MATTHEW 10:26 - Edisana ñwed Abasi Ibom

²⁶ Ekufehe mmɔ ndien; koro ŋkpɔ iduhe eke efukde fuk emi midiyarakere; ŋkpɔ inyuŋ iduhe eke edipde dip emi owo midifiɔkke.

MATTHEW 10:26 ပူးပေါင်းရင်းမြစ်များ

MME ŊKE 10:9

Owo eke eneŋerede asaŋa asaŋa ke ifure: edi owo eke akwaŋade ido esie eyeyarare.

MME ŊKE 28:1

MME IDIƆK owo efeŋe itɔk ke owo eke ebinede miduhe: edi eti owo edaha uko nte lion.

MME ŊKE 29:25

Uteŋe owo ɔkɔk afia onim: edi eda owo eke ɔbuɔtde idem esie ye Jehovah emenere enye enim ke enyɔŋ.

ECCLESIASTES 12:14

Koro Abasi eyekot kpukpru ŋkpɔ emi enamde edi ikpe, ɔkɔrɔ ke kpukpru ndibe-ndibe ŋkpɔ, edide eti, eyuŋ edide mme idiɔk.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

ISAIAH 41:14

Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.

JEREMIAH 1:8

Kufehe iso mmɔ; koro ami ndude ye afo ndinyaŋa fi; Jehovah ɔdɔhɔ.

EZEKIEL 2:6

Afo, ŋko, eyen owo, kufehe mmɔ, kunyuŋ udikhe ubaŋa ikɔ mmɔ koro akpap ye ŋkukim ŋkpɔ edude ye afo, afo onyuŋ oduŋ ke otu scorpion: kufehe ubaŋa ikɔ mmɔ, kunyuŋ udikhe ubaŋa iso mmɔ, koro mmɔ edide ufɔk nsɔŋ-ibuot.

MATTHEW 10:28

Ekunyuŋ efehe mmɔ emi ewotde ikpɔhidem, edi mikemeke ndiwot ukpɔŋ: edi ekam efehe Enye emi ekemede ndisobo ukpɔŋ ye ikpɔhidem ke hell.

MARK 4:22

Koro baba ŋkpɔ kiet idibeke, ibɔhɔke man akpayarare; baba ŋkpɔ kiet inyuŋ ifuhɔke ina, ibɔhɔke man ɔkpɔwɔrɔ ke uŋwana.

LUKE 24:47

enyuŋ enyene nditɔŋɔ ke Jerusalem ŋkwɔrɔ erikabare esit ye erifen mme idiɔk-ŋkpɔ ke enyiŋ Esie nnɔ kpukpru mme idut.

LUKE 8:17

Koro baba ŋkpɔ kiet idibeke eke midiyarakere; inyuŋ ifukke baba ŋkpɔ kiet eke midiwɔrɔke ina ke aŋwa owo efiɔk.

UTOM MME APOSTLE 1:8

Edi mbufo eyebɔ odudu, ke Edisana Spirit ama edi edidoro mbufo ke idem: mbufo eyenyuŋ edi mme ntiense Mi ke Jerusalem, ye ke ofuri Judaea ye Samaria, tutu osim utit ererimbot.

UTOM MME APOSTLE 4:13

Ke adaŋemi mmɔ ekutde uko Peter ye John, enyuŋ efiɔkde ete mmɔ edi mbon emi mikekpepke ŋwed, enyuŋ edide ndisime ke ifiɔk ŋwed, idem akpa mmɔ; mmɔ enyuŋ ekabare efiɔk ete mmɔ oro ekodu ye Jesus.

UTOM MME APOSTLE 4:19

Edi Peter ye John ebɔrɔ mmɔ ete, Mbufo ekam ekere mme enen ke enyin Abasi ndikop uyo mbufo ŋkan eke Abasi:

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

1 PETER 3:14

Edi edieke mbufo ekutde ndutuhɔ ŋko ke ntak edinen ido, osuk ɔfɔfɔn ɔnɔ mbufo. Ekufehe se mmɔ etiŋde ndidikhe mbufo, ekunyuŋ eyak esit otimere mbufo;