MARK 6:15 - Edisana ñwed Abasi Ibom

¹⁵ Edi owo efen ete, Edi Elijah: mmɔ efen edɔhɔ ete, Edi prophet emi etiede nte owo kiet ke otu mme prophet.

MARK 6:15 ပူးပေါင်းရင်းမြစ်များ

MALACHI 4:5

Sese, ami nyedɔŋ prophet Elijah utom ke ɔtɔ mbufo, ke akwa ye ndik-ndik usen Jehovah mika-idige kaŋa:

MATTHEW 16:14

Mmɔ ete, Ndusuk owo ete, John Baptist; ndusuk ete, Elijah; mmɔ efen ete, Jeremiah; midige, owo kiet ke otu mme prophet.

MATTHEW 21:11

Edi mme otu owo edɔhɔ ete, Emi edi Jesus, prophet emi otode ke Nazareth, ke Galilee.

MARK 6:16

Edi ke ini Herod okopde, enye ɔdɔhɔ ete, John emi ŋkebigide, enye emeset.

MARK 8:28

Mmɔ edɔhɔ Enye ete, John Baptist; mmɔ efen ete, Elijah, edi mmɔ efen ete Owo kiet ke otu mme prophet.

LUKE 1:17

Ndien enye eyeda spirit ye odudu Elijah ebem Enye (Messiah) iso, man enye akabare esit mme ete ɔnɔ nditɔ, onyuŋ akabare mbon nsɔŋibuot anam mmɔ esaŋa ke ɔniɔŋ ndinen owo; onyuŋ anam mmɔ emi ekenimde enɔ Ɔbɔŋ ebeŋe idem ebet Enye.

LUKE 7:16

Ekem Jesus ayak enye ɔnɔ eka esie. Edi ndik omum mmɔ kpukpru; mmɔ enyuŋ enɔ Abasi itoro, ete, Akwa prophet amadaha ada ke otu nnyin; enyuŋ ete, Abasi emedi ndise ikɔt Esie.

LUKE 7:39

Edi ke adaŋemi Pharisee oro okokotde Enye udia okutde ŋkpɔ emi, enye ɔdɔhɔ ke esit esie ete, Edieke owo emi ekpedide prophet, Enye ɔkpɔdiɔŋɔ ŋwan emi otukde Enye, okponyuŋ ɔfiɔk oruk ŋwan eke enye edide, ete enye edi anam-idiɔk-ŋkpɔ.

LUKE 9:19

Mmɔ ebɔrɔ ete, John Baptist; edi mmɔ efen ete, Elijah; mmɔ efen ŋko ete, owo kiet ke otu ŋkani mme prophet ama eset.

LUKE 9:8

edi ndusuk edɔhɔ ete, Elijah ama edi; mmɔ efen ete, Owo kiet ke otu ŋkani prophet ama eset.

JOHN 1:21

Ekem mmɔ ebup enye ete, Edi anie ndien? Edi Elijah? Enye ete, Ndige. Nte edi prophet oro? Enye ɔbɔrɔ ete, Baba.

JOHN 1:25

Mmɔ edibup enye ndien ete, Nsinam afo onimde owo baptism naŋa, edieke afo mudige Christ, munyuŋ udige Elijah, munyuŋ udige prophet oro?

JOHN 6:14

Ke ini mbon oro ekutde idiɔŋɔ oro Enye anamde, mmɔ ete, Ke akpanikɔ emi edi prophet emi edidukde edi ke ererimbot.

JOHN 7:40

Ke adaŋemi ndusuk mmɔ emi edude ke otu owo oro ekopde mme ikɔ emi, mmɔ ete, Owo emi edi prophet oro ke akpanikɔ.

JOHN 9:17

Mmɔ etɔŋɔ ntak edɔhɔ owo nnan, ete, Afo ɔdɔhɔ nso abaŋa Enye, sia Enye akatatde fi enyin? Owo oro ɔbɔrɔ ete, Enye edi prophet.