MATTHEW 11:1 - Edisana ñwed Abasi Ibom

¹ EDIKEM, ke ini Jesus ama ɔkɔnɔ mbet esie duopeba item ama, Enye adaha ɔkpɔŋ edem oro, aka ndikpep ndiyuŋ ŋkwɔrɔ ikɔ Abasi ke mme obio mmɔ.

MATTHEW 11:1 ပူးပေါင်းရင်းမြစ်များ

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

MATTHEW 4:23

Ndien Jesus asaŋa ke ofuri Galilee, ekpep mme owo ŋkpɔ ke synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk ubiak ye kpukpru oruk udɔŋɔ eke enamde mbio-obio ekure.

MATTHEW 7:28

Edikem, ke ini Jesus ama eketiŋ ikɔ emi ama, mkpaidem omum ediwak owo oro abaŋa ukpep-nkpɔ Esie;

MATTHEW 9:35

Ndien Jesus asaŋa akanare kpukpru obio ye obio-inwaŋ, ekpep owo ŋkpɔ ke mme synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk udɔŋɔ ye kpukpru oruk mmemidem ekure.

MARK 6:12

Mbet edaha ekɔkwɔrɔ ete, Ekabare esit.

LUKE 23:5

Edi mmɔ edɔdiɔŋ esɔŋɔ eyire ete, Enye obubere mbio-obio, ekpep mmɔ ŋkpɔ ke ofuri Judaea, ɔtɔŋɔ ke Galilee osim ebiet emi.

LUKE 8:1

EDIKEM ke mibigike, Enye asaŋa ke ikpɔ obio ye obio-iŋwaŋ, ɔkwɔrɔ onyuŋ obuk eti mbuk Ubɔŋ Abasi, mbet duopeba enyuŋ esaŋa ye Enye;

JOHN 15:10

Edieke mbufo enimde mbet Mi, mbufo eyeduŋ ke ima Mi; kpa nte ami ŋkonimde mbet Ete Mi, nnyuŋ nduŋde ke ima Esie.

JOHN 15:14

Mbufo edi mme ufan Mi edieke mbufo enamde ŋkpɔ eke ntemede mbufo.

UTOM MME APOSTLE 1:2

tutu osim usen oro emende Enye edɔk ke enyɔŋ, ke Enye ama ɔkɔnɔ mme apostle emi Enye ekemekde item oto ke Edisana Spirit:

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

UTOM MME APOSTLE 10:42

Abasi onyuŋ ɔnɔ nnyin uyo ete ikwɔrɔ inɔ mbio-obio, inyuŋ idi ntiense ite Emi edi Enye emi Abasi okonimde ete edi Ebierikpe ɔnɔ mme odu-uwem ye mme akpa-mkpa.

1 ŊWED THESSALONICA 4:2

Koro mbufo efiɔk mme item eke nnyin ikɔnɔde mbufo ke enyiŋ Ɔbɔŋ Jesus.

2 ŊWED THESSALONICA 3:10

Koro kpa ke adaŋemi nnyin ikodude ye mbufo, nnyin inɔ mbufo uyo ite, Edieke owo minyimeke ndinam utom, enye okunyuŋ adia ŋkpɔ.

2 ŊWED THESSALONICA 3:6

Imada enyiŋ Ɔbɔŋ nnyin Jesus Christ isɔŋɔ inɔ mbufo uyo, ite edianare idem ye eyen-ete ekededi eke asaŋade otime-otime, minyuŋ isaŋake ke item eke ekɔbɔde ke inua nnyin.

1ŊWED TIMOTHY 6:14

mmowuk fi nte, onim item emi anana ndo, onyuŋ anana se etiŋde edian enye, tutu osim eribiɔŋɔre Ɔbɔŋ nnyin Jesus Christ;