MARK 8:34 - Edisana ñwed Abasi Ibom

³⁴ Ekem Enye okot otu owo ye mbet Esie edi, onyuŋ ɔdɔhɔ mmɔ ete, Owo ekededi ama oyom nditiene Mi, yak Enye otuk idem esie, onyuŋ emen cross esie etiene Mi.

MARK 8:34 ပူးပေါင်းရင်းမြစ်များ

1 NDIDEM 14:8

ŋkonyuŋ ŋwai ubɔŋ ufɔk David mbɔ, nda nnɔ fi, ndien afo ukanamke nte owo mi David, emi okonimde mbet mi, onyuŋ ebinede mi ke ofuri esit esie, onyuŋ anam se inende mi ke enyin ikpɔŋ-ikpɔŋ,

NUMBERS 14:24

edi ama edi owo mi Caleb, koro spirit efen okodude enye ke esit, enye onyuŋ otimde etiene mi nyeda enye nduk ke isɔŋ emi enye okodukde ke esit; ubon esie eyenyuŋ enyene enye.

MATTHEW 10:38

Ndien owo eke mimenke cross esie itiene Mi idotke ye Ami.

MATTHEW 16:24

Ekem Jesus ɔdɔhɔ mbet Esie ete, Edieke owo ekededi oyomde nditiene Mi, yak enye otuk idem esie, onyuŋ emen cross esie, etiene Mi.

MATTHEW 27:32

Edi ke adaŋemi mmɔ ewɔrɔde, mmɔ ekut owo Cyrene, emi ekerede Simon: mmɔ enyik enye etiene mmɔ, man obiom cross Jesus.

MARK 10:21

Edi Jesus owuk enyin ese enye, onyuŋ ama enye, ete, Ŋkpɔ kiet ɔsuhɔ fi; ka kanyam kpukpru se enyenede, yak nɔ mme ubuene, ndien enyenyene inyene ke heaven: nyuŋ di disaŋa ye Ami.

MARK 7:14

Ndien Enye ɔtɔŋɔ ntak okot otu owo edi, onyuŋ ɔdɔhɔ mmɔ ete, Kpukpru mbufo ekop uyo Mi, enyuŋ etim efiɔk:

LUKE 13:24

Edi Enye ɔbɔrɔ mmɔ ete, Mbufo eŋwana eti-eti ndibe ke mfafaha inua-otop nduk: koro ndɔhɔ mbufo nte, ediwak owo eyeyom ndiduk, ndien idikemeke.

LUKE 14:33

Kpa ntre ke owo mbufo ekededi, eke misanake kpukpru se enye enyenede iyak, ikemeke ndidi mbet Mi.

LUKE 18:22

Edi ke ini Jesus okopde emi, ɔdɔhɔ enye ete, Ŋkpɔ kiet ke osuk anana fi kaŋa; nyam kpukpru se enyenede, deme nɔ mme ubuene, ndien enyenyene inyene ke heaven: nyuŋ di disaŋa ye Ami.

LUKE 20:45

Ndien Enye ɔdɔhɔ mbet Esie ke utɔŋ kpukpru owo ete,

LUKE 9:23

Enye ɔdɔhɔ kpukpru mmɔ ete, Edieke owo ekededi oyomde nditiene Mi, yak enye otuk idem esie, onyuŋ emen cross esie ke usen ke usen etiene Mi.

JOHN 10:27

Mme erɔŋ Mi ekop Mi uyo, Ami mmonyuŋ mfiɔk mmɔ, mmɔ enyuŋ etiene Mi.

JOHN 19:17

Ntem ke mmɔ eda Jesus: ndien Enye ɔwɔrɔ obiom cross Esiemɔ, aka ke ebiet emi ekerede Itie-Mkpɔkpɔrɔ, onyuŋ ekerede Golgotha the usem Hebrew.

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

ŊWED MBON ROME 6:6

sia imɔfiɔk emi ite, ema ewot akani owo emi nnyin ikedide ke cross ye Enye, man ebiat ikpɔhidem idiɔk-ŋkpɔ, man nnyin ikudi aba ifin idiɔk-ŋkpɔ;

ŊWED MBON ROME 8:17

Edi edieke nnyin idide nditɔ, imonyuŋ inyene udeme ke se enimde enɔ nditɔ; imenyene udeme ke se Abasi onimde; imasaŋa ye Christ inyene udeme: koro ana nte nnyin ima ikut ndutuhɔ ye Enye, inyenyuŋ ida ubɔŋ ye Enye.

1 ŊWED CORINTH 15:31

Mmada mbure emi mburede mbaŋa mbufo ke Christ Jesus Ɔbɔŋ nnyin, nditɔ-ete, ŋwɔŋɔ nte ke ntie nte owo mkpa kpukpru usen.

1 ŊWED CORINTH 8:13

Ntem, edieke unam edisinde eyen-ete mi atuak ukot ɔduɔ, nditaha unam tutu amama, mbak ndinam eyen-ete mi atuak ukot ɔduɔ.

1 ŊWED CORINTH 9:19

Koro okposuk edi nte mmensineke baba owo kiet ke idak, mmoduk ufin nnɔ kpukpru owo, man nduri owo nda awak akan.

ŊWED MBON GALATIA 2:20

Ema ewot mi ke cross ye Christ; edi ke ndodu uwem; edi idige aba ami ke idem mi ke ndu uwem, edi Christ ke odu uwem ke esit mi. Ndien uwem eke ndude ke obukidem ke emi, ke ndu ke mbuɔtidem, kpa mbuɔtidem eke nnyenede ye Eyen Abasi, emi akamade mi, okonyuŋ ayakde Idem Esie ɔnɔ abaŋa mi.

ŊWED MBON GALATIA 5:24

Mmɔ emi edide ikɔt Christ Jesus ema ewot obukidem ke cross, ye udɔŋ ye idiɔk itɔŋ esie.

ŊWED MBON GALATIA 6:14

Edi nsa mi ndibure mbure, ibɔhɔke ke cross Ɔbɔŋ nnyin Jesus Christ, emi ekɔŋde ererimbot do ewot enɔ mi, enyuŋ ekɔŋde mi do ewot enɔ ererimbot.

ŊWED MBON PHILIPPI 3:10

Man ŋkpɔfiɔk Enye ye odudu eriset Esie ke udi, ye nsaŋa ke ndutuhɔ Esie, nnyuŋ ŋkabare ŋkpa mkpa eke ebietde mkpa Esie;

ŊWED MBON PHILIPPI 3:7

Edi mme ŋkpɔ eke ekpedide udori enɔ mi, ke ŋkabat mmɔ nte ntak-urua kabaŋa Christ.

ŊWED MBON COLOSSAE 1:24

Ke emi mmedat esit ke ndutuhɔ eke ŋkutde kabaŋa mbufo, nnyuŋ nnam se isuhɔde ke ukut Christ ɔyɔhɔ ke obukidem mi, man ɔfɔn ye idem Esie, oro edi ufɔk Abasi:

ŊWED MBON COLOSSAE 3:5

Mmɔdo ewot mbak idem mbufo emi edude ke isɔŋ. Ekpɔŋ use, ye ndek-ndek ido, ye idiɔk udɔŋ, ye idiɔk itɔŋ, ye erisin esit ke ŋkpɔ owo, emi edide ukpono-ndem;

2 ŊWED THESSALONICA 3:11

Koro nnyin imokop ibaŋa ndusuk owo eke esaŋade otime-otime ke otu mbufo, minyuŋ inamke utom, edi enɔhɔde ke mbubehe owo eŋwen.

TITUS 2:12

onyuŋ ekpep nnyin ŋkpɔ, man oto do nnyin idianare ikpɔŋ idiɔk ido ye idiɔk udɔŋ ererimbot, idu uwem ke eti ibuot ye edinen ido ye ido Abasi ke eyo emi;

MME HEBREW 13:13

Eyak nnyin ndien iwɔŋɔ itiene Enye ke edem nna, ibiom esuene Esie.

1 PETER 4:1

SIA Christ okokutde ukut ke obukidem, mbufo nde eda ekikere emi esine nte ŋkpɔ-ekɔŋ esɔŋɔ idem mbufo esit; koro enye emi okokutde ukut ke obukidem ama adianare ke idiɔk-ŋkpɔ ama;

1 PETER 4:13

Edi adaŋa nte mbufo ebuanade ke ndutuhɔ Christ, ekam edara; man mbufo ekpenyuŋ edat esit eti-eti ke adaŋemi ediyararede ubɔŋ Esie.

2 PETER 1:14

sia mfiɔkde nte eyewara ndifut ataya mi nnim ŋkaŋ kiet, nte Ɔbɔŋ nnyin Jesus okowutde mi.

1 JOHN 3:16

Nnyin ida emi ifiɔk ima, koro Enye akayakde uwem Esie ɔnɔ kabaŋa nnyin: nnyin nde ikponyuŋ iyak uwem nnyin inɔ kabaŋa nditɔ-ete.

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.