MATTHEW 10:27 - Edisana ñwed Abasi Ibom

²⁷ Se ndɔhɔde mbufo ke ekim, emen etiŋ ke uŋwana; se mbufo enyuŋ ekopde ke utɔŋ, ekwɔrɔ ke ɔkɔm ufɔk.

MATTHEW 10:27 ပူးပေါင်းရင်းမြစ်များ

ISAIAH 22:1

UYO Abasi emi abaŋa ebedeŋ ŋkukut. Nsinam fi ndien, eke kpukpru mbufo edɔkde ke enyɔŋ ɔkɔm ufɔk?

MATTHEW 24:17

yak owo eke odude ke enyɔŋ ufɔk okusuhɔre okosio ŋkpɔ eke edude ke ufɔk esie:

LUKE 12:3

Mmɔdo ikɔ ekededi eke mbufo etiŋde ke ekim ke eyekop ke uŋwana, odu eke mbufo edɔŋde ke utɔŋ owo ke ndibe ubet, ke eyekwɔrɔ ke enyɔŋ ɔkɔm.

LUKE 8:10

Ndien Enye ete, Eyak enɔ mbufo ndifiɔk ndibe ŋkpɔ Obio Ubɔŋ Abasi, edi enɔ mmɔ eken ndifiɔk ke ŋke, man ke erise, mmɔ ekukut ŋkpɔ, ye ke erikop, mmɔ ekunyuŋ efiɔk.

JOHN 16:1

NTIŊ mme ikɔ emi nnɔ mbufo, mbak owo edisin mbufo eduɔ.

JOHN 16:13

Edi ke adaŋemi Enye oro edidide, kpa Spirit akpanikɔ, Enye eyeda mbufo oduk ke ofuri akpanikɔ: koro Enye iditiŋke ikɔ Esiemɔ; edi editiŋ kpukpru se Enye okokopde: Enye eyenyuŋ emen se iditibede ayarare ɔnɔ mbufo.

JOHN 16:25

Ŋketiŋ mme ŋkpɔ emi nnɔ mbufo ke ŋke: ini ke edi eke mmenditiŋke ŋkpɔ nnɔ mbufo aba ke ŋke edi nyesian mbufo iŋwaŋ-iŋwaŋ mbaŋa Ete.

JOHN 16:29

Mbet Esie ete, Sese, emetiŋ ikɔ ndien iŋwaŋ-iŋwaŋ, unyuŋ utopke aba ŋke.

UTOM MME APOSTLE 17:17

Ntre ke enye ebuen ikɔ ke synagogue ye mme Jew ye mme abak Abasi, onyuŋ eneme kpukpru usen ke aŋwa-urua ye mmɔ eke esobode ye enye.

UTOM MME APOSTLE 5:20

Eka ekeda ke temple, etiŋ kpukpru ikɔ Uwem emi enɔ mbio-obio.

UTOM MME APOSTLE 5:28

Ndien akwa oku obup mmɔ ete, Nnyin ima isɔŋ uyo ikpan mbufo, ite ekukpep aba ŋkpɔ ke enyiŋ emi: ndien sese, emɔyɔhɔ Jerusalem ye ukpep-ŋkpɔ mbufo, enyuŋ eyom iyip owo emi ɔkɔbɔ nnyin.

2 ŊWED CORINTH 3:12

Sia nnyin inyenede oruk idori enyin emi, itetiŋ ikɔ ye akwa uko; ntiehe nte Moses,