MATTHEW 10:32 - Edisana ñwed Abasi Ibom

³² Mmɔdo owo ekededi eke edinyimede ke iso owo ete, idi okim, Ami nyenyuŋ nnyime enye ke iso Ete Mi emi odude ke heaven.

MATTHEW 10:32 ပူးပေါင်းရင်းမြစ်များ

ŊWED MME PSALM 119:46

Nyenyuŋ ntiŋ mbaŋa uyo fo ke iso ndidem, but idinyuŋ inamke mi.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

LUKE 15:10

Ndɔhɔ mbufo nte, Kpasuk ntre ke idara odu ke iso mme angel Abasi abaŋa owo kiet emi akabarede esit.

JOHN 9:22

Ete ye eka esie edɔhɔ ntem, koro mmɔ efehede mme Jew; koro mme Jew ema ekediomi ete, edieke owo onyimede ete Jesus edi Christ, iyebin owo oro isio ke synagogue.

2 ŊWED TIMOTHY 1:8

Mmɔdo kuyak but anam fi ndidi ntiense nnɔ Ɔbɔŋ nnyin, kunyuŋ uyak but anam fi ye ami, owo-ŋkpɔkɔbi Esie; edi kam tiene gospel biom ukut, adaŋa nte asaŋade ekekem ye odudu Abasi:

1 JOHN 4:15

Owo ekededi eke edinyimede ete, Jesus edi Eyen Abasi, Abasi ododuŋ enye ke esit, enye onyuŋ oduŋ ke Abasi.

ERIYARARE 2:13

Mmɔfiɔk ebiet eke oduŋde do; kpa ebiet eke ebekpo Satan ɔdiɔhɔde; ndien ɔmɔsɔŋɔ omum enyiŋ Mi akama, ukonyuŋ ukaŋke mbuɔtidem Mi, kpa ke mme usen ntiense Mi Antipas, owo akpanikɔ Mi, emi ekowotde ke otu mbufo, ke ebiet oro Satan oduŋde.

ERIYARARE 3:5

Owo eke akande, eyesine enye afia ɔfɔŋidem ntem; ndien ndisioho enyiŋ esie mfep ke ŋwed uwem, ndien nyenyime enyiŋ esie ke iso Ete Mi ye ke iso mme angel Esie.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.