MATTHEW 11:12 - Edisana ñwed Abasi Ibom

¹² Edi ɔtɔŋɔde ke mme usen John Baptist tutu osim emi, Obio Ubɔŋ Heaven akpa unyaŋa, mbom unyaŋa enyuŋ eda enye ke nsɔŋubɔk enyene.

MATTHEW 11:12 ပူးပေါင်းရင်းမြစ်များ

MATTHEW 11:11

Ke akpanikɔ ke ndɔhɔ mbufo, Ke otu mmɔ eke iban emande, akananam owo idahake ida emi okponde akan John baptist: edi owo emi ekpride akan ke Obio Ubɔŋ Heaven okpon akan enye.

MATTHEW 11:13

Koro kpukpru mme prophet ye ibet eketiŋ prophecy tutu osim John.

MATTHEW 3:15

Edi Jesus ɔbɔrɔ enye ete, Yak edi ntre ke emi: koro ntem ke odot nnyin ndinam kpukpru nti ido.

LUKE 13:24

Edi Enye ɔbɔrɔ mmɔ ete, Mbufo eŋwana eti-eti ndibe ke mfafaha inua-otop nduk: koro ndɔhɔ mbufo nte, ediwak owo eyeyom ndiduk, ndien idikemeke.

LUKE 16:16

Ibet ye mme prophet ekedu tutu osim ini John: tɔŋɔ ke ini oro ekwɔrɔ eti mbuk Obio Ubɔŋ Abasi, kpukpru owo enyuŋ enam unyaŋa eduk ke esit.

JOHN 5:4

Koro angel Abasi esito ke enyɔŋ edi ke ini ke ini onyuŋ editimede mmɔŋ oro, ndien akpa owo udɔŋɔ emi ebemde iso oduk mmɔŋ oro eyekop nsɔŋidem.

JOHN 6:27

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.

ŊWED MBON PHILIPPI 2:12

Ntre, ndima mi, kpa nte mbufo ekam esukde ibuot enɔ uyo mi kpukpru ini, idige ke ini ndude ye mbufo ikpɔŋ, edi akpan-akpan ke ini mmenduhe ye mbufo, esaŋa ke ndik ye nnyek-idem enam erinyaŋa mbufo ɔwɔrɔ usuŋ;