MARK 8:32 - Edisana ñwed Abasi Ibom

³² Enye onyuŋ etiŋ ikɔ emi aŋwa-aŋwa. Edi Peter ada Enye, ɔtɔŋɔ ndisua nnɔ Enye.

MARK 8:32 ပူးပေါင်းရင်းမြစ်များ

MATTHEW 16:22

Edi Peter ada Enye ɔtɔŋɔ ndisua nnɔ Enye, ete, Idiɔk ŋkpɔ aka nsan-nsan ye Afo, Ɔbɔŋ; utɔ ŋkpɔ emi idiwɔrɔke Fi.

MARK 4:38

Ndien Enye ke Idem Esie odu ke etak ubom, ke ede idap ke udoribuot: ndien mmɔ edemere Enye, ete Enye, Andikpep, nte Afo ukereke ete nnyin itak?

LUKE 10:40

Edi utom eke Martha aŋwanade ndinam nnɔ isen efihe enye akaha; ndien enye edi edidɔhɔ ete, Ɔbɔŋ, nte ukereke emi eyen-eka mi ɔkpɔŋde utom ɔnɔ mi ikpɔŋ? dɔhɔ enye edi ediŋwam mi naŋa.

JOHN 10:24

Ntre ke mme Jew edikan Enye ekuk, ete Enye, Adaŋa didie ke Afo edinam nnyin itak ke iyihe? Edieke Afo edide Christ, tiŋ nnɔ nnyin iŋwaŋ-iŋwaŋ.

JOHN 11:14

Ntre ke adaŋoro Jesus eneŋere ɔdɔhɔ mmɔ ete, Lazarus ama akpa.

JOHN 16:25

Ŋketiŋ mme ŋkpɔ emi nnɔ mbufo ke ŋke: ini ke edi eke mmenditiŋke ŋkpɔ nnɔ mbufo aba ke ŋke edi nyesian mbufo iŋwaŋ-iŋwaŋ mbaŋa Ete.

JOHN 16:29

Mbet Esie ete, Sese, emetiŋ ikɔ ndien iŋwaŋ-iŋwaŋ, unyuŋ utopke aba ŋke.

JOHN 18:20

Jesus ɔbɔrɔ enye ete, Ami ŋketetiŋ ŋkpɔ nnɔ ererimbot aŋwa-aŋwa; ŋkɔnɔ ukpep-ŋkpɔ kpukpru ini ke synagogue ye ke temple, emi kpukpru mme Jew ekam edide edisobo do; ŋkonyuŋ ntiŋke baba ŋkpɔ kiet ke ndibe. Nsinam obupde Mi?