MARK 9:2 - Edisana ñwed Abasi Ibom

² Ekem ke usen itiokiet ema ekebe, Jesus ada Peter, ye James, ye John, ɔdɔk ke akwa obot ke idem mmɔ ikpɔŋ:

MARK 9:2 ပူးပေါင်းရင်းမြစ်များ

1 NDIDEM 18:33

Ndien enye ɔdiɔŋ onim ifia onyuŋ abak enaŋ, emen odori ke ifia; ndien enye ɔdɔhɔ ete,

1 NDIDEM 18:42

Ndien Ahab ɔdɔk aka ndidia ŋkpɔ nnyuŋ ŋŋwɔŋ. Elijah onyuŋ ɔdɔk ŋko ke ibuot Carmel; onyuŋ ɔsuhɔre etie ke isɔŋ, onyuŋ onuk ibuot esie esin mkpatian-ukot esie.

EXODUS 24:13

Ndien Moses adaha ke enyɔn, ye Joshua asaŋa-utom esie; ndien Moses ɔdɔk ke obot Abasi.

ISAIAH 33:17

Enyin fo eyese edidem ke uyai esie; eyekut anyan idut.

ISAIAH 53:2

Ndien enye okotibe nte nsehe ke iso esie, ye nte oruŋ eke otode edisat isɔŋ: enye inyeneke ubɔŋ, inyuŋ inyeneke uyai; ndien nnyin ise enye, edi inyeneke ŋwut-idem eke nnyin ikoyomde enye.

MATTHEW 14:13

Edi ke ini Jesus okopde ŋkpɔ emi, Enye ediere ke ubom, adaha ke ɔtɔ oro, aka ke ebiet eke edide desert ye mbet Esie ikpɔŋ; ndien ke adaŋemi mme otu owo ekopde, mmɔ eto ke mme obio esaŋa ukot-ukot etiene Enye.

MARK 14:33

Ndien Enye ada Peter ye James ye John adian idem, idem onyuŋ ɔtɔŋɔ ndikpa Enye, Enye onyuŋ odu ke nnanenyin.

MARK 16:12

Ke ŋkpɔ emi ama ekebe, Enye ayarare Idem ke ido efen owut owo mmɔ iba, nte mmɔ esaŋade ke usuŋ eka iŋwaŋ.

MARK 5:37

Enye inyuŋ iyakke baba owo kiet asaŋa ye Enye, ke mibɔhɔke Peter, ye James, ye John eyen-eka James.

LUKE 6:12

Edikem ke mme usen oro, Enye ɔwɔrɔ ɔdɔk ke akamba obot ndibɔŋ akam; onyuŋ ama ofuri okoneyo ke eribɔŋ akam nɔ Abasi.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

ŊWED MBON ROME 12:2

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.

2 ŊWED CORINTH 13:1

EMI edi ɔyɔhɔ eridi mi utim ikata ke ɔtɔ mbufo; ke inua ntiense iba mme ita ke kpukpru ikɔ eyesɔŋɔ eda.

ŊWED MBON PHILIPPI 3:21

emi eyetɔŋɔ ntak obot ikpɔhidem nnyin emi odude ke ata usuhɔre-itie, esin ke mbiet idem Esiemɔ emi enyenede ubɔŋ, oto ke odudu Esie, emi Enye ekemede ndida nsuk kpukpru ŋkpɔ nsin ke idak Esie.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.