MARK 8:38 - Edisana ñwed Abasi Ibom

³⁸ Eyen owo eyekop but ye enye, ke ini Enye edide ke ubɔŋ Ete Esie ye ndisana angel Esie.

MARK 8:38 ပူးပေါင်းရင်းမြစ်များ

DANIEL 7:10

Ikaŋ oto enye ke iso ewet nte akpa mmɔŋ: tɔsin tɔsin ke itie tɔsin enam ŋkpɔ enɔ enye; tɔsin duop ke itie tɔsin duop enyuŋ eda enye ke iso: enim ikpe, enyuŋ ekubɔre ŋwed.

DANIEL 7:13

Ŋkut ke ŋkukut okoneyo, ndien, sese, owo eke ebietde eyen owo asaŋa ke obubit enyɔŋ edi, enye osim Andisɔŋɔ usen, enyuŋ eda enye edi enye ke iso.

ZECHARIAH 14:5

Ndien mbufo eyefeŋe ekeduk ke itihere ikpɔ obot mi: koro itihere ikpɔ obot eyetuak ke Azel: ndien mbufo eyefeŋe kpa nte ekefeŋede ebak unyek-isɔŋ ke eyo Uzziah edidem Judah: ndien Jehovah Abasi mi ke edi: kpukpru edisana ikɔt fo eyenyuŋ etiene fi edi.

MATTHEW 12:39

Edi Enye ɔbɔrɔ mmɔ ete, Idiɔk emana eke amade efibe oyom idiɔŋɔ; ndien idinɔŋɔ enye idiɔŋɔ, ibɔhɔke idiɔŋɔ prophet Jonah.

MATTHEW 13:41

Eyen Owo eyesio mme angel Esie ɔdɔŋ, ndien mmɔ eyetaŋ kpukpru ŋkpɔ emi esinde owo eduɔ, ye mmɔ emi enamde ukwaŋido efep ke Obio Ubɔŋ Esie,

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

MATTHEW 16:28

Ke akpanikɔ ke ndɔhɔ mbufo nte, ndusuk owo edu ke otu mmɔ emi edade mi, emi miditabike mkpa, tutu mmɔ ekut Eyen Owo edide ndida ubɔŋ.

MATTHEW 16:4

Emana eke ediɔkde enyuŋ esaŋade esin efibe eyom idiɔŋɔ; ndien idinɔŋɔ mmɔ baba idiɔŋɔ kiet, ibɔhɔke idiɔŋɔ Jonah. Ekem Enye ɔkpɔŋ mmɔ adaha.

MATTHEW 24:30

Adaŋoro ke idiɔŋɔ Eyen Owo eyewut idem ke enyɔŋ: adaŋoro ke kpukpru mme idut isɔŋ eyenyuŋ efuhɔ, mmɔ eyeyuŋ ekut Eyen Owo odorode ke obubit enyɔŋ edi ye odudu ye akwa ubɔŋ.

MATTHEW 25:31

Ke ini Eyen Owo edidide ke ubɔŋ Esie, asaŋa ye kpukpru mme angel, adaŋaro ke Enye eyetie ke ebekpo ubɔŋ Esie.

MATTHEW 26:64

Jesus ɔbɔrɔ enye ete, Edi ntre; edi ndɔhɔ mbufo nte ɔtɔŋɔde ke emi mbufo eyekut nte Eyen Owo etiede ke ubɔk nnasia Odudu, onyuŋ odorode ke obubit enyɔŋ edi.

MATTHEW 8:20

Ndien Jesus ete enye, Ebua-ikɔt enyene ndudu, inuen enyɔŋ enyuŋ enyene mme efɔk; edi Eyen Owo inyeneke ɔtɔ eke odoride ibuot Esie.

MARK 13:26

Adaŋoro mmɔ eyekut Eyen Owo odorode ke obubit enyɔŋ edi ye akwa odudu ye ubɔŋ.

MARK 14:62

Jesus ete, enye, Ndi Enye; mbufo eyenyuŋ ekut nte Eyen Owo etiede ke ubɔk nnasia Odudu, onyuŋ edide ke ikpa-enyɔŋ heaven.

MARK 8:37

Koro nso ke owo ɔkpɔnɔ ke ibuot uwem esie? Koro owo ekededi eke okopde but ye Ami ye ikɔ Mi ke idiɔk emana use emi,

LUKE 19:26

Ndɔhɔ mbufo nte, eyenɔ kpukpru owo eke enyenede; edi eyebɔ enye eke minyeneke kpa se enye enyenede.

LUKE 9:26

Koro owo ekededi eke edikopde but ye Ami ye ikɔ Mi, Eyen Owo eyekop but ye enye, ke ini Enye edidide ke ubɔŋ Esie ye Ubɔŋ Ete Esie ye eke ndisana angel.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

JOHN 1:51

Jesus onyuŋ ɔdɔhɔ enye ete, Ke akpanikɔ ke ndɔhɔ mbufo nte, Mbufo eyekut nte enyɔŋ ɔkibɔrede, ye nte mme angel Abasi edɔdɔk esɔsuhɔre edore Eyen Owo ke idem.

JOHN 12:34

Ntem ke otu owo ebɔrɔ Enye ete, Nnyin ima ikop nte edɔhɔde ke ibet, ete Christ eyesuk odu ke nsinsi: ndien Afo anam didie ɔdɔhɔ ete, Enyene ndimen Eyen Owo ke enyɔŋ? anie edi Eyen Owo emi?

JOHN 5:27

Enye omonyuŋ ɔnɔ Eyen odudu ndidi ebierikpe, koro Enye edide Eyen Owo.

UTOM MME APOSTLE 10:22

Ndien mmɔ ete, Edisana angel eteme Cornelius centurion, emi edide eti owo onyuŋ abakde Abasi, emi onyuŋ ɔwɔrɔde eti etop ke ofuri oruk mme Jew, ete, enye ɔdɔŋ edikot fi edi ke ufɔk esie, onyuŋ okop ikɔ ke inua fo.

UTOM MME APOSTLE 5:41

Ntre ke mmɔ oro ewɔrɔ ekpɔŋ esop, edara koro ebatde ete mmɔ emedot ndibɔ esuene kabaŋa enyiŋ Jesus.

ŊWED MBON ROME 1:16

Koro but inamke mi ye gospel; koro enye edide odudu Abasi, emi ɔwɔrɔde erinyaŋa ɔnɔ kpukpru owo eke ebuɔtde idem; ɔnɔ mme Jew ke akpa-itie, onyuŋ ɔnɔ mme Greek.

ŊWED MBON GALATIA 6:14

Edi nsa mi ndibure mbure, ibɔhɔke ke cross Ɔbɔŋ nnyin Jesus Christ, emi ekɔŋde ererimbot do ewot enɔ mi, enyuŋ ekɔŋde mi do ewot enɔ ererimbot.

DEUTERONOMY 33:2

Ndien enye ɔdɔhɔ, ete, Jehovah okoto ke Sinai edi, onyuŋ asiaha ke Seir ɔnɔ mmɔ; enye etie ke obot Paran ayama, onyuŋ asaŋa ye tɔsin edisana ikɔt duop edi: ikaŋ oto enye ke ubɔk nnasia ke ewuhɔ mmɔ.

1 ŊWED THESSALONICA 2:19

Koro nso idi idori-enyin nnyin, ye idaresit nnyin, ye anyanya eke idade ibure mbure? Nte idige mbufo ke nnyin idida inam mbure ke iso Ɔbɔŋ nnyin Jesus ke adaŋemi Enye edidide?

1 ŊWED THESSALONICA 3:13

man oto do Enye anam esit mbufo enyene iwuk onyuŋ anana ndo ke edisana ido ke iso Abasi ye Ete nnyin, ke ini Ɔbɔŋ nnyin Jesus edidide ye kpukpru nti ikɔt Esie.

2 ŊWED TIMOTHY 1:12

Emi esin mi ŋkut ndudtuhɔ emi; edi ŋkopke but; koro mmɔfiɔk Enye emi ŋkɔbuɔtde idem ye Enye, mmonyuŋ mbure mfiɔk nte, Enye emekeme ndikpeme se ŋkayakde nsin Enye ke ubɔk tutu osim usen oro.

2 ŊWED TIMOTHY 1:16

Ɔbɔŋ akpakam atua mbon ufɔk Onesiphorus mbɔm; koro enye ɔsɔŋɔde mi idem ediwak ini, minyuŋ inyeneke but ye ŋkpɔkɔbi mi;

2 ŊWED TIMOTHY 1:8

Mmɔdo kuyak but anam fi ndidi ntiense nnɔ Ɔbɔŋ nnyin, kunyuŋ uyak but anam fi ye ami, owo-ŋkpɔkɔbi Esie; edi kam tiene gospel biom ukut, adaŋa nte asaŋade ekekem ye odudu Abasi:

MME HEBREW 11:16

Edi ke emi mmɔ eyom isɔŋ eke ɔfɔnde akan, oro edi, isɔŋ eke odude ke heaven. Mmɔdo inamke Abasi but ndikere Abasi mmɔ; koro Enye ama ebeŋe Obio ɔnɔ mmɔ.

MME HEBREW 11:26

enye onyuŋ abat esuene Christ nte inyene eke okponde akan ŋkpɔ uto Egypt: koro enye owukde enyin ese utip eke edinɔde enye.

MME HEBREW 13:13

Eyak nnyin ndien iwɔŋɔ itiene Enye ke edem nna, ibiom esuene Esie.

JAMES 4:4

Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.

1 JOHN 2:23

Kpukpru owo eke afaŋade Eyen inyeneke Ete: owo emi onyimede Eyen enyene Ete nde.

1 JOHN 2:28

Mmɔdo, ŋkpri nditɔ, eduŋ ke Enye ke emi, man, edieke Enye ediwɔrɔde owut idem, nnyin ikpenyene uko, ikunyuŋ inyene but ke iso Esie, ke adaŋemi Enye edidide.

ERIYARARE 14:10

enye nde eyeŋwɔŋ wine ifuresit Abasi, emi ebuakde enana mbɔm ke cup iyaresit Esie; eyenyuŋ etuhɔre enye ke ikaŋ ye brimstone ke iso nti angel ye ke iso Eyen-erɔŋ: