MARK 9:18 - Edisana ñwed Abasi Ibom

¹⁸ ndien ɔtɔ nte spirit oro omumde enye, osio enye ɔduɔk ke isɔŋ, enye onyuŋ osio efot, onyuŋ ata edet, idem onyuŋ ɔdɔdiɔŋ ɔdiɔk enye: mmonyuŋ ndɔhɔ mbet Fo nte ebin enye eduɔk, edi mmɔ ikemeke.

MARK 9:18 ပူးပေါင်းရင်းမြစ်များ

ŊWED JOB 16:9

Iyaresit esie awai mi onyuŋ ɔkɔbɔ mi, enye ata edet esie ese mi; usua mi ɔsɔp enyin esie ese mi.

ŊWED MME PSALM 112:10

Idiɔk owo eyekut, onyuŋ ayat esit; eyeta edet esie, onyuŋ atara: udɔŋ idiɔk owo eyetak.

MATTHEW 15:22

Ndien sese, ŋwan Canaan kiet oto ke adaŋa edem oro edi, onyuŋ ofiori ete, Tua mi mbɔm, O Ɔbɔŋ, Afo Eyen David; demon ke ɔtuhɔre eyen mi aŋwan eti-eti.

MATTHEW 17:16

Ndien ŋkada enye nsɔk mbet Fo, edi mmɔ ikemeke ndinam udɔŋɔ okure enye.

MATTHEW 8:12

edi eyeduɔk nditɔ Obio Ubɔŋ ke ekim ke aŋwa-aŋwa: do ke eritua eyet ye erita edet eyedu.

MARK 11:23

Ke akpanikɔ ke ndɔhɔ mbufo, owo ekededi eke edidɔhɔde akamba obot emi ete, Wuhɔre, kɔduɔ sine ke akwa inyaŋ; midinyuŋ iyikke ke esit esie, edi onimde ke akpanikɔ ete se imɔ itiŋde eyesu, eyewɔrɔ ɔnɔ enye.

MARK 9:17

Ekem owo kiet ke ufɔt otu oro ɔbɔrɔ Enye ete, Andikpep, ŋkada eyen eren mi, emi enyenede spirit imum, nsɔk Fi;

MARK 9:19

Edi Jesus ɔbɔrɔ mmɔ ete, O emana emi ananade mbuɔtidem, adaŋa didie ke ndidu ye mbufo? adaŋa didie ke ndime ime ye mbufo? da enye sɔk Mi. Mmɔ eda enye esɔk Jesus.

MARK 9:20

Ke ini eyen oro okutde Jesus, idaha oro spirit esiŋere enye idiɔk-idiɔk, enye onyuŋ ɔduɔ ke isɔŋ amiaŋa, osio efot.

MARK 9:26

Ekem spirit ofiori, onyuŋ esiŋere enye eti-eti, ɔwɔrɔ enye ke idem: ndien eyen oro ɔsuhɔ, tutu ediwak owo edɔhɔ ete, enye ama akpa.

UTOM MME APOSTLE 7:54

Edi ke adaŋemi mmɔ ekopde ŋkpɔ emi, esit ofut mmɔ eti-eti, mmɔ enyuŋ eta edet ese enye.

JUDE 1:13

mmɔ ebiet aya inyaŋ ibom, esioŋo esuene mmɔ nte mmɔŋ osioŋode efot; mmɔ ebiet nyoŋ ntantafiɔŋ, eke enimde ata obubit ekim enɔ mmɔ ke nsinsi.