ekutde ukut, kpa nte Enye edinamde ye nnyin ŋko, ke ini emi Ɔbɔŋ Jesus editode ke heaven ɔbiɔŋɔre ke ikaŋ emi asakde, ye mme angel odudu Esie,

MME HEBREW 4:1

MMƆDO sia uŋwɔŋɔ eriduk ke nduɔk-odudu Esie ɔsuhɔde, eyak nnyin ifehe ndik, mbak owo mbufo ekededi editie nte ŋkpɔ eke enye atabade nduɔk-odudu oro.

ERIYARARE 22:17

Spirit ye ŋwan-ndɔ edɔhɔ ete, Di. Owo eke onyuŋ okopde, yak enye ɔdɔhɔ ete, Di. Owo eke itɔŋ asatde, yak enye edi. Owo eke amade, yak edi edibɔ mmɔŋ uwem ke ikpikpu.