MATTHEW 10:1 - Edisana ñwed Abasi Ibom

¹ NDIEN Enye okot mbet Esie duopeba edi, ɔnɔ mmɔ odudu ndibin ndedehe spirit nduɔk, ndinyuŋ nnam kpukpru oruk udɔŋɔ ye kpukpru oruk mmemidem ekure.

MATTHEW 10:1 ပူးပေါင်းရင်းမြစ်များ

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

MATTHEW 26:20

Ndien ke mbubreyo Enye ɔsuhɔre etetie ke itie-udia ye mbet Esie duopeba;

MATTHEW 26:47

Ndien ke adaŋemi Enye osuk etiŋde ntem, sese, Judas, emi edide owo kiet ke otu mbet duopeba, edi; akwa otu owo, eke etode ke ikpɔ oku ye mbiowo obio, enyuŋ esaŋa ye enye, ye ofut ye eto ke ubɔk.

MATTHEW 4:23

Ndien Jesus asaŋa ke ofuri Galilee, ekpep mme owo ŋkpɔ ke synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk ubiak ye kpukpru oruk udɔŋɔ eke enamde mbio-obio ekure.

MATTHEW 6:13

Kunyuŋ uda nnyin usin ke idomo; Edi sio nnyin ke ubɔk andidiɔk.

MATTHEW 9:35

Ndien Jesus asaŋa akanare kpukpru obio ye obio-inwaŋ, ekpep owo ŋkpɔ ke mme synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk udɔŋɔ ye kpukpru oruk mmemidem ekure.

MATTHEW 9:38

Ebeŋe ndien Enyene-idɔk ete, Enye osio mme anam-utom ɔdɔŋ edi ke idɔk Esie.

LUKE 10:19

Sese, mmɔnɔ mbufo odudu ndidigi urukikɔt ye ikpeyen ke ikpat, nnyuŋ ŋkara ofuri odudu usua: ndien baba ŋkpɔ kiet idinamke mbufo idiɔk.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

LUKE 24:49

Sese, nyenyuŋ ndɔŋ uŋwɔŋɔ emi Ete Mi ɔkɔŋwɔŋɔde etiene mufo: edi etie ke obio ebet tutu esine mbufo odudu emi otode ke enyɔŋ.

LUKE 6:13

Ndien ke ini eyo esierede, Enye okot mbet Esie, onyuŋ emek owo duopeba osio ke otu mmɔ, onyuŋ okot mmɔ, ete, mme apostle;

JOHN 17:2

kpa nte ama ɔkɔnɔ Enye odudu ndikara kpukpru obukidem, ete akpada nsinsi uwem ɔnɔ owo ekededi eke Afo ayakde ɔnɔ Enye.

JOHN 3:27

John ɔbɔrɔ ete, Owo ikemeke ndinyene baba ŋkpɔ kiet, ibɔhɔke Abasi etie ke heaven ɔnɔ enye.

JOHN 3:35

Ete amama Eyen, omonyuŋ ayak kpukpru ŋkpɔ esin Enye ke ubɔk.

JOHN 6:70

Jesus ɔbɔrɔ mmɔ ete, Nte ŋkemekke mbufo owo duopeba? ndien owo kiet ke otu mbufo edi demon.

UTOM MME APOSTLE 1:8

Edi mbufo eyebɔ odudu, ke Edisana Spirit ama edi edidoro mbufo ke idem: mbufo eyenyuŋ edi mme ntiense Mi ke Jerusalem, ye ke ofuri Judaea ye Samaria, tutu osim utit ererimbot.

UTOM MME APOSTLE 19:15

Edi idiɔk spirit ɔbɔrɔ mmɔ ete, mmɔfiɔk Jesus, mmonyuŋ mbure Paul; edi mbufo edi mme anie?

ERIYARARE 12:1

EKEM akamba idiɔŋɔ owut idem ke enyɔŋ; ŋwan emi esinede utin ke idem, ɔfiɔŋ onyuŋ odude enye ke idak ikpat, anyanya ntantafiɔŋ duopeba onyuŋ odorode enye ke ibuot;