MATTHEW 10:15 - Edisana ñwed Abasi Ibom

¹⁵ Ke akpanikɔ ke ndɔhɔ mbufo, Ŋkpɔ eyefɔn ye isɔŋ Sodom ye Gomorrah ke usen ikpe akan ye obio oro.

MATTHEW 10:15 ပူးပေါင်းရင်းမြစ်များ

MATTHEW 12:36

Mmonyuŋ ndɔhɔ mbufo nte, Ke usen ikpe mme owo eyenɔ mbuk ebaŋa kpukpru ikpikpu ikɔ eke mmɔ etiŋde.

MATTHEW 5:18

Koro ke akpanikɔ ke ndɔhɔ mbufo, Tutu enyɔŋ ye isɔŋ ebe efep, baba ntɔi kiet mme ekpri ŋkpɔ kiet idibehe ifep ke ibet, tutu kpukpru ŋkpɔ esu.

MATTHEW 7:22

Ediwak owo eyedɔhɔ Mi ke usen oro, ete, Ɔbɔŋ, Ɔbɔŋ, nte nnyin iketiŋke nte prophet ke enyiŋ Fo, inyuŋ idaha enyiŋ Fo iduɔŋɔ mme demon, inyuŋ idaha enyiŋ Fo inam ediwak ŋkpɔ odudu?

MARK 6:11

Ndien ebiet ekededi eke midinyimeke ndidara mbufo, minyuŋ ikopke uyo mbufo, nte mbufo ewɔŋɔde do, ekeŋ ntan ikpat mbufo enɔ mmɔ nte ŋkpɔ ntiense.

JOHN 12:48

Owo eke esinde Mi, onyuŋ etrede ndibɔ ikɔ Mi nda, enyene andibiere-ikpe esie: ikɔ eke ŋketiŋde, kpa ikɔ oro edibiere ikpe ɔnɔ enye ke akpatre usen.

JOHN 6:39

Ndien emi edi uduak Andidɔŋ Mi, ete, Ke otu kpukpru mmɔ eke Enye ɔkɔnɔde Mi, ŋkuyak ndomo kiet ɔbɔhɔ osop, edi nnam ofuri eset ke akpatre usen.

JOHN 6:40

Koro emi edi uduak Ete Mi, ete, kpukpru owo eke ekutde Eyen, enyuŋ ebuɔtde idem ye Enye, enyene nsinsi uwem; Ami nyenyuŋ nnam enye eset ke Akpatre usen.

UTOM MME APOSTLE 17:31

koro Enye omonim usen eke Enye edikpede ikpe ɔnɔ ererimbot ke edinen ido, ke ubɔk Owo emi Enye ekemekde; Enye onyuŋ ada erinam emi Enye anamde Owo oro eset ke mkpa ayarare owut kpukpru owo ete edidi ntem.

1 ŊWED CORINTH 3:13

utom kpukpru owo kiet kiet eyeyarare; koro usen oro eyewut enye, koro usen oro edisierede ke ikaŋ; ikaŋ eyenyuŋ odomo se kpukpru owo ekanamde owut oruk utom eke edide.

1 ŊWED THESSALONICA 5:4

Edi mbufo nditɔ-ete iduhe ke ekim, eke ekpesinde usen oro abuat mbufo nte inɔ:

MME HEBREW 10:25

ikunyuŋ isin ndisop idem ɔtɔ kiet, nte edu ndusuk owo edide, edi inɔ kiet eken item; ndien mbufo ekpedɔdiɔŋ enam ntem, adaŋa nte ekutde ete usen oro ke asaŋa ekpere.

2 PETER 2:6

edieke Enye onyuŋ ɔfɔpde mme obio Sodom ye Gomorrah ekabare ntɔŋ, ke ini Enye adade nsobo obiom mmɔ ikpe onyuŋ anamde mmɔ edi uwut-ŋkpɔ ɔnɔ mmɔ eke midibakke Abasi;

2 PETER 2:9

Ɔbɔŋ ɔmɔfiɔk ndinyaŋa mmɔ emi eteŋede Enye nsio ke idomo, ndinyuŋ mmum mme idiɔk owo nnim ke itie ufen, tutu osim usen ikpe;

2 PETER 3:7

Edi ama edi ikpa-enyɔŋ ye isɔŋ emi edude ke emi, ikɔ Abasi okomum mmɔ onim ɔnɔ ikaŋ; ekpeme mmɔ enim enɔ usen eke Abasi edikpede ikpe ye mmɔ emi mibakke Enye, edinyuŋ osobo mmɔ.

1 JOHN 4:17

Ima ɔwɔrɔ ɔfɔn ama ke esit nnyin ntem, ete nnyin inyene uko ke usen ikpe; koro nte Enye odude uwem ke ererimbot emi, kpa ntre ke nnyin inyuŋ idu.

JUDE 1:6

Mme angel ŋko, emi mikomumke itie-odudu eke mmɔ ikama, edi ekpɔŋde ebiet iduŋ idem mmɔ, ke Enye ama onyuŋ ɔkɔbi ke nsinsi ebuka onim ke ekim, ete, etie ebet ikpe Akwa Usen oro.

JUDE 1:7

Kpasuk ntre ŋko ke Enye ama osio Sodom ye Gomorrah ye ŋkpet-ŋkpet obio eken, emi ekonyuŋ etienede mmɔ esin idem ke use ye ido eke mikemke, onim nte uwut-ŋkpɔ, mmɔ enyuŋ ekut ufen nsinsi ikaŋ.