MATTHEW 10:21 - Edisana ñwed Abasi Ibom

²¹ Eyen-eka enyeyuŋ ada eyen-eka ɔnɔ mkpa, ete eyenyuŋ ɔnɔ eyen esie: nditɔ eyenyuŋ edaha eŋwana ye mme ete ye mme eka mmɔ, enyuŋ esin ewot mmɔ.

MATTHEW 10:21 ပူးပေါင်းရင်းမြစ်များ

2 SAMUEL 16:11

Ke nso ke afo anam ntre? David onyuŋ ɔdɔhɔ Abishai, ye kpukpru ikɔt esie, ete, Sese, eyen mi, emi okotode mi ke idem, ke oyoyom uwem mi: ŋwaŋwa-ediso owo Benjamin emi? Mbufo ekukere enye: yak enye osuŋi: koro edi Jehovah ɔkɔdɔhɔ enye.

ŊWED JOB 19:19

Kpukpru mbon odu mi ese mi ke ŋkpɔ ndek: mmɔ emi mmade emenyuŋ ekabare esua mi.

ŊWED MME PSALM 50:20

Afo etie ɔdɔhɔ adian eyen-usɔ; etiŋ ikɔ-edem adian eyen-uka.

ISAIAH 19:2

Ndien nyedemere Egypt aŋwana ye Egypt: ndien owo eyeŋwana ye eyen-ete esie, owo ye mbɔhɔ-iduŋ esie; obio ye obio, idut ye idut.

ZECHARIAH 13:3

Ndien ama ekem, edieke owo osuk etiŋde prophecy, ndien ete esie ye eka esie emi akamande enye eyedɔhɔ enye, ete, Afo ududuhe uwem, koro afo osude nsu ke enyiŋ Jehovah: ndien ete esie ye eka esie emi akamande enye, eyekim enye ewot, koro enye etiŋde prophecy.

MATTHEW 24:10

Ekem ediwak owo eyeduɔ, eyenyuŋ eda kiet eken enɔ, eyeyuŋ esua kiet eken.