MARK 7:36 - Edisana ñwed Abasi Ibom

³⁶ Edi Enye ɔsɔŋɔ ɔnɔ mmɔ uyo ete, Ekutiŋ enɔ ndomo owo kiet, edi adaŋa nte Enye ɔnɔnɔ uyo, ntre ke mmɔ edɔdiɔŋ esuan mbuk oro ekan.

MARK 7:36 ပူးပေါင်းရင်းမြစ်များ

MATTHEW 8:4

Edi Jesus ete enye, Kpeme, kutiŋ unɔ baba owo kiet; edi nyɔŋ ke owut oku idem fo, nyuŋ wa enɔ eke Moses eketemede, man edi ŋkpɔ-ntiense ɔnɔ mme owo.

MARK 3:12

Edi Enye ɔsɔŋɔ owuk mmɔ ete ekuyarare Imɔ.

MARK 5:43

Idaha oro akamba mkpa-idem omum mmɔ. Edi Jesus ɔsɔŋɔ owuk mmɔ ete, ekuyak baba owo kiet ɔfiɔk ŋkpɔ emi; Enye onyuŋ ɔdɔhɔ mmɔ ete, Enɔ eyen ŋkpɔ adia.

MARK 7:35

Ndien utɔŋ esie esirere, uruk edeme esie onyuŋ atara, ndien enye etiŋ ikɔ iŋwaŋ-iŋwaŋ.

MARK 7:37

Ndien enyene mmɔ ndyɔ ebe adaŋa, mmɔ enyuŋ edɔhɔ ete, Enye ototim anam kpukpru ŋkpɔ; Enye anam kpa mme inan ekop ikɔ, mme imum enyuŋ etiŋ ikɔ.

MARK 8:26

Ekem Jesus ɔdɔŋ enye ɔnyɔŋ ufɔk, onyuŋ ɔdɔhɔ enye ete, Kuduk ke obio-iŋwaŋ oro.

MARK 9:9

Ndien nte mmɔ etode ke obot esuhɔre, Jesus owuk mmɔ ete, ekutiŋ se ekekutde enɔ baba owo kiet, ibɔhɔke ke ini eke Eyen Owo edisetde ke mkpa.