MATTHEW 1:21 - Edisana ñwed Abasi Ibom

²¹ Ndien enye eyeman nyen eren; afo eyenyuŋ osio Enye enyiŋ JESUS, koro edi Enye eyenyaŋa ikɔt Esie osio ke mme idiɔk-ŋkpɔ mmɔ.

MATTHEW 1:21 ပူးပေါင်းရင်းမြစ်များ

GENESIS 17:19

ke iso fo. Ndien Abasi ɔdɔhɔ ete, Sarah ŋwan fo iditreke ndiman eyen nnɔ fi, afo eyenyuŋ osio enye enyiŋ Isaac. Ami nyenyuŋ nnam ediomi mi ada ye enye ye ubon esie ŋko eke editienede enye edem, nte nsinsi ediomi.

GENESIS 17:21

Nyenyuŋ nnam ediomi mi ada ye Isaac, emi Sarah edimande ɔnɔ fi, ke adaŋa emi isua ebem eke edide.

GENESIS 18:10

Ndien enye ɔdɔhɔ, ete, Nditreke ndifiak ntiene fi ke adaŋemi isua akabarede; ndien, sese, Sarah ŋwan fo eyeman eyen-eren. Sarah ɔmɔŋ onyuŋ adada ke enyin usuŋ tent okop, enye onyuŋ odu Enye ke edem.

JEREMIAH 23:6

Ke eyo esie ke edinyaŋa Judah, Israel eyenyuŋ oduŋ ke ifure: ndien emi edi enyiŋ eke edisiode enye, JEHOVAH EDINEN IDO NNYIN.

JEREMIAH 33:16

Ke mme usen oro ke edinyaŋa Judah, Jerusalem eyenyuŋ oduŋ ke ifure; ndien emi edi se edikotde enye, JEHOVAH ETI IDO NNYIN.

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

MATTHEW 1:25

inyuŋ ifiɔkke enye tutu enye aman eyeneren; ndien osio Enye enyiŋ JESUS.

LUKE 1:13

Edi angel ɔdɔhɔ enye ete, Kufehe ndik, Zechariah; koro ema ekop mkpe-ubɔk fo; ndien ŋwan fo Elizabeth eyeman eyen eren ɔnɔ fi, afo eyeyuŋ osio enye enyiŋ John.

LUKE 1:31

Ndien sese, afo eyeyomo, onyuŋ aman eyeneren, onyuŋ osio Enye enyiŋ JESUS.

LUKE 2:11

koro Andinyaŋa, emi edide Christ Ɔbɔŋ, amana ɔnɔ mbufo mfin ke obio David.

LUKE 2:21

Ke ini ekemde usen itiaita emi enyenede ndinim Eyen mbobi, mmɔ esio Enye enyiŋ Jesus, kpa enyiŋ oro angel okosiode Enye ke mika-iyomoke Enye kaŋa.

JOHN 1:29

Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

JOHN 4:42

ndien mmɔ edɔhɔ ŋwan oro ete, Ke emi nnyin imonim ke akpanikɔ, idige koro afo eketiŋde, edi koro nnyin ima ikokop ke idem nnyin, inyuŋ ifiɔk ite, Owo emi edi Andinyaŋa ererimbot ke akpanikɔ.

UTOM MME APOSTLE 13:23

Oto ke ubon owo emi ke Abasi akada Andinyaŋa ɔnɔ Israel, nte uŋwɔŋɔ Esie edide, kpa Jesus;

UTOM MME APOSTLE 3:26

Sia Abasi ama akanam Owo Esie adaha ada, Enye ebem iso ɔdɔŋ Enye ete edidiɔŋ mbufo, ke erinam mbufo kpukpru ewɔŋɔre ekpɔŋ mme idiɔk-ŋkpɔ mbufo.

UTOM MME APOSTLE 4:12

Erinyaŋa inyuŋ itoho ke baba owo kiet efen: koro enyiŋ baba kiet efen inyuŋ iduhe eke enɔde ke otu owo ke idak ikpa-enyɔŋ, eke enyenede ndida nnyana nnyin.

UTOM MME APOSTLE 5:31

Abasi akada ubɔk nnasia, Esie emenere Enye onim ke enyɔŋ, ete edi Ɔbɔŋ ye Andinyaŋa, man Enye ɔnɔ Israel erikabare esit, ye erifen mme idiɔk-ŋkpɔ.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

1 JOHN 3:5

Ndien mbufo efiɔk ete ekesio Enye enim, man emen mme idiɔk-ŋkpɔ efep; ndien idiɔk-ŋkpɔ iduhe Enye ke idem.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.

JUDGES 13:3

Ekem angel Jehovah owut ŋwan oro idem, onyuŋ ɔdɔhɔ enye, ete, Sese, afo edi ada, uka-unyuŋ umanke eyen: edi afo eyeyomo, onyuŋ aman eyen eren.

1 SAMUEL 1:20

Edikem ke ukabare isua Hannah oyomo, onyuŋ aman eyen-eren, onyuŋ osio enye enyiŋ Samuel, ete, Koro ŋkebeŋede enye ke ubɔk Jehovah.