MATTHEW 10:14 - Edisana ñwed Abasi Ibom

¹⁴ Owo ekededi eke minyimeke ndidara mbufo, nnyuŋ ŋkop ikɔ mbufo, ke ini mbufo ewɔŋɔde ke ufɔk me ke obio oro, ekeŋ ntan ikpat mbufo eduɔk.

MATTHEW 10:14 ပူးပေါင်းရင်းမြစ်များ

NEHEMIAH 5:13

Ndien nnyeŋe ikpanesit ɔfɔŋidem mi, nnyuŋ ndɔhɔ nte, Ntem ke Abasi edinyeŋe kpukpru owo eke midinamke ikɔ emi, osio ke ufɔk esie, ye ke ŋkpɔ-utom esie efep; ndien ntem ke edinyeŋe enye efep, enye eyenyuŋ edi ukpɔk. Ndien ofuri esop mmɔ edɔhɔ ete, Amen, enyuŋ etoro Jehovah. Kpukpru owo enyuŋ enam ke ikɔ emi.

MATTHEW 10:13

Ndien edieke ufɔk oro odotde, yak emem mbufo odoro ke esit; edi edieke ufɔk oro midotke, yak emem mbufo afiak etiene mbufo.

MATTHEW 18:5

Owo ekededi eke edinyuŋ adarade oruk ekpri eyenɔwɔŋ emi kiet ke enyiŋ Mi adara Mi:

MARK 6:11

Ndien ebiet ekededi eke midinyimeke ndidara mbufo, minyuŋ ikopke uyo mbufo, nte mbufo ewɔŋɔde do, ekeŋ ntan ikpat mbufo enɔ mmɔ nte ŋkpɔ ntiense.

MARK 9:37

onyuŋ ɔdɔhɔ mmɔ ete, Owo ekededi eke adarade kiet ke otu oruk ŋkpri nditɔwɔŋ emi ke enyiŋ Mi adara Mi: ndien owo ekededi eke adarade Mi, idige Ami ke adadara, edi Enye emi ɔkɔdɔŋde Mi.

LUKE 9:48

Owo ekededi eke edidarade ekpri eyen ɔwɔŋ emi ke enyiŋ Mi adara Mi: ndien owo ekededi eke edidarade Mi adara Enye emi ɔkɔdɔŋde Mi: koro enye emi ekpride akan ke otu mbufo kpukpru, kpa enye edidi akamba.

LUKE 9:5

Edi mbio-obio ekededi eke minyimeke ndidara mbufo, nte ewɔŋɔde ke obio oro, ekeŋ ntan ke ikpat mbufo efep, nte ŋkpɔ-ntiense ubiom-ikpe mmɔ.

JOHN 13:20

Ke akpanikɔ ke ndɔhɔ mbufo, Owo eke adarade isuŋ ekededi eke ndidɔŋde adara Mi; ndien owo eke adadare Mi adara Enye emi ɔkɔdɔŋde Mi.

UTOM MME APOSTLE 13:51

Edi mmɔ ekeŋ ntan ikpat mmɔ efep ndibiom mmɔ ikpe, enyuŋ edi ke Iconium.

UTOM MME APOSTLE 18:6

Edi ke mmɔ enenide ye enye ɔkpɔsɔŋ enyuŋ esuŋide, enye ekeŋ ɔfɔŋidem esie onyuŋ ɔdɔhɔ mmɔ ete, Iyip mbufo osuk ɔkɔbɔ mbufo; nsaŋake do; ɔtɔŋɔde ke emi mmetiene mme Gentile.

1 ŊWED THESSALONICA 4:8

Mmɔdo owo emi esinde ndibɔ item emi isinke item owo, edi esin item Abasi, emi ɔnɔde mbufo Edisana Spirit Esie.