MARK 8:6 - Edisana ñwed Abasi Ibom

⁶ Ndien Enye ɔnɔ otu owo uyo ete, Esuhɔre etetie ke isɔŋ; onyuŋ emen uyo itiaba oro, ndien, ke Enye ama ɔkɔnɔ ekɔm, obuŋ, ayak ɔnɔ mbet, ete enim ke iso mbio-obio: mmɔ enim uyo ke iso otu owo.

MARK 8:6 ပူးပေါင်းရင်းမြစ်များ

MATTHEW 26:26

Edi nte mmɔ ediade, Jesus emen uyo, ɔdiɔŋ onyuŋ obuŋ, ɔnɔ mbet Esie ete, Ebɔ, eta; emi edi ikpɔhidem Mi.

MARK 8:20

Mmɔ ete Enye, Duopeba. Ke ini ŋkenyuŋ mbuŋde uyo itiaba ndeme thousand owo inaŋ, ɔyɔhɔ akpasa ifaŋ ke mbufo ekataŋ mbubek uyo ke esit? Mmɔ ebɔrɔ Enye ete, Itiaba.

MARK 8:5

Enye obup mmɔ ete, Enyene uyo ifaŋ? Mmɔ ete, Itiaba.

MARK 8:7

Mmɔ enyuŋ enyene ndusuk ŋkpri iyak: ndien ke ini Enye ama ɔdiɔŋ mmɔ, Enye ɔdɔhɔ ete, enim mmɔ emi ŋko ke iso mbio-obio.

LUKE 12:37

Ɔfɔfɔn ɔnɔ mme asaŋutom emi ete mmɔ edidide okut mmɔ etiede ekpeme; ke akpanikɔ ke ndɔhɔ mbufo nte, enye ke idem esie eyefak ɔfɔŋ, anam mmɔ etetie ke okpokoro udia, onyuŋ ada mbet ɔnɔ mmɔ.

LUKE 24:30

Enye oduk akadaŋ ye mmɔ Ekem ke ini Enye etiede ye mmɔ ke itie-udia, Enye emen uyo, ɔdiɔŋ, obuŋ, ayak ɔnɔ mmɔ.

JOHN 2:5

Eka Esie ɔdɔhɔ mme asaŋutom ete, Enam se Enye edidɔdɔhɔ mbufo.

JOHN 6:23

(Edi mme ubom eto ke Tiberias edikpere ebiet oro mmɔ ekadiade uyo, ke Ɔbɔŋ ama ɔkɔnɔ ekɔm.)

ŊWED MBON ROME 14:6

Owo eke okponode usen okpono enye ɔnɔ Ɔbɔŋ: owo eke onyuŋ adiade ŋkpɔ adia ɔnɔ Ɔbɔŋ, koro enye ɔnɔde Abasi ekɔm: enye eke minyuŋ idiaha etre ndidia ɔnɔ Ɔbɔŋ, enye ŋko onyuŋ ɔnɔ Abasi ekɔm.

ŊWED MBON COLOSSAE 3:17

Sededi mbufo enyuŋ enamde ke ikɔ ye utom enam kpukpru ke enyiŋ Ɔbɔŋ Jesus, enɔ Ete ekɔm oto ke Enye.

1 SAMUEL 9:13

nte mbufo edukde ke obio, eyekut enye ini kiet, ke enye mika-idɔkke kaŋa ke edikoŋ ebiet ndidia ŋkpɔ: koro mbio-obio midiaha ŋkpɔ tutu enye edi, koro enye eyediɔŋ uwa; ndien mmɔ emi ekotde edidia. Ekam edɔk, ndien; koro mbufo eyekut enye ke emi.