MARK 9:50 - Edisana ñwed Abasi Ibom

⁵⁰ Inuŋ ɔfɔn: edi inuŋ ama akabare adaba, mbufo edida nso enam enye enem? Enyene inuŋ ke esit mbufo, enyuŋ etie ke emem ye kiet eken.

MARK 9:50 ပူးပေါင်းရင်းမြစ်များ

ŊWED JOB 6:6

Nte edidia se idabade, eke inuŋ miduhe? Nte inem odu ke afia nsen unen?

ŊWED MME PSALM 133:1

IDUŊ nditɔ-ete ke idem ɔtɔ kiet ɔfɔn didie! onyuŋ eye didie!

ŊWED MME PSALM 34:14

Wɔŋɔre kpɔŋ idiɔk, nyuŋ nam eti: yom emem, nyuŋ bine enye.

EZEKIEL 43:24

Ndien da mmɔ saŋa kpere ke iso Jehovah, yak mme oku enyuŋ eduɔk mmɔ inuŋ ke idem, ndien efɔp mmɔ enɔ Jehovah ke edifɔp uwa.

MATTHEW 5:13

Mbufo edi inuŋ isɔŋ: edi inuŋ ama akabare adaba, edida nso enam enye enyene inem? ifɔnke aba ke baba ŋkpɔ kiet, ibɔhɔke nditop nduɔk, owo ndidigi ke ukot.

MARK 9:34

Edi mmɔ edodop; koro ke usuŋ mmɔ ekeneni ye kiet eken, ete, mme anie ke otu mme imɔ okpon akan,

MARK 9:49

Koro eyetuk kpukpru owo ikaŋ, nte etukde uwa inuŋ.

ŊWED MBON ROME 12:18

Edieke usuŋ odude, eŋwana, nte mbufo ekemeke, ndidu ke emem ye kpukpru owo.

2 ŊWED CORINTH 13:11

Ke akpatre ikɔ, nditɔ-ete, etie suŋ. Ekabare efɔn ema; ekut ndɔŋesit; enyene esit kiet; etie emem-emem; ndien Abasi ima ye emem eyedu ye mbufo.

ŊWED MBON GALATIA 5:22

Edi mbuŋwum Spirit edi ima, ye idaresit, ye emem,

ŊWED MBON EPHESUS 4:29

Ekuyak ndek-ndek ikɔ ɔwɔrɔ mbufo ke inua, edi etiŋ se iŋwamde owo ndikɔri ke mfɔn, nte unana owo edide, man eda ufɔn enɔ mmɔ eke ekopde.

ŊWED MBON PHILIPPI 1:27

Ekam edu uwem ke otu mbio-obio mbufo nte odotde ye gospel Christ, man ye ndidide ndise mbufo ye mmonyuŋ ndige, nyekop mbaŋa itie mbufo, nte, mbufo esɔŋɔ eda enyene spirit kiet, ke enyuŋ eda esit kiet eŋwana eŋwan ebaŋa mbuɔtidem emi odude ke gospel;

ŊWED MBON COLOSSAE 3:12

Nte mmɔ emi Abasi ekemekde, emi Abasi akanamde mmɔ esana onyuŋ amade, eda ndien esit mbɔm esine, ye mfɔn-ido, ye nsuk-idem, ye ifure-ifure ido, ye ime;

ŊWED MBON COLOSSAE 4:6

Eyak nneme mbufo enyene inem ke esit kpukpru ini, nte esinde inuŋ ke esit, kpaŋ mbufo ediɔŋɔ nte mbufo ekpemende ikɔ enɔ kpukpru owo ibɔrɔ.

1 ŊWED THESSALONICA 5:13

Ekpono mmɔ eti-eti ke ima kabaŋa utom mmɔ.

2 ŊWED TIMOTHY 2:22

Fehe kpɔŋ mme idiɔk itɔŋ ini uyen, nyuŋ tiene mmɔ eke esemede ekot Ɔbɔŋ ke edisana esit, bine edinen ido, ye mbuɔtidem, ye ima, ye emem.

MME HEBREW 12:14

Etiŋ enyin esaŋa ke emem ye kpukpru owo; enyuŋ esaŋa ke edisana ido; koro esiode oro efep, baba owo kiet idikwe Ɔbɔŋ.

JAMES 1:20

koro iyaresit owo miwɔrɔke edinen ido Abasi.

1 PETER 3:8

Ke akpatre itie, mbufo kpukpru enyene esit kiet, ekop mbɔm ye kiet eken, etie ima-ima nte nditɔ-ete, enyene mfefere esit, enyuŋ esuhɔre idem.