MATTHEW 11:14 - Edisana ñwed Abasi Ibom

¹⁴ Ndien edieke mbufo enyimede ndikop, emi edi Elijah emi enyenede ndidi.

MATTHEW 11:14 ပူးပေါင်းရင်းမြစ်များ

EZEKIEL 2:5

Ndien ama edi mmɔ, ke mmɔ ekopde, ye ke mikopke (koro mmɔ edide ufɔk nsɔŋ-ibuot) iditreke ndifiɔk ete ke prophet odu ke otu mmɔ.

MALACHI 3:1

SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

MALACHI 4:5

Sese, ami nyedɔŋ prophet Elijah utom ke ɔtɔ mbufo, ke akwa ye ndik-ndik usen Jehovah mika-idige kaŋa:

MATTHEW 11:13

Koro kpukpru mme prophet ye ibet eketiŋ prophecy tutu osim John.

LUKE 1:17

Ndien enye eyeda spirit ye odudu Elijah ebem Enye (Messiah) iso, man enye akabare esit mme ete ɔnɔ nditɔ, onyuŋ akabare mbon nsɔŋibuot anam mmɔ esaŋa ke ɔniɔŋ ndinen owo; onyuŋ anam mmɔ emi ekenimde enɔ Ɔbɔŋ ebeŋe idem ebet Enye.

JOHN 16:12

Mmenyene ediwak ŋkpɔ kaŋa ndineme ye mbufo, edi mbufo ikemeke ndiyɔ mmɔ ke emi.

1 ŊWED CORINTH 3:2

Ŋkada mmɔŋeba mbɔk mbufo, ndaha udia; koro mbufo mikekemeke ndibɔ udia kaŋa.

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.