MARK 9:7 - Edisana ñwed Abasi Ibom

⁷ Ndien ikpa enyɔŋ edi edifuk mmɔ; uyo onyuŋ oto ke ikpa-enyɔŋ ɔwɔrɔ ete, Emi edi edima Eyen Mi: ekop uyo Esie.

MARK 9:7 ပူးပေါင်းရင်းမြစ်များ

ŊWED MME PSALM 2:7

Yak ntiŋ mbaŋa ewuhɔ: Jehovah ɔmɔdɔhɔ mi, ete, Afo edi eyen mi ami mmobon fi mfin emi.

ŊWED MME PSALM 97:2

Obubit enyɔŋ ye ekim ekan enye ekuk: edinen ido ye ikpe edi itie ebekpo esie.

EXODUS 24:16

Ndien ubɔŋ Jehovah oduŋ ke obot Sinai, obubit enyɔŋ onyuŋ ofuk enye ke ofuri usen itiokiet: ndien ekem ke ɔyɔhɔ usen itiaba, Enye etie ke ufɔt obubit enyɔŋ okot Moses.

EXODUS 40:34

Ndien obubit enyɔŋ ofuk efe esop, ubɔŋ Jehovah onyuŋ ɔyɔhɔ ke ebiet-iduŋ.

DANIEL 7:13

Ŋkut ke ŋkukut okoneyo, ndien, sese, owo eke ebietde eyen owo asaŋa ke obubit enyɔŋ edi, enye osim Andisɔŋɔ usen, enyuŋ eda enye edi enye ke iso.

MATTHEW 27:43

Enye ɔbuɔt idem ye Abasi: yak Abasi anyaŋa Enye idaha emi, edieke oyomde Enye. Koro Enye ɔkɔdɔhɔ ete, Ndi Eyen Abasi.

MATTHEW 27:54

Edi ke ini centurion, ye mmɔ emi edude ye enye ekpeme Jesus, ekutde unyek-isɔŋ, ye mme ŋkpɔ oro etibede, mmɔ efehe akwa ndik eti-eti, enyuŋ edɔhɔ ete, Ke akpanikɔ emi ekedi Eyen Abasi.

MATTHEW 3:17

ndien sese, uyo oto ke enyɔŋ ɔdɔhɔ ete, Emi edi edima Eyen Mi, emi esit enemde Mi eti-eti ye Enye.

MARK 1:11

uyo onyuŋ oto ke enyɔŋ, ete, Afo edi edima Enyen Mi; mmenem esit eti-eti ye Afo.

MARK 9:6

Koro enye mifiɔkke se ɔkpɔbɔrɔde: koro akwa ndik omumde mmɔ.

MARK 9:8

Ndien idaha oro, ke ini mmɔ esuande enyin ese, mmɔ ikwe owo aba ye mmɔ, ke mibɔhɔke Jesus ikpɔŋ.

LUKE 3:22

enyɔŋ eberere, ndien Edisana Spirit ɔsuhɔre ke mbiet ibiom edidoro Enye ke idem: ndien uyo oto ke enyɔŋ, ete, Afo edi edima eyen Mi; mmenem esit eti-eti ye Afo.

JOHN 1:34

Ami mma nnyuŋ ŋkut, nnyuŋ ntie ntiense nte, Emi edi Eyen Abasi.

JOHN 1:49

Nathanael ɔbɔrɔ Enye ete, Rabbi, Afo edi Eyen Abasi; Afo edi Edidem Israel.

JOHN 12:28

Ndɔhɔ nte, Ete, nɔ enyiŋ Fo ubɔŋ. Ntre ke uyo oto ke enyɔŋ ete, Mma ŋkɔnɔ enyiŋ Mi ubɔŋ, nyenyuŋ ntɔŋɔ ntak nnɔ enye ubɔŋ.

JOHN 19:7

Mme Jew ebɔrɔ enye ete, Nnyin imenyene ibet, ndien nte ibet oro owukde, Enye odot ndikpa; koro Enye onimde Idem Esie ke Eyen Abasi.

JOHN 20:31

Edi ewet mmɔ emi, man mbufo enim ke akpanikɔ ete Jesus edi Christ, Eyen Abasi; man ke erinim ke akpanikɔ, mbufo ekpenyene uwem ke enyiŋ Esie.

JOHN 5:18

Ami ke nnyuŋ nnam. Ke ntak emi mme Jew edɔdiɔŋ eyom Enye ndiwot, itoho koro abiatde sabbath ikpɔŋ, edi oto koro Enye okotde Abasi, ete, Ete Imɔ, anam idem ukem ye Abasi.

JOHN 5:37

Ete emi ɔkɔdɔŋde Mi, Enye omonyuŋ edi ntiense ɔnɔ Mi. Akananam mbufo ikopke uyo Esie, inyuŋ ikwe mbiet Esie,

JOHN 6:69

Nnyin imonyuŋ inim ke akpanikɔ inyuŋ ifiɔk ite, Afo edi Edisana Eyen Abasi.

JOHN 9:35

Jesus okop ete mmɔ ema ebin owo oro. Ntre ke ini Jesus okutde enye, Enye ete, Nte afo ɔmɔbuɔtidem ye Eyen Abasi?

UTOM MME APOSTLE 1:9

Ndien ke Enye ama eketiŋ ikɔ oro ama, nte mmɔ esuk esede, emen Enye edɔk ke enyɔŋ; ndien ikpa-enyɔŋ ofuk Enye, mmɔ inyuŋ ikwe Enye aba.

UTOM MME APOSTLE 7:37

Emi edi Moses oro ɔkɔdɔhɔde nditɔ Israel ete, Abasi eyenam prophet, emi edibietde mi, adaha ada ɔnɔ mbufo ke otu nditɔ-ete mbufo.

UTOM MME APOSTLE 8:36

Edi nte mmɔ ekade iso ke usuŋ mmɔ, mmɔ edisim mmɔŋ;

ŊWED MBON ROME 1:4

edi ke spirit Esie emi edide ata edisana, eriset emi Enye esetde ke mkpa ama owut ke odudu ete Enye edi Eyen Abasi); kpa Jesus Christ Ɔbɔŋ nnyin

MME HEBREW 2:1

MMƆDO ikpotim ikpaŋ utɔŋ ikan inɔ mme ŋkpɔ emi ikokopde, mbak nnyin idifiɔrɔ ikpɔŋ mmɔ.

2 PETER 1:17

Koro Enye ɔkɔbɔ ukpono ye ubɔŋ ke ubɔk Abasi Ete, ke adaŋemi uyo otode ke akakan ubɔŋ oro osim Enye ntem, ete, Emi edi Eyen mi, Eyen ima Mi, emi esit enemde Mi ye Enye:

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

ERIYARARE 1:7

Sese, Enye ɔmɔŋ asaŋa ke obubit enyɔŋ edi; kpukpru enyin eyenyuŋ ekut Enye, ye mmɔ emi ekekimde Enye; ndien kpukpru mme idut isɔŋ eyeseme Enye. Yak edi ntre, Amen.