MATTHEW 11:25 - Edisana ñwed Abasi Ibom

²⁵ Ke ini oro Jesus ɔbɔrɔ ete, Mmɔkɔm Fi, O Ete, Ɔbɔn enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek nditɔ.

MATTHEW 11:25 ပူးပေါင်းရင်းမြစ်များ

GENESIS 14:19

Ndiem enye ɔdiɔŋ enye, ete, Abasi Ibom, andinyene enyɔŋ ye isɔŋ, osuk ɔdiɔŋ Abram:

GENESIS 14:22

Ndien Abram ɔdɔhɔ edidem Sodom, ete, Mma mmen ubɔk nnɔ Jehovah, Abasi Ibom, andinyene

2 NDIDEM 19:15

Hezekiah onyuŋ anam mkpe-ubɔk ke iso Jehovah, onyuŋ ɔdɔhɔ, ete, Jehovah Abasi Israel, emi etiede ke otu mme cherubim, afo ke idem fo ikpɔŋ-ikpɔŋ edi Abasi kpukpru mme idut ke ererimbot; afo akanam enyɔŋ ye isɔŋ.

1 CHRONICLES 29:13

Nnyin imɔkɔm fi, ndien, O Abasi nnyin, inyuŋ itoro enyiŋ ubɔŋ fo.

ŊWED JOB 37:24

Oro esin owo ebak enye: enye isehe baba owo mmɔ kiet eke enyenede eti ibuot.

ŊWED MME PSALM 8:2

Afo osio odudu ke inua nditɔwɔŋ ye eke nsek nditɔ onim abaŋa mme asua fo, man afo odop inua usua ye eke osio-usiene.

ISAIAH 5:21

Ifɔnke fɔn inɔ mmɔ eke esede idem mmɔ ke mbon eti ibuot, enyuŋ ebatde idem mmɔ ke ɔniɔŋ.

ISAIAH 66:1

NTEM ke Jehovah ɔdɔhɔ, ete, Enyɔŋ edi ebekpo mi, isɔŋ onyuŋ edi udorukot mi: nso ufɔk ke mbufo edibɔp enɔ mi? Nso ebiet ke mbufo edinim ke nduɔk-odudu mi ŋko?

DANIEL 2:23

O Abasi mme ete mi, ami mmotoro mmonyuŋ ŋkɔm fi, emi ɔnɔde mi ifiɔk ye odudu, ndien ke emi ke afo asian mi se nnyin ibeŋede fi; koro afo amasian ikɔ edidem ɔnɔ nnyin.

DANIEL 4:35

ndien ebat kpukpru mme andiduŋ isɔŋ ke ikpikpu: enye onyuŋ anam kpa nte enye amade ke otu mme udim enyɔŋ ye ke otu mme andiduŋ isɔŋ: ndien baba owo kiet eke edituakde enye ubɔk, onyuŋ ɔdɔhɔde enye, ete, Afo amanam nso? iduhe.

MATTHEW 16:17

Jesus ɔbɔrɔ enye ete, Ɔfɔfɔn ɔnɔ fi Simon eyen Jonah, koro midige obuk ye iyip akayarare ŋkpɔ emi ɔnɔ fi, edi edi Ete Mi emi odude ke Heaven.

MATTHEW 21:16

Nte omokop se mmɔ emi edɔhɔde? Edi Jesus ɔdɔhɔ mmɔ ete, Edi ntre; nte akanam mbufo ikotke se ewetde ete, Afo osio itoro eke ɔfɔnde ama ke inua nsek-nditɔ ye mme awap-eba?

LUKE 22:42

Ete, edieke Afo onyimede, men Mi cup emi fep: edi okudi nte Ami nnyimede, yak edi nte Afo oyimede.

LUKE 23:34

Edi Jesus ete, Ete, dahado nɔ mmɔ koro mmɔ mifiɔkke se mmɔ enamde. Mmɔ esin afia edeme edisine-ŋkpɔ Esie ke otu idem mmɔ.

JOHN 11:41

Ntre ke mmɔ ekpat itiat esio. Edi Jesus emenere enyin Esie ke enyɔŋ, onyuŋ ɔdɔhɔ ete, Ete, mmɔkɔm Fi koro Afo okokopde uyo Mi.

JOHN 12:27

Ukpɔŋ otimere Mi ke idem ke emi, ndien ndidɔhɔ nso? Ete, nyaŋa Mi sio ke ubɔk ini emi? Edi mma nsim ini emi ke ntak emi.

JOHN 12:28

Ndɔhɔ nte, Ete, nɔ enyiŋ Fo ubɔŋ. Ntre ke uyo oto ke enyɔŋ ete, Mma ŋkɔnɔ enyiŋ Mi ubɔŋ, nyenyuŋ ntɔŋɔ ntak nnɔ enye ubɔŋ.

UTOM MME APOSTLE 17:24

Abasi, emi okobotde ererimbot ye kpukpru se idude ke esit, sia Enye edide Ɔbɔŋ enyɔŋ ye isɔŋ, iduŋke ke mme temple eke ubɔk owo enamde;

1 ŊWED CORINTH 2:10

Edi Abasi akayarare mme ŋkpɔ emi ɔnɔ nnyin ke Spirit Esie; koro Spirit ɔdɔduŋɔre kpukpru ŋkpɔ, kpa ndituŋɔ ŋkpɔ Abasi.

2 ŊWED CORINTH 3:14

Edi esit mmɔ akabare ɔsɔŋ: koro tutu osim mfin emi, ke adaŋemi ekotde ŋwed akani ediomi, ufuk-iso oro osuk odu do; iŋwaŋake kaŋa mmɔ ke enyin, ete Christ ama anam ubɔŋ oro ebe efep.

1 SAMUEL 2:18

Ntre ke Samuel anam ŋkpɔ ke iso Jehovah, nte eyenɔwɔŋ, ɔbɔbɔ ephod linen.