MARK 8:11 - Edisana ñwed Abasi Ibom

¹¹ Ekem mme Pharisee ewɔŋɔ edi, etɔŋɔ ndineni eneni ye Enye; mmɔ edodomo Enye ete, Enye ɔnɔ mme imɔ idiɔŋɔ eke otode ke heaven.

MARK 8:11 ပူးပေါင်းရင်းမြစ်များ

EXODUS 17:2

Ndien mmɔ etibi utɔk ye Moses, ete, Nɔ nnyin mmɔŋ iŋwɔŋ. Ndien Moses ɔdɔhɔ mmɔ ete, Nsinam mbufo etibide utɔk ye ami: Nsinam mbufo edomode Jehovah?

EXODUS 17:7

Ndien enye osio ebiet oro enyiŋ Massah, ye Meribah, ke abaŋa utɔk nditɔ Israel, ye ke eridomo emi mmɔ edomode Jehovah ete, Mme Jehovah odu ke otu nnyin, mme iduhe?

MALACHI 3:15

Ndien ke emi nnyin ibat ite ke ɔfɔn ye mbon iseri; enyuŋ efori mme anam-idiɔk ŋko; mmɔ enyuŋ edomo Abasi ŋko, ndien ebɔhɔ.

MATTHEW 12:38

Ekem ndusuk mme scribe ye mme Pahrisee ebɔrɔ Enye ete, Andikpep, nnyin iyom ite Afo owut nnyin idiɔnɔ.

MATTHEW 19:3

Ekem mme Pharisee edi edidomo Enye ete, Mme enen owo ndisio ŋwan esie ndɔ ke ntak ekededi?

MATTHEW 21:23

Ekem ke ini Enye odukde ke temple, ikpɔ oku ye mbiowo obio etiene Enye, nte Enye ekpepde mme owo ŋkpɔ, enyuŋ edɔhɔ ete, Ada odudu ewe anam mme ŋkpɔ emi? ŋko, anie okonyuŋ ɔnɔ Fi odudu emi?

MATTHEW 22:15

Ekem mme Pharisee eka ekoduk odu, nte mmɔ edikɔkde afia emum Enye ikɔ-inua.

MATTHEW 22:18

Edi Jesus ɔfiɔk ibak mmɔ, onyuŋ ɔdɔhɔ ete, Nsinam edomode Mi, mbufo mbio mbubik?

MATTHEW 22:23

Usen oro mme Sadducee, emi edɔhɔde ete eriset ke mkpa iduhe, etiene Enye, ebup Enye

MARK 12:15

Edi Enye okut mbubik mmɔ, onyuŋ ɔdɔhɔ mmɔ ete, Nsinam mbufo edomode Mi? Eda okuk utomo esɔk Mi nse.

MARK 2:16

Ndien ke ini mme scribe, emi etode ke otu mme Pharisee, ekutde nte Enye adiade ŋkpɔ ye mme publican ye mme idiɔk-owo, mmɔ edɔhɔ mbet Esie ete, Enye adia onyuŋ; oŋwɔŋ ŋkpɔ ye mme publican ye mme idiɔk-owo.

MARK 9:16

Enye obup mmɔ ete, Mbufo eneni nso ye mmɔ?

LUKE 10:25

Ndien sese, ɔfiɔk-ibet kiet adaha ke enyɔŋ edidomo Enye ete, Andikpep, ndinam nso man nnyene nsinsi uwem?

LUKE 11:16

Owo efen enyuŋ edomo Enye, eyom ete Enye owut mme imɔ idiɔŋɔ emi otode ke enyɔŋ.

JOHN 4:48

Ntre ke Jesus ɔdɔhɔ enye ete, Mbufo inimke ke akpanikɔ, ibɔhɔke ini ekut mme idiɔŋɔ ye mme utibe ŋkpɔ.

JOHN 6:30

Ntem ke mmɔ edɔhɔ ete, Afo anam nso nte idiɔŋɔ naŋa, man nnyin ikut, inyuŋ inim Fi ke akpanikɔ?

JOHN 7:48

Nte baba owo kiet ke otu mbiowo mme ke otu mme Pharisee ɔkɔbuɔt idem ye Enye?

JOHN 8:6

Mmɔ edɔhɔ ntem ndidomo Enye, man mmɔ enyene se ekpedade edori Enye. Edi Jesus ɔnuhɔ, ada nnuenubɔk ewet ŋkpɔ ke isɔŋ.

UTOM MME APOSTLE 5:9

Edi peter ɔbɔrɔ enye ete, Anam didie mbufo edukde ediomi ndidomo Spirit Jehovah nse? sese, ukot owo emi ekobukde uberi eda ke enyin-usuŋ, mmɔ eyenyuŋ emen fi ewɔrɔ.

1 ŊWED CORINTH 10:9

Nnyin ikunyuŋ idomo Ɔbɔŋ, nte ndusuk mmɔ ekedomode Enye, ndien eda urukikɔt esobo mmɔ.

DEUTERONOMY 6:16

Mbufo ekudomo Jehovah Abasi mbufo, kpa nte mbufo ekedomode enye ke Massah.