MATTHEW 10:41 - Edisana ñwed Abasi Ibom

⁴¹ Owo eke onyimede prophet ke enyiŋ prophet eyebɔ utip prophet; owo eke onyimede edinen owo ke enyiŋ edinen owo eyenyuŋ ɔbɔ utip edinen owo.

MATTHEW 10:41 ပူးပေါင်းရင်းမြစ်များ

GENESIS 20:7

Yak ŋwan owo oro afiak, ndien; koro owo oro edide prophet, eyenyuŋ anam mkpe-ubɔk ɔnɔ fi, ndien afo eyedu uwem: edi ke muyakke enye afiak, fiɔk ete ke afo ye kpukpru se idide okuo eyekpaŋa.

ISAIAH 3:10

Mbufo edɔhɔ edinen owo, ete, Ke ɔfɔn: koro mmɔ eyedia mfri ido mmɔ.

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

MATTHEW 25:44

Ekem mmɔ ŋko eyebup Enye ete, Ɔbɔŋ, ini ewe ke nnyin ikokut Fi etiede biɔŋ, me nte itɔŋ asatde Fi, me nte edide esen, me iferi, me nte ɔdɔŋɔde, me nte etiede ke ufɔk-ŋkpɔkɔbi, ndien nnyin itre ndinam ŋkpɔ nnɔ Fi?

MATTHEW 25:45

Edi Enye eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo mikanamke ŋkpɔ emi inɔ kiet ke otu ata ŋkpri emi, mbufo inamke inɔ Mi.

MATTHEW 6:1

EKPEME ekunam edinen ido mbufo ke iso owo, ete mmɔ ekut: enamde ntre, mbufo inyeneke utip ke ubɔk Ete mbufo emi odude ke heaven.

MATTHEW 6:18

man okuwut owo idem ete itre udia, edi man owut Ete fo emi odude ke ndibe idem: ndien Ete fo emi okutde ke ndibe eyenɔ fi usiene.

MATTHEW 6:4

man erinɔ fo edi ke ndibe: ndien Ete fo emi okutde ke ndibe eyenɔ fi usiene.

MATTHEW 6:6

Edi ama edi afo, ke ini ɔbɔŋde akam, duk ke esit ubet fo, beri usuŋ, bɔŋ akam nɔ Ete fo emi odude ke ndibe, ndien Ete fo emi okutde ke ndibe eyenɔ fi usiene.

MATTHEW 7:8

koro kpukpru owo eke ebeŋede ebɔde; owo eke oyomde okutde; edinyuŋ esiode usuŋ enɔ owo eke atuakde.

UTOM MME APOSTLE 16:15

Edi ke ini enimde enye ye ufɔk esie baptism, enye ekpe ye nnyin ete, Edieke mbufo ebatde ete ndi owo akpanikɔ nnɔ Ɔbɔŋ, edi ke ufɔk mi editie do. Enye onyuŋ eyire nnyin.

ŊWED MBON ROME 16:23

Gaius emi edide ete-ufɔk mi, onyuŋ edide ete-ufɔk ɔnɔ ofuri ufɔk Abasi, ete ekɔm mbufo. Erastus akama-okuk obio ete ekɔm mbufo. Quartus eyen-ete nnyin onyuŋ ɔnɔ ekɔm ŋko.

1 ŊWED CORINTH 9:17

Koro edieke nnamde utom emi ke erinyime esit mi, mmenyene utip; edi edieke mmenamke ke erinyime esit, ntie nte akama-ukpɔhɔre emi eyakde utom esin enye ke ubɔk, ete anam.

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

2 JOHN 1:8

Ekpeme idem mbak mbufo edibiat se nnyin ikanamde utom ibaŋa enye, edi man ekpɔbɔ utip ɔyɔhɔ-ɔyɔhɔ.