MARK 8:12 - Edisana ñwed Abasi Ibom

¹² Edi Enye omum mmum ɔkpɔsɔŋ ke spirit, onyuŋ ɔdɔhɔ ete, Nsinam emana emi eyomde idiɔŋɔ? Ke akpanikɔ ke ndɔhɔ mbufo, Idinɔŋɔ emana emi baba idiɔŋɔ kiet.

MARK 8:12 ပူးပေါင်းရင်းမြစ်များ

ISAIAH 53:3

Owo ese enye ke ndek, enyuŋ esin enye; enye edi owo ukut, onyuŋ emehe ke mfuhɔ; onyuŋ etie nte owo eke odipde nnyin iso; esin enye ke ndek, nnyin inyuŋ ibatke enye ke owo.

MATTHEW 12:38

Ekem ndusuk mme scribe ye mme Pahrisee ebɔrɔ Enye ete, Andikpep, nnyin iyom ite Afo owut nnyin idiɔnɔ.

MATTHEW 16:4

Emana eke ediɔkde enyuŋ esaŋade esin efibe eyom idiɔŋɔ; ndien idinɔŋɔ mmɔ baba idiɔŋɔ kiet, ibɔhɔke idiɔŋɔ Jonah. Ekem Enye ɔkpɔŋ mmɔ adaha.

MARK 3:5

Ndien ke ini Enye ama akasuan enyin ese mmɔ ke iyaresit, koro nsɔŋesit mmɔ anamde Enye mfuhɔ, Enye ɔdɔhɔ owo oro ete, Nyanare ubɔk fo. Enye anyanare ubɔk: ubɔk esie onyuŋ akabare ɔfɔn.

MARK 6:6

Ndien Enye eyik abaŋa unana mbuɔtidem mmɔ. Ekem Enye asaŋa akanare obio-iŋwaŋ ekpep owo ŋkpɔ.

MARK 7:34

onyuŋ emenere enyin ese enyɔŋ, omum mmum, onyuŋ ɔdɔhɔ enye ete, Ephphatha, oro edi, Yak esirere.

MARK 8:13

Ndien Enye ɔkpɔŋ mmɔ, ɔtɔŋɔ ntak ediere ke ubom, ebe aka ke edem oko.

MARK 9:19

Edi Jesus ɔbɔrɔ mmɔ ete, O emana emi ananade mbuɔtidem, adaŋa didie ke ndidu ye mbufo? adaŋa didie ke ndime ime ye mbufo? da enye sɔk Mi. Mmɔ eda enye esɔk Jesus.

LUKE 19:41

Ke ini Enye asaŋade ekpere, Enye okut obio, onyuŋ atua eyet abaŋa enye, ete,