MATTHEW 10:28 - Edisana ñwed Abasi Ibom

²⁸ Ekunyuŋ efehe mmɔ emi ewotde ikpɔhidem, edi mikemeke ndiwot ukpɔŋ: edi ekam efehe Enye emi ekemede ndisobo ukpɔŋ ye ikpɔhidem ke hell.

MATTHEW 10:28 ပူးပေါင်းရင်းမြစ်များ

2 NDIDEM 17:39

Edi mbufo ebak Jehovah Abasi mbufo; ndien enye eyenyaŋa mbufo osio kpukpru mme asua mbufo ke ubɔk.

ŊWED JOB 37:24

Oro esin owo ebak enye: enye isehe baba owo mmɔ kiet eke enyenede eti ibuot.

ŊWED MME PSALM 119:120

Ndik fo anam mi ndidien ke idem; ndien mfefehe mme ikpe fo.

ECCLESIASTES 5:7

Koro se idide ikpikpu onyuŋ odu ke uwak ndap ŋko: kpa ntre ŋko odu ke uwak ikɔ: edi bak Abasi.

ISAIAH 51:12

Ami, ami, ndi enye emi ndɔŋde mbufo esit: afo edi anie eke ekpefehede owo emi edikpade, efehe eyen owo emi edinimde enye nte mbiet;

ISAIAH 51:7

Ekop uyo mi, mbufo emi efiɔkde eti ido, mbio emi mbet mi odude mmɔ ke esit; mbufo ekufehe esuene owo, nsia okonyuŋ oyomo mbufo abaŋa isuŋi mmɔ.

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

JEREMIAH 5:22

Nte mbufo idibakke mi? Nte mbufo idinyekke ke iso mi, emi ŋkenimde ntan ke adaŋa inyaŋ ke nsinsi ewuhɔ, ndien inyaŋ idibehe enye; ndien odut esie okpot, edi ikanke; oyomo uyom, edi ikaŋake enye.

MATTHEW 10:26

Ekufehe mmɔ ndien; koro ŋkpɔ iduhe eke efukde fuk emi midiyarakere; ŋkpɔ inyuŋ iduhe eke edipde dip emi owo midifiɔkke.

MATTHEW 25:46

Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

MATTHEW 5:22

Edi Ami ndɔhɔ mbufo nte, owo ekededi eke ayatde esit ye eyen-ete esie esesin idem ke ikpe; owo ekededi eke ɔdɔhɔde eyen-ete esie ete, Raca (ikpikpu owo), esesin idem ke ikpe Sanhedrin; owo ekededi eke ɔdɔhɔde ete, Afo ndisime, esesin idem ke ufen hell eke asakde ikaŋ.

JOHN 5:29

mmɔ emi ekanamde se ifɔnde eyewɔŋɔ eduk ke eriset uwem, mmɔ emi ekanamde se idiɔkde eyenyuŋ ewɔŋɔ eduk ke eriset ikpe.

UTOM MME APOSTLE 21:13

Edi Paul ɔbɔrɔ ete, Nsinam mbufo etuaŋade, enam esit ɔduɔ mi? Mmebeŋe idem ndiduk ŋkpɔkɔbi, ndiyuŋ ŋkpa ke Jerusalem kabaŋa enyiŋ Ɔbɔŋ Jesus.

MME HEBREW 10:31

Edi ata ŋkpɔ ndik ndiduɔ nsine ke ubɔk Abasi emi odude uwem.

MME HEBREW 11:35

Iban ebɔ mme akpa-mkpa ke eriset ke mkpa; mmɔ eken ekut ndutuhɔ, inyuŋ inyimeke ndibɔhɔ, man mmɔ ekpenyene eriset ke mkpa eke ɔfɔnde akan.

JAMES 4:12

Ɔnɔ-ibet ye ebiere-ikpe kiet kpɔt odu, kpa Enye emi ekemede ndinyaŋa nnyuŋ nsobo: ama edi afo, afo edi anie eke ekpede mbuɔhiduŋ fo?

1 PETER 3:14

Edi edieke mbufo ekutde ndutuhɔ ŋko ke ntak edinen ido, osuk ɔfɔfɔn ɔnɔ mbufo. Ekufehe se mmɔ etiŋde ndidikhe mbufo, ekunyuŋ eyak esit otimere mbufo;

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.