MARK 9:24 - Edisana ñwed Abasi Ibom

²⁴ Idaha oro ete eyen oro ofiori ete, Mmɔbuɔt idem; ŋwam unana mbuɔtidem mi.

MARK 9:24 ပူးပေါင်းရင်းမြစ်များ

2 SAMUEL 16:12

Ndusuk Jehovah eyese idiɔk ido mi, Jehovah eyenyuŋ ɔnɔ mi se ifɔnde ke ibuot isuŋi esie mfin emi.

2 NDIDEM 20:5

Fiak kɔdɔhɔ Hezekiah, etubom ikɔt mi, ete, Ntem ke Jehovah, Abasi David usɔ, ɔdɔhɔ, ete, Mmokop mkpe-ubɔk fo, mmokut mmɔŋ-eyet fo; sese, nyenam udoŋɔ okure fi: afo eyedɔk ke ufɔk Jehovah ke ɔyɔhɔ usen ita.

ŊWED MME PSALM 126:5

Mmɔ eke etɔde ŋkpɔ ke mmɔŋeyet eyekpeŋe ke idara. Owo eke obiomde akpan mkpasip, aka atua eyet,

ŊWED MME PSALM 39:12

O Jehovah, kop mkpeubɔk mi, nyuŋ kpaŋ utɔŋ ke eseme mi; kudop uyo unɔ mmɔŋeyet mi: koro ami ndide esen owo ye afo, ye oduduŋ, kpa nte kpukpru mme ete mi ekedide.

JEREMIAH 14:17

Nyuŋ dɔhɔ ikɔ emi, ete, enyin mi eyeyak mmɔŋeyet ɔsuhɔre ke okoneyo ye uwemeyo, idinyuŋ idopke: koro emenuak adiaha ikɔt mi eyenɔwɔŋ eti-eti, unan ɔmɔdiɔk akan.

MARK 9:23

Jesus ɔbɔrɔ enye ete, Edieke ekemede ndibuɔt idem! Kpukpru ŋkpɔ ekeme ndiwɔrɔ nnɔ enye emi ɔbuɔtde idem.

MARK 9:25

Edi ke ini Jesus okutde nte otu owo ekibede edi, Enye asua ɔnɔ edidehe spirit ete enye. Afo spirit imum ye inan, mmowuk fi, wɔrɔ enye ke idem, kunyuŋ uduk enye ke idem aba.

LUKE 17:5

Ekem mme apostle edɔhɔ Ɔbɔŋ ete, Nam mbuɔtidem nnyin okpon akan.

LUKE 7:38

ada ufuɔŋkpɔ ke otu alabaster edi, onyuŋ ada Enye ke edem-edem ke ukot, atua eyet, ndien mmɔŋ-eyet esie ebit Jesus ukot; enye onyuŋ ada idet ibuot esie ɔkwɔhɔre Enye ukot, otim ukot Esie inua, onyuŋ ada ufuɔŋkpɔ eyet Enye ke ukot.

LUKE 7:44

Ekem Enye ɔwɔŋɔre ese ŋwan, onyuŋ ɔdɔhɔ Simon ete, Omokut ŋwan emi? Ŋkodukde ke ufɔk fo, afo unɔŋɔ Mi mmɔŋ ndida nyet ukot: edi enye ada mmɔŋ-eyet esie eyet Mi ukot, onyuŋ ada idet esie ɔkwɔhɔre Mi ukot.

UTOM MME APOSTLE 10:19

Edi nte Peter ekerede ŋkukut oro, Spirit ɔdɔhɔ enye ete, Sese, owo ita ke eyom fi.

UTOM MME APOSTLE 10:31

Cornelius, ema ekop akam fo, enyuŋ eti ŋkpɔ mfɔn eke ɔnɔde mme ubuene ke iso Abasi.

2 ŊWED CORINTH 2:4

Koro ŋketie ke akwa ukut ye mbaba esit ŋwet ŋwed oro nnɔ esɔk mbufo ye ediwak mmɔŋ-eyet; ŋkewetke man nnam mbufo mfuhɔ, edi man mbufo efiɔk ima mi eke awakde eti-eti ye mbufo.

ŊWED MBON EPHESUS 2:8

Koro ke mfɔn ke ema enyaŋa mbufo oto ke mbuɔtidem: erinyaŋa emi inyuŋ itoho mbufo; edi Abasi ɔnɔnɔ:

ŊWED MBON PHILIPPI 1:29

Koro eyak enɔ mbufo kabaŋa Christ, idige ndibuɔt idem ye Enye ikpɔŋ, edi ndinyuŋ ŋkut ndutuhɔ kabaŋa Enye;

2 ŊWED THESSALONICA 1:11

Kabaŋa ŋkpɔ emi nnyin ikpe ubɔk kpukpru ini inɔ mbufo, ite, Abasi nnyin akpakam abat ete mbufo edot ikot emi ekekotde mbufo, onyuŋ ada odudu Esie anam kpukpru eti uduak ye kpukpru utom mbuɔtidem ɔwɔrɔ osu ɔnɔ mbufo;

2 ŊWED THESSALONICA 1:3

Ana nte nnyin ikɔm Abasi kpukpru ini ibaŋa mbufo, nditɔ-ete, kpa nte odotde nnyin ndinam ntre, koro mbuɔtidem mbufo ɔkɔride eti-eti, ima emi kpukpru mbufo emade kiet eken onyuŋ okponde;

2 ŊWED TIMOTHY 1:4

ke ɔdɔdɔŋ mi ndikut fi, ke adaŋemi ntide mmɔŋeyet fo, man nyɔhɔ ye idaresit.

MME HEBREW 12:17

Mbufo efiɔk ete, ke ukperedem, ke ini enye okoyomde ndibɔ eridiɔŋ nda, ekpɔnɔre enye enim ke ŋkaŋ kiet (enye ikonyuŋ ikwe ifet ndikabare esit), okposuk edi nte oyomde eridiɔŋ oro ye mmɔŋeyet.

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.

MME HEBREW 5:7

Ke mme usen emi Enye odude ke obukidem Enye ɔkɔbɔŋ akam onyuŋ anam mkpe-ubɔk ye ɔkpɔsɔŋ eseme ye mmɔŋ-eyet ɔnɔ Abasi emi ekemede ndinyaŋa Enye nsio ke mkpa, Abasi onyuŋ eyere Enye, koro Enye eteŋede Abasi;