MARK 8:31 - Edisana ñwed Abasi Ibom

³¹ Ekem Enye ɔtɔŋɔ ndikpep mmɔ ete, Eyen owo enyene ndikut ediwak ukut; mbiowo, ye ikpɔ oku, ye mme scribe eyenyuŋ esin Enye, enyuŋ ewot Enye, ndien ke usen ita ema ebe, Enye eyeset ke mkpa.

MARK 8:31 ပူးပေါင်းရင်းမြစ်များ

ŊWED MME PSALM 118:22

Itiat emi mme andibɔp esinde amakabare edi etubom inuk.

ISAIAH 53:3

Owo ese enye ke ndek, enyuŋ esin enye; enye edi owo ukut, onyuŋ emehe ke mfuhɔ; onyuŋ etie nte owo eke odipde nnyin iso; esin enye ke ndek, nnyin inyuŋ ibatke enye ke owo.

HOSEA 6:2

Ke usen iba ebede, enye eyenam nnyin iset: ke ɔyɔhɔ usen ita enye eyedemere nnyin, ndien nnyin iyedu uwem ke iso esie.

JONAH 1:17

Ndien Jehovah ama okonim akamba iyak kiet, ete, emen Jonah esin ke idibi. Ndien Jonah odu iyak oro ke idibi ke uwemeyo ita ye okoneyo ita.

MATTHEW 12:40

Koro nte Jonah okodude ke idibi akamba iyak uwemeyo ita ye okoneyo ita, ntre ke Eyen Owo eyedu ke esit isɔŋ uwemeyo ita ye okoneyo ita.

MATTHEW 21:42

Jesus ɔdɔhɔ mmɔ ete, Nte akanam mbufo ikotke ŋwed, ete, Itiat emi mme ɔbɔp-ufɔk esinde Amakabare edi etubom inuk: Emi oto Jehovah, Nnyin inyuŋ ise enye ke utibe?

MATTHEW 27:63

Ɔbɔŋ, nnyin imeti ite, ke ini owo abiaŋa oro okodude uwem, Enye ɔdɔhɔ ete, Usen ita ema ebe Imɔ iyeset.

MARK 12:10

Nte akanam mbufo ikotke kpa ikɔ emi ewetde ete, Itiat emi mme ɔbɔp-ufɔk esinde Amakabare edi etubom inuk;

LUKE 17:25

Edi Enye enyene ndibem iso ŋkut ediwak ukut, mbio emana emi eyenyuŋ esin Enye.

LUKE 24:26

Nte inaŋa nte Christ okut mme ukut emi, ndien ebe oduk ke Ubɔŋ Esie?

LUKE 24:44

Enye onyuŋ ɔdɔhɔ mmɔ ete, Emi edi ikɔ eke ŋketiŋde ye mbufo, ke adaŋemi ŋkodude ye mbufo; nte kpukpru se ekewetde ebaŋa Mi ke ibet Moses ye mme prophet ye mme psalm enyene ndisu.

JOHN 12:48

Owo eke esinde Mi, onyuŋ etrede ndibɔ ikɔ Mi nda, enyene andibiere-ikpe esie: ikɔ eke ŋketiŋde, kpa ikɔ oro edibiere ikpe ɔnɔ enye ke akpatre usen.

JOHN 2:19

Jesus ɔbɔrɔ mmɔ ete, Ewuri temple emi, ndien nyediɔŋ enye ke usen ita.

UTOM MME APOSTLE 7:35

Moses emi mmɔ ekesinde, ete, Anie odori fi ete edi andikara ye ebierikpe? kpa enye ke Abasi ɔdɔŋ ete ada ubɔk angel oro okowutde enye idem ke eto edi andikara ye andinyaŋa.

1 ŊWED CORINTH 15:4

enyuŋ enam Enye eset ke mkpa ke ɔyɔhɔ usen ita, nte asaŋade ekekem ye se ŋwed Abasi ɔdɔhɔde:

1 SAMUEL 10:19

Edi mfin emi mbufo emesin Abasi mbufo, emi edide enye akanyaŋa mbufo osio ke ofuri ukut mbufo, ye nnanenyin mbufo; enyuŋ edɔhɔ enye, ete, Kutre ndinam edidem nnɔ nnyin. Mbufo edi, ndien, edida ke iso Jehovah, ke esien, ke esien, ye ke tɔsin, ke tɔsin.

1 SAMUEL 8:7

Ndien Samuel ekpe Jehovah ubɔk. Ndien Jehovah ɔdɔhɔ Samuel, ete, Kop uyo mbon emi ke kpukpru se mmɔ edɔhɔde fi: koro midige afo ke mmɔ esin, edi ami ke mmɔ esin, ete ŋkudi edidem mmɔ.